Lajme ditore

Bujar Osmani shpall fitoren, ka një mesazh për Arben Taravarin

Published

1 year ago

25.04.2024

admin

Bujar Osmani ka falënderuar të gjithë shqiptarët në Maqedoninë e Veriut për mbështetjen që ia dhanë sot në zgjedhjet presidenciale.

Kështu tha Bujar Osmani, në një lidhje të drejtpërdrejtë, përcjell Nacionale.

“Fitore në Saraj, në Manastir, e thellë fitore në Kërcovë.

Fitore në Gostivar. Urime të gjithëve për këtë fitore të madhe. Ju faleminderit nga thellësia e zemrës. Kjo fitore e jona është fitore e përbashkët.

Dua t’i falënderoj të gjitha partitë politike dhe liderët e partive të Frontit evropian që më kanë nderuar me prezencën e tyre.

Ju falënderoj nga zemra dhe në emër timin dua t’ju jap fjalën time, që vota juaj është amanet për mua.

Sot, shqiptarët, turqit, boshnjakët, romët, treguan se ata vendosin vetë për veten e tyre, ju premtojmë se aksush kurrë nuk do të vendosë për ta. Vullneti është i qartë dhe duhet të respektohet.

Dua t’i them dicka kundërshtarit tim Taravarit, Arben, pavarësisht goditjeve të ulëta, ne patëm një fushatë të dinjitetshme, pres ta pranosh këtë vullnet të popullit shqiptar.

Vëllezër dhe motra, sa i takon zgjedhjeve në përgjithësi ende presim rezultate në raundin e dytë.

Edhe zëvendëskryeministri Artan Grupi është shprehur i bindur në fitoren e Bujar Osmanit ndaj Arben Taravarit.

Para përkrahësve të BDI-së, të cilët kanë dal për të festuar në sheshin Skënderbeu në Shkup, Grubi ka thënë se në raundin e parë të zgjedhjeve presidenciale ka fituar Maqedonia Evropiane.

Ai ka thënë se kanë dështuar koalicionet që dëshiruan dështimin e UÇK-së.

“Fitoj Maqedonia evropiane, sepse po bëjmë festë. Me gjithë ato konstruksione me gjithë ato koalicione për ta shkatërruar UÇK-në, BDI dhe Ali Ahmetin dështuan në mënyrë spektakulare sepse qytetarët shqiptar dhe Maqedonisë së Veriut u përcaktuan për Maqedoni shqiptare për Ali Ahmetin. Unë dua të falënderoj të gjithë qytetarët. Kjo fitore do të dyfishohet në maj”, ka deklaruar Grubi.

VLEN akuzon BDI-në

Koalicioni VLEN nuk e ka pranuar humbjen. Pavarësisht diferencës se madhe në vota që tregon Komisioni Shtetëror Zgjedhor, Bilall Kasami nga koalicioni VLEN ka insistuar në fitore.

Në konferencë për media, ai ka thënë se koalicioni VLEN është fitues i votës së shqiptarëve.

Sipas tij, BDI-ja ka blerë votat.

“Jemi fitues të votës shqiptare. VLEN është përfaqësues i vetëm në qeverinë e ardhshme. BDI e ka humbur legjitimitetin te shqiptarët prandaj në zgjedhjet e 8 majit ne do të fitojmë. Do ta përmbysim rezultatin që sot BDI e mori me metoda kriminale. Ne treguam që jemi opsion demokratik që respektojmë vlerat evropiane. Me angazhimin e madh për ndryshim do ta kthejmë situatën. BDI arriti ta shkatërrojë mundësinë që presidenti të zgjidhej me zgjedhje të drejtpëdrejta. BDI do të shkruhet me shkronja të zeza në historinë e re politike, si një parti që punon për interesa të saj”, ka thënë Kasami.

Lajme ditore

Arbër Ademi: Kjo qeveri ka agjende që sistematikisht ta shkatëroj Marrëveshjen e Ohrit

Published

3 days ago

21.08.2025

Admin01

Nënkryetari i Bashkimit Demokratik për Integrim, Arbër Ademi përmes një press konference në ka shprehur shqetësime për deklaratat e fundit të ministrit Flikov pasi sipas tij kjo qeveri që nga fillimi ka pasur për agjendë rënimin e marrëveshjes paqësore të Ohrit dhe kjo është vërtetuar në një sërë veprimesh, shkruan Top24

Lajme

Publikohet lista e 1000 universiteteve më të mira në botë, edhe këtë vit asnjë nga Maqedonia

Published

1 week ago

15.08.2025

Admin01

Renditja Akademike e Universiteteve Botërore (ARWU) për vitin 2025 u publikua sot, ndërsa Maqedonia e Veriut nuk ka një universitet midis 1000 institucioneve më të mira të arsimit të lartë në botë.

Universiteti i Harvardit zë vendin e parë në listën e fundit për të 23-tën herë radhazi, i ndjekur nga Stanford dhe MIT.

U analizuan më shumë se 2.500 institucione, dhe u publikua një listë me 1.000 universitetet më të mira në botë.

Universitetet që hynë në dhjetëshen më të mirë sipas Renditjes së Shangait janë Kembrixh (4), Berkeley (5), Oksford (6), Princeton (7), Kolumbia (8), Kaltek (9) dhe Çikago (10).

Si kujtesë, universitetet renditen bazuar në gjashtë parametra, duke përfshirë numrin e ish-punonjësve dhe aktualëve të fituesve të Çmimit Nobel dhe Medaljes Fields, numrin e punimeve të botuara në revistat Nature dhe Science, numrin e studiuesve më të cituar sipas Clarivate, numrin e punimeve të indeksuara në Science Citation Index – Expanded dhe Social Sciences Citation Index (Web of Science), dhe performanca e universiteteve për frymë.

Lajme ditore

Le Figaro rendit Shqipërinë në mesin e 5 destinacioneve kulturore më të rëndësishme në botë

Published

2 weeks ago

09.08.2025

Admin01

Gazeta prestigjioze franceze “Le Figaro” ka renditur Shqipërinë në mesin e pesë destinacioneve kulturore më të rëndësishme në botë për udhëtime të organizuara, përkrah Uashingtonit, Salzburgut, Firencës dhe madhështive të Saksonisë gjermane.

Artikulli përshkruan Shqipërinë si një perlë të fshehur të Ballkanit, me pasuri të trashëgimisë botërore të UNESCO-s, duke nisur nga Gjirokastra, Berati e Butrinti, e cila josh me historinë e saj të pasur dhe diversitetin e peizazheve të saj.

Midis maleve madhështore, liqeneve vezulluese dhe qyteteve të lashta, Shqipëria zbulon thesaret e saj në çdo fazë. Tirana, dinamike dhe plot ngjyra, dëshmon evolucionin e një vendi në zhvillim të plotë. Berati, “qyteti i një mijë dritareve”, magjeps me shtëpitë e tij dhe kështjellën e tij në majë të kodrës.

Në Gjirokastër, rrugët me kalldrëm dhe ndërtesat prej guri tregojnë për një të kaluar të pasur. Butrinti, një vend arkeologjik i jashtëzakonshëm, zbulon trashëgiminë e një qyteti të lashtë me histori mijëvjeçare. Çdo zbulim është një zhytje në një trashëgimi me diversitet të habitshëm.

Shqipëria nuk zbulohet vetëm përmes monumenteve të saj. Ajo jeton në mirësinë e banorëve të saj, në pasurinë e traditave të saj dhe në shijet e gastronomisë së saj.

Shëtitja nëpër rrugët e ngushta të Krujës, pjesëmarrja në një demonstrim vallesh popullore ose zbulimi i vreshtave lokale janë të gjitha momente që dëshmojnë për autenticitetin dhe ngrohtësinë e kësaj toke mikpritëse, shkruan gazeta prestigjioze franceze.