Kryetari i Aleancës për Shqiptarët, njëherit edhe një ndër udhëheqësit e VLEN, Arben Taravari nëpërmjet një postimi në rrjetet sociale ka falënderuar dhjetëra e qindra njerëz të cilët e kanë përkrahur gjatë fushatës zgjedhore.

ATaravari ndryshimin ua ka përkushtuar aktivistëve të tij.

“Krahët e mi kanë qenë të fortë në këtë fushatë sepse pas meje kanë qëndruar dhjetra e qindra njerëz, të cilët mbeten kryesisht në hije por jo në rastin tim. Ata janë forca ime dhe Ndryshimi i këtij vendi i dedikohet vetëm atyre: Aktivistëve të mi! Faleminderit! Ju jeni motivi im!”- shkruan Arben Taravari.

Valbon Limani nga koalicioni VLEN u shpreh se si koalicion kanë deponuar ankesa në KSHZ për parregullsi pavarësisht partive të tjera politike si në rrethin e parë ashtu edhe në rrethin e dytë dhe zgjedhjet parlamentare.

“Kemi deponuar ankesën edhe në raudin e parë të zgjedhjeve presidenciale ku u vërtetua se në një vendvotim në Likovë kishte parregullsi, më saktësisht kishte “tren bullgar”, të cilën e e konfirmoi edhe Gjykata Administrative. Gjithashtu edhe në raundin e dytë të zgjedhjeve presidenciale, më saktësisht në zgjedhjet parlamentare, ka pasur parregullsi në shumë vendvotime dhe ne jemi të vetëdijshëm se pa marrë parasysh se ku dhe si ndodhin parregullsitë, ne do të jemi gjithmonë stoik në mbrojtjen e të drejtës së votës”, tha Limani.

Ai shtoi se procesi zgjedhor gjithmonë duhet të jetë në nivel të lartë demokratik, pa marrë parasysh rezultatit zgjedhor.

“Unë nuk mendoj se ka asnjë tendencë rreth humbjes apo fitimit të mandatave të deputetëve, mirëpo në atë moment kur rezultatet zgjedhore tregojnë se me parregullsitë që kanë ndodhur, ndikojnë edhe në rezultatet përfundimtare, atëherë normalisht që do të reagojmë”, tha Limani duke shtuar si koalicion do të jenë aty për ta mbrojtur votën e qytetarit.

Nga analiza e IRI-it del që 22% e qytetarëve të anketuar kanë mendim pozitiv për Arben Taravarin ndërsa vetëm 19% për Ali Ahmetin, pra një dallim prej 3 pikë përqindje. Në anën tjetër, Ali Ahmeti është 8 pikë përqindje më para me mendimin shumë negativ nga ana e qytetarëve, gjë që tregon se Ali Ahmeti është shumë më i padëshirueshëm sesa Arben Taravari si politikanë.

Ndërkohë, sot BDI gënjeu duke pretenduar se IRI nxjerr hmetin politikanin e dytë më të besueshëm, megjithatë Instituti Ndërkombëtar Republikan Amerikan (IRI) nuk gënjen.

Në anketë janë vendosur tetë (8) lider politikë, prej tyre vetëm dy shqiptarë, pra Taravari dhe Ahmeti ku ky i fundit del me besueshmëri shumë më të ulët.

Kjo besueshmëri ndaj Taravarit, dëshmon edhe një herë se si politikan transparent dhe i hapur ndaj qytetarëve, në vijë të shërbimit dhe llogaridhënies së plotë, veprimet e tija në politikë gëzojnë mbështetje te popullata.

Ndryshe, anketa është realizuar prej 2 shkurt deri më 5 mars, përkatësisht në periudhën para mbajtjes së zgjedhjeve të prillit dhe majit.

Sondazhi më i fundit shumëkombësh në Ballkanin Perëndimor është kryer nga Qendra për Vështrime në Hulumtimet e Anketave (CISR) në kuadër të Institutit Ndërkombëtar Republikan (IRI).