Era e fortë rrëzon kulmin e një ndërtese në Kumanovë

Çatia e një ndërtese banimi në Kumanovë, u shemb këtë mëngjes për shkak të erërave të forta.

Mbetjet e çatisë përfunduan në një rreth-rrotullim aty pranë, duke shkaktuar ndërprerje të trafikut.

Ekipet e policisë janë në vendngjarje duke siguruar zonën derisa të pastrohet.

Sipas informacioneve të para nga SPB Kumanovë nuk ka asnjë të lënduar përveç dëmeve materiale.