Lajme

Kadriu: Fronti Evropian është koalicion i zorit dhe i zullumit!

Published

1 year ago

April 1, 2024

Admin01

Gëzim Kadriu, shef i zonës zgjedhore të njësisë 2 në Aleancën për Shqiptarët, ka qenë i intervistuar në ALSAT M. Kadriu ka komentuar ngjarjen e fundit të Frontit Evropian ku bëri bashkë liderët e disa partive politike, të cilën ai e theksoi si koalicion i zorit, llumit dhe zullumit.

‘Ditëve të fundit jemi dëshmitar të disa grupimeve politike apo individëve rreth Frontit Evropian. Nëse i analizojmë se cilat figura politike, gjegjësisht cila parti politike i bashkangjiten këtij Fronti, ne mund të konstatojmë se ky front mund të jetë front i zorit, llumit dhe zullumit. Ky Front absolutisht nuk ka të bëjë diçka me Evropën. Pasi që këta liderë të partive politike tani më 22 vite kanë udhëhequr me të gjitha pushtetet, kanë pasur mundësinë që të nxisin proceset e integrimeve evropiane. Mua nuk më duhet të them shumë për këto figura politike, të cilat janë të konsumuara e të harxhuara.’ – theksoi Kadriu.

Ai gjithashtu kujtoi opinionin për deklaratat akuzuese që liderët e Frontit Evropian i jepnin për njëri tjetrin:

‘Unë vetëm i kujtoj opinionit, se çfarë kanë thënë ato për njëri tjetrin. Dikur Menduh Thaçi e akuzonte Ali Ahmetin si bashkëpunëtor i shërbimeve sekrete, mandej shpërndante dosje nëpër shtëpi, Ziadin Selën e quante vrasës, kriminel edhe me fjalë më të rënda vullgare. Kurse nga ana tjetër Ali Ahmeti i quante horra dhe nuk ulem unë me ta. Ndërsa Ziadin Sela vetë ka deklaruar publikisht që për rastin e 27 Prillit, Ali Ahmeti e kishte planifikuar vrasjen e tij. Po edhe dirigjenti Artan Grubi i Frontit Evropian thonte që Ziadin Sela hëngri dajak duke ikur.’

Lajme

Vdiq Papa Françeksu

Published

6 hours ago

April 21, 2025

I N

Vatikani njoftoi të hënën se ka vdekur Papa Françesku, raporton agjencia e lajmeve “Reuters”.

Ai ishte në moshën 88-vjeçare dhe kohëve të fundit kishte probleme shëndetësore.

Lajme

MPB: Ndalohen gjashtë persona, kapen me marihuanë

Published

6 hours ago

April 21, 2025

I N

MPB Maqedoni njofton se dje janë ndaluar pesë persona nga Shkupi dhe një nga Kumanova, të cilët dyshohen për tregti me lëndë narkotike.

“Me datë 20.21.04.2025 në lokacione të ndryshme në Shkup, nëpunës policorë nga SPB Shkup kanë privuar nga liria F.XH. (47), P.R (32), E.I. (39), A.I. (36) dhe I.XH. (40), të gjithë nga Shkupi dhe A.A. (50) nga Kumanova, pasi iu gjet dhe u sekuestrua marihuanë dhe një lëndë e bardhë kokrrizore”.

“Pas dokumentimit të plotë të rasteve, do të pasojnë parashtresat përkatëse”, thonë nga MPB.

Lajme

Jahoski, pronari i “Pucko Petrol” ofron 2 milionë euro garanci për të dalë nga paraburgimi

Published

6 hours ago

April 21, 2025

I N

Pronari i kompanisë “Pucko Petrol” Asmir Jahoski ofron 2 milionë euro garanci për lirim nga paraburgimi, pohojnë burime në sistemin gjyqësor të njohur me rastin, transmeton portali expres.mk

Sipas burimeve të portalit, të enjten, mbrojtja e Jahoskit, i cili është djali i deputetit të BDI-së, Ismail Jahoski, ka ofruar prona në vlerë prej 2 milionë eurosh në përpjekje që gjykata të lejojë që Asmiri të mbrohet nga burgu në rastin me vlerë mbi 160 milionë euro.

Vendimin zyrtarisht nesër do ta marrin tre gjyqtarë nga Gjykata Penale në Shkup, të cilët do të vlerësojnë nëse Jahoski, pasuria e të cilit llogaritet në dhjetëra milionë euro, duhet të lirohet në shtëpi.

Tre gjyqtarët duhet të ofrojnë një analizë të duhur ligjore nëse, pesë javë pasi Asmir Jahoski iu dha paraburgimi për shkak të rrezikut të arratisjes ose ndikimit të dëshmitarëve, ai tani mund të mbrohet nga liria.

Njëri nga 13 të dyshuarit për blerjen e lëndës djegëse toksike për TEC-in e Negotinës, Asmir Jahoski, djali i deputetit të BDI-së, Ismail Jahoski, nesër pritet të lirohet nga paraburgimi.

Burime në Prokurorinë Publike për Krim të Organizuar dhe në Gjykatën Penale të Shkupit pohojnë për expres.mk se për anëtarët e familjes së tij dhe BDI-së kjo është punë e kryer.

Operacioni për daljen nga paraburgimi Jahoski përmes avokatëve të tij e ka nisur katër ditë më parë të enjten e madhe kur në gjykatë është dorëzuar kërkesa për ndërprerje të paraburgimit dhe lirim.

Tani burimet pohojnë se pasi Abazi ka dhënë mendimin e tij se Jahoski duhet të lirohet, Gjykata Penale e Shkupit nesër do të vendosë për lirimin e djalit të deputetit të BDI-së nga burgu i Shutkës.