Connect with us

Lajme

Fetai: Qeveria e mëparshme nuk ishte e interesuar të merrej me korrupsionin për shkak të konfliktit të interesave personale

Published

on

Zëvendëskryeministri për Qeverisje të Mirë dhe Transparencë, Arben Fetai në pyetjen e gazetarëve për vlerësimin pas ditëve të para të marrjes së detyrës, ai beson se Strategjia për luftën kundër korrupsionit nuk është zbatuar dhe ka shprehur dyshimin se kjo është për shkak të një lidhjeje mes zyrtarëve dhe sektorit të biznesit.

– Kemi dëgjuar për konkluzionet e raportit të KSHPKK-së, e dimë që Strategjia për luftën kundër korrupsionit nuk është zbatuar. Është rezultat i mungesës së vullnetit politik. Kemi strategji të mira, ligje të mira në letër, por kur vjen puna tek zbatimi, qeveria e mëparshme thjesht nuk ishte e interesuar. Është për shkak të konfliktit të tyre të interesit dhe bizneseve të tyre në institucione, tha Fetai.

Zëvendëskryeministri Fetai pas vizitës së tij në Gostivar dhe daljes së tij të parë publike, ai bëri deklarata në shqip dhe anglisht, sepse, siç tha ai, nuk mund të shprehej në maqedonisht. Ai foli edhe për prioritetet që do të përcaktojë me ekipin e tij dhe janë të fokusuar në tre drejtime.

– E para do të jetë çështja e konfiskimit të pasurisë së zyrtarëve të qeverisë. Deri në shtator shpresoj se do të kemi strategji të re për hetimet financiare dhe konfiskimin e pasurisë. Për herë të parë kjo çështje do të ngrihet në nivelin më të lartë politik, në vend të atij teknik, në nivel të shërbyesve civilë, theksoi Fetai.

Si prioritet të dytë ka theksuar qeverisjen e mirë dhe transparencën, të cilat do të mbulohen nga Strategjia e Qeverisë për Transparencë dhe rishikimi i saj, sepse siç tha duhet të identifikohen sfidat dhe pengesat.

Si një nga prioritetet kryesore, ai përmendi bashkëpunimin me pushtetin vendor dhe forcimin e transparencës.

– Kemi ligj për qasje në informacionin publik që mezi zbatohet. Vetëm disa institucione e përmbushin obligimin ligjor lidhur me dokumentet që duhet të jenë në dispozicion të publikut, tha Fetai. Njoftoi se në ditët në vijim pritet të takohet dhe konsultohet me partnerë ndërkombëtarë, institucione kombëtare, partnerë në luftën kundër korrupsionit, si Prokurorinë Publike, Entin Shtetëror të Auditimit , Zyra e Auditimit të IPA Fondeve.

– Punët po shkojnë mirë, por më duhet pak kohë që të kemi prioritete të përcaktuara qartë që do t’i arrijmë deri në fund të vitit. Nuk dua të nxitohem shumë para se të përcaktojmë hapat e ardhshëm, theksoj zëvendëskryeministri Fetai.

Continue Reading

Lajme

Gjesti human i një doktori: Bujar Osmani ndihmon një të aksidentuar në Shkup

Published

on

By

Kandidati për kryetar të Komunës së Çairit dhe ish-ministri i Punëve të Jashtme, Bujar Osmani, sot është gjendur rastësisht në vendin e një aksidenti rrugor në Shkup, ku një motoçiklist ishte goditur nga një automjet.

Në një video të publikuar nga kalimtarë të rastit shihet se Osmani, bashkë me disa qytetarë të tjerë, i ka dhënë ndihmën e parë të aksidentuarit deri në mbërritjen e ekipit të Ndihmës së Shpejtë. Ai është përpjekur të ndihmojë në stabilizimin e gjendjes së tij derisa mjekët të merrnin situatën në dorë.

Incidenti ka ndodhur gjatë orëve të pasdites, në afërsi të një kryqëzimi të frekuentuar në kryeqytet. Ende nuk ka informata zyrtare për shkaqet e aksidentit dhe gjendjen shëndetësore të të lënduarit.

Gazetari Driton Zenku, duke komentuar ngjarjen, shkroi:

“Të jesh mjek do të thotë të jesh në detyrë 24 orë në ditë. Ka profesione që nuk njohin orar – si mjeku, polici, gazetari e të tjerë. Të gjitha profesionet kanë vlerë, por disa janë të shenjta. Sot këtë e dëshmoi edhe Bujar Osmani, i cili rastësisht duke kaluar në një nga rrugët e Shkupit, i dha ndihmën e parë një motoçiklisti të aksidentuar. Profesioni i vërtetë nuk hiqet as kur s’je në punë.”

Nga ekipi i Osmanit nuk është dhënë ndonjë reagim zyrtar. /Flaka/

Continue Reading

Lajme

“Ta ‘huazojmë’ Edi Ramën për kryeministër të Maqedonisë së Veriut për 5-10 vjet”, ja kush kërkon

Published

on

By

Aktivisti i shoqërisë civile dhe komentuesi në rrjetet sociale, Bobi Ilievski përmes një postimi në rrjetet sociale ka bërë një pyetje ironizuese në adresë të shqiptarëve, duke kërkuar që kryeministri Edi Rama të bëhet kryeministër i Maqedonisë së Veriut pasi që ta fusë Shqipërinë në BE.

“A mund të na e huazoni disi Edi Ramën që të na bëhet kryeministër, për nja 5-10 vjet, pasi ta fusë Shqipërinë në BE?”” shkroi Ilievski, i cili me këtë ka nxitur debate në opinionin maqedonas, pasi që kryeministri Rama vlerësohet për punët e kryera, procesin eurointegrues dhe prishjet e ndërtimeve pa leje në gjithë vendin.

Continue Reading

Lajme

“Kasami hesht ndaj Mickoskit – Furkan Saliu: Po i kërkon falje në kurriz të shqiptarëve”

Published

on

By

Gazetari Furkan Saliu ka kritikuar ashpër kryetarin e Tetovës, Bilall Kasamin, pasi ky i fundit heshti përballë deklaratave nacionaliste të kreut të VMRO-së, Hristijan Mickoski.

Sipas Saliut, Kasami në vend që të reagonte ndaj Mickoskit, i cili ofendoi Adnan Azizin, zgjodhi të justifikohej duke thënë se “BDI qëndron pas retorikës nacionaliste”.

“Prita që z. Kasami t’i përgjigjej Mickoskit për deklaratën e djeshme, por ai, në vend se të përgjigjej, në njëfarë mënyre i kërkoi falje duke u arsyetuar se BDI po e fut në retorikën nacionaliste. Jeni duke hyrë në grackën e Mickoskit për disa vota, ndërsa pasojat do të jenë afatgjata dhe të dhimbshme për kombin tonë”, ka shkruar Saliu.

Ai ia kujton Kasamit se:

Mickoski ka kërkuar shkarkimin e një drejtori shqiptar vetëm pse foli shqip;

Ka sulmuar ligjin për përdorimin e gjuhëve, bandenterin dhe balansuesin;

Ka zhvilluar fushatë antishqiptare në zgjedhje;

Ka bllokuar ndryshimet kushtetuese dhe ardhmërinë evropiane.

“Z. Kasami, duhet fillimisht t’ia bëni të qartë vetes se çfarë jeni dhe çfarë doni të arrini në politikë. Me këtë konfuzion, po dukeni vetëm si kryetar i degës së VMRO-së në Tetovë”, ka përfunduar Saliu.

Continue Reading

TOP Lajme