Si të zbatohen reformat me qëllim që të hiqet partizimi të cilin çdo pushtet në mënyrën e vet e fut në administratë. Ministri Goran Minçev në nënshkrimin e sotëm të memorandumit me ambasadorin francez Kristof Le Rigoler, tha se punësimet e tilla çuan në administratë të ngarkuar por të dobët. Prandaj mendon se duhet të ketë heqje të disa nga bordet mbikëqyrëse dhe udhëheqëse, respektivisht shkurtim prej 40 për qind të administratës.

“Pasojnë një funksionalitet i përgjithshëm, respektivisht bashkim i institucioneve të caktuara në të tjera me të cilat praktikisht do të hyjmë në një proces i cili është obligim nga Bashkimi Evropian dhe kjo është shkurtimi prej 40 për qind i përdoruesve buxhetorë. Jemi dëshmitarë se kemi numër të madh institucionesh të cilat kanë nga një, nga dy të punësuar ose të them se ato në të kaluarën janë bërë për të plotësuar disa nevoja politike apo partiake”, tha Goran Minçev – ministër për Administratë Publike.

Edhe Franca do të përfshihet në trajnimin e administratorëve të Maqedonisë me qëllim punë më efikase dhe përmirësim i cilësisë së shërbimeve ndaj qytetarëve. Nëpunësit publikë duhet të menaxhojnë me aftësi me punën, porositi ambasadori francez Le Rigoler.

“Në lidhje me trajnimin e nëpunësve publikë ekzistojnë numër i madh sfidash sepse duhet që nëpunësit publikë të jenë profesionistë sepse bëhet fjalë për menaxhimin e shtetit, njohuri nga fushat juridike dhe gjithashtu edhe menaxhim. Një nëpunës shtetëror duhet të jetë njëfarë menaxheri, respektivisht me aftësi të dijë të menaxhojë me të gjithë ekipin e tij por gjithashtu të mundet edhe t’i zbatojë vendimet që vijnë nga pushteti”, u shpreh Kristof le Rigoler – ambasador i Francës.

Rigoler njëkohësisht tha edhe se zbatimi i reformave në vend ndiqet nga afër nga Bashkimi Evropian dhe se së shpejti do të publikohet Raporti për progresin e të gjitha shteteve kandidate për anëtarësim. Reformat që i kërkon BE nuk duhet të shihen si obligim por si diçka që do ta përmirësojë jetën në vend, theksoi ai.

Analisti Qenan Aliu ka ndarë përvojën e tij të takimit me Blerant Ramadanin, një djalosh 32-vjeçar nga Saraji, i cili shihet si kandidat potencial për kryetar komune.

Në një takim spontan në Tetovë, Aliu tregon se Ramadani u paraqit me sjellje modeste dhe edukatë të lartë. “Më përshëndeti i pari, dhe kur e pyeta kush është, më tha: Blerant Ramadani nga Saraji”, shkruan Aliu.

Sipas tij, Ramadani la përshtypje si kuadër i fuqishëm dhe me ndjenja të sinqerta ndaj njerëzve. “Unë fola 25 minuta nga gjithsej 30 të ndejes, për të kuptuar se Bleranti dinte të dëgjojë më shumë sesa të flasë”, shprehet Aliu, duke vlerësuar aftësinë e tij për komunikim dhe dëgjim aktiv.

Ai e përshkruan Ramadanin si fotogjenik dhe me karizëm për ekranet televizive, por njëkohësisht si një familjar të përkushtuar, i martuar dhe i lumtur me dy vajzat e tij.

“Shpërfaqi dashuri ndaj prindërve, familjes dhe çdo qytetari të Sarajit pa dallim”, thekson Aliu. Në përfundim të takimit, ai i uroi sukses në synimin e tij për t’u angazhuar në jetën publike, duke shtuar: “Bleranti kaloi testimin tim verbal për detyrën publike që synon. Ndiqeni dhe binduni vetë”.

Aleanca për Shqiptarët ka reaguar ashpër ndaj marrëveshjes së nënshkruar mes Fondit Pensional dhe të Sigurimit Invalidor të Maqedonisë së Veriut dhe Fondit të Republikës Srpska, të udhëhequr nga Milorad Dodik.

Në reagimin e kësaj partie thuhet se ky hap është i papranueshëm, duke pasur parasysh se Dodik është i shpallur fajtor nga Gjykata e Bosnjë-Hercegovinës dhe i sanksionuar ndërkombëtarisht për shkelje flagrante të rendit kushtetues dhe mosrespektim të vendimeve të bashkësisë ndërkombëtare.

“Në një kohë kur e gjithë bota demokratike po e izolon Dodikun, qeveria e Maqedonisë së Veriut nënshkruan marrëveshje me institucionet e tij, duke i dhënë oksigjen politik një figure të lidhur ngushtë me projektin e ‘Botës Serbe’, krah Putinit dhe kundër NATO-s e BE-së,” thuhet në reagim.

Aleanca për Shqiptarët e quan të papranueshme edhe heshtjen e partnerit shqiptar në qeveri.

“Heshtja e VLEN-it në këtë rast është skandaloze. Është dëshmi se ky koalicion shqiptar në qeveri nuk ka guxim të thotë asnjë fjalë kundër politikave që e tërheqin Maqedoninë e Veriut drejt Beogradit dhe Moskës. Ky nuk është partneritet, por vazalitet i plotë,” thekson ASh.

Sipas partisë opozitare, VLEN ka mashtruar qytetarët me premtime për ndryshim, por tani po mbyll sytë para afrimit të rrezikshëm me Republikën Srpska.

“VLEN u shfaq si faktor i ndryshimit, por sot po hesht përballë një marrëveshjeje që vë në pikëpyetje orientimin euroatlantik të shtetit dhe cenon sigurinë e shqiptarëve në Maqedoninë e Veriut,” thuhet në reagim.

Në fund, Aleanca për Shqiptarët kërkon shpjegime të menjëhershme nga qeveria.

“I bëjmë thirrje qeverisë që të ndalojë këtë politikë të rrezikshme dhe të shpjegojë para opinionit publik pse nënshkroi marrëveshje me institucionet e një entiteti që sfidon hapur rendin ndërkombëtar dhe vlerat euroatlantike,” përfundon reagimi.