Connect with us

Lajme

Kasami nga Kumanova: Ndryshimi po vjen! VLEN së shpejti do udhëheq Qeverinë dhe të gjitha komunat shqiptare

Published

on

Lideri i Lëvizjes BESA, Bilall Kasami në tubimin madhështor të koalicionit VLEN në Kumanovë, ka thënë se ndryshimi po vjen. Ai tha se mesazhi për ndryshim u dha një ditë më parë në Tetovë, nga Stadiumi, ndërtimin e të cilit pushtetet e BDI-së me dekada e kanë bllokuar.

“Në Tetovë dje mesazhi ishte i qartë, ne e prishëm të vjetrën, sepse e reja tashmë ka filluar, ndryshimi ka nisur. Edhe këtu në Kumanovë po i themi se e vjetra ka skaduar, BDI-së i ka kaluar afati, VLEN është ndryshimi, VLEN është e asrdhmja, VLEN është rinia dhe freskia. Të nderuar kumonaovar, VLEN është fryma e re për zhvillimin eprosperitetin, ekonpminë e mirëqenien. VLEN është projekti ynë që do të sjellë më shumë para në xhepin e çdo qytetarit. Më shumë investime për. Kokë banori, më shumë biznes dhe më shumë fitim, sepse ekonomia VLEN, biznesi VLEN”,ka deklartuar Kasami.

Ai shtoi se VLEN është frymë e re për zhvillimin e prosperitetin, ekonominë dhe mirëqenien. Po ashtu ka theksuar se Qeveria e VLEN do të angazhohet për zhvillim të barabartë rajonal.

“Sot zhvillimi ekonomik në RMV, sikurse shumë fusha të tjera, ka dallime edhe të karakterit etnik. Sot te komunat shqiptare investohet vetëm 35 euro për kokë banori, ndërsa te komunat maqedone diku 75 euro për kokë banori. Plani ynë qeverisës mundëson që në vitin 2030 të kemi barazi, dhe të investohen pa dallim etnie, 150 euro për kokë banori”, tha Lideri i Lëvizjes BESA, Bilall Kasami.

Ai shtoi se, sot koalicioni VLEN i ka tre komunat më të mëdha shqiptare, Tetovën, Çairin dhe Gostivarin. Pas pak javësh, koalicioni VLEN do ta ketë edhe qeverisjen qendrore. E pas një viti, koalicioni VLEN do të qeverisë apo do të bashkëqeverisë edhe në Kumanovë, Likovë e shumë komuna të tjera. Sepse ndryshimi kur vjen, vjen i madh e vjen kudo.

Continue Reading

Lajme

Rrahje masive në mes të ditës në rrethrrotullimin hyrës të Shkupit (Video)

Published

on

By

Një përleshje masive ka ndodhur sot në mesditë në rrethrrotullimin kryesor në hyrje të Shkupit. Pamjet e publikuara nga dëshmitarë tregojnë disa persona të përfshirë në konflikt fizik, duke shkaktuar panik mes qytetarëve dhe pengesa në komunikacion, transmeton Flaka

Policia ka ndërhyrë dhe ka nisur hetimet për zbardhjen e ngjarjes. Deri më tani nuk raportohet për të lënduar rëndë.

Continue Reading

Lajme

Alternativa para hapit të madh, largohet nga Qeveria?!

Published

on

By

Deputetja e Alternativës Emërlije Saliu përmes një preskonference ka reaguar ndaj parades së krenarisë që mbahet në Shkup. Ajo që u vërejt është se deputetja Saliu doli në preskonferencë si deputete e Alteranativës e jo e VLEN-it.

Jozyratrisht mësohet se Alternativa do të largohet nga Qeveria brenda javës së ardhëshme. Këtë e paralajmëroi edhe lideri i BDI-së ku tha se brenda javës së ardhëshme pret zhvillime që do ti përshëndesën gjithë shqiptarët, shkruan Top24

Continue Reading

Lajme

Organizohet për herë të parë në Preshëvë Panairi i Librit Shqip

Published

on

By

Në Shtëpinë e Kulturës “Abdulla Krashnica” u hap me krenari Panairi i Parë i Librit Shqip në Preshevë, një ngjarje historike që vendos librin dhe gjuhën shqipe në qendër të vëmendjes kulturore.

Ky panair, për herë të parë i organizuar nga Komuna e Preshevës, është rezultat i një bashkëpunimi të ngushtë dhe të qëndrueshëm me Ambasadën e Republikës së Shqipërisë në Beograd, të cilën e falënderojmë për mbështetjen financiare dhe morale, veçanërisht Ambasadorin z. Bardhyl Canaj, për përkushtimin ndaj shqiptarëve të Luginës.

Në vitin 2021, këtë panair e synuam si projekt kulturor të përbashkët me Qeverinë e Shqipërisë–tani po e realizojmë”, tha Kryetarja e Komunës së Preshevës Ardita Sinani.

Përgjatë dy ditëve (21-22 qershor) kjo festë e librit do të bashkojë shkrimtarë, lexues dhe botues nga të gjitha trojet shqiptare.

Ky panair është një mundësi për të nderuar autorët tanë të mëdhenj — ata që me fjalën e tyre e mbajtën gjallë gjuhën shqipe edhe në kohë të errëta, që e ndërtuan identitetin tonë kulturor me mendim të thellë, me ndjenjë dhe me kurajë. Vepra e tyre është themeli mbi të cilin ndërtojmë sot.

Por ky panair është edhe një ftesë për autorët e rinj, për ata që vijnë me një zë të freskët, me tema të reja, me një gjuhë që flet për realitetin e sotëm dhe për ëndrrat e brezit të ri.

Hapjen e Panairit të parë të Librit në Preshevë e përshëndeti edhe drejtoresha e Qendrës Kombëtare të Librit dhe Leximit, Alda Bardhyli.

“Të mbledhur sot rreth librit, ne nderojmë historinë shqiptare dhe i japim asaj një dimension të ri – dimensionin e bashkëpunimit kulturor mbarëkombëtar. Prania e shkrimtarëve dhe botuesve nga të gjitha trevat shqiptare dëshmon se fjala shqipe, e shkruar dhe e lexuar, vazhdon të na bashkojë, pavarësisht kufijve. Në emër të Qendrës së Librit, Ministrisë së Ekonomisë Kulturës Inovacionit shpreh mbështetjen tonë të plotë për këtë nismë. Ne besojmë se libri është themeli i një shoqërie të ndriçuar, dhe se investimi në kulturë është investim në të ardhmen. Ky panair nuk është thjesht një ekspozitë botimesh – është një festë e mendimit dhe krijimtarisë shqiptare. Është një ftesë për të rinjtë që të afrohen me librin, për të ndërtuar ura ndërbrezore, dhe për të ruajtur identitetin tonë kulturor përmes dijes. Uroj që ky panair të bëhet një traditë vjetore që rritet me çdo edicion, dhe që e vendos Preshevën në hartën e ngjarjeve të rëndësishme kulturore shqiptare”, u shpreh Alda Bardhyli, drejtoreshë e Qendrës Kombëtare të Librit dhe Leximit.

Një nismë e tillë, është një mundësi për të forcuar lidhjet tona shpirtërore, gjuhësore dhe kulturore, duke bërë që libri shqip të mos njohë kufij.

Ky panair organizohet nga Biblioteka e qytetit “Mehmet Jusufi” dhe shtëpia botuese “Albas” në Preshevë me ndihmën dhe financimin e Ambasadës së Shqipërisë në Beograd dhe me mbështetjen e komunës së Preshevës. Panairi do të vizitohet edhe nga Ministri i Ekonomisë Kulturës Inovacionit Blendi Gonxhe, i cili do të përshëndesë këtë festë të fjalës shqipe.

“Le të jetë kjo ngjarje fillimi i një tradite të përvitshme, një festë e mendjes shqiptare në Preshevë.

Presheva flet më fort–përmes librit, përmes dijes dhe përmes dashurisë për gjuhën shqipe”, u shpreh kryetarja Sinani.

Continue Reading

TOP Lajme