Connect with us

Lajme

BDI para shembjes totale, përfundimi i tyre do të jetë pashmangshëm

Published

on

BDI që dikur ishin përfaqësuesit serioz të shqiptarëve në Maqedoninë e Veriut, tani dukshëm është futur në një spirale rëniesh dhe shpërbërjeje që nuk po munden ta kontrollojnë. Sipas raportimeve të fundit, tensionet e brendshme dhe mungesa e lidershipit kanë krijuar një situatë kaotike, ku nuk ka mbetur as dikush për të shkruar një kumtesë zyrtare të partisë.

Në krye të kësaj krize qëndron ndarja e thellë mes fraksioneve të ndryshme të BDI-së, që nga grupi i “zjarrit” deri te ata që mbështesin liderin e partisë, Ali Ahmeti. Burimet pranë kësaj partie thonë se Bujar Osmani është duke diskutuar largimin nga partia e nga politika tërësisht e madje po planifikon të vazhdojë karrierën e tij jashtë vendit, konkretisht në Turqi.

Kjo situatë ka nxjerrë në pah problemet organizative të partisë, ku vendimet kryesore duket se merren nga një rreth i ngushtë individësh të privilegjuar, ndërsa baza e gjerë e anëtarëve dhe mbështetësve është lënë pas dore. Shumë ish-mbështetës të BDI-së tashmë kanë nisur të distancohen, duke parë që partia nuk arrin të përfaqësojë më interesat e tyre.

Një tjetër sinjal alarmi për BDI-në është rënia drastike e komunikimit publik. Raportohet se në zyrat e partisë mungon ekipi që të përgatisë qoftë edhe kumtesat bazike për mediat. Kjo tregon jo vetëm mungesë të organizimit, por edhe faktin se shumë profesionistë dhe aktivistë të aftë kanë zgjedhur të largohen nga partia për shkak të mosbesimit në drejtimin e saj aktual.

Siç shkruajnë mediat maqedonase kriza e BDI-së po shfaqet gjithnjë e më shumë si një problem sistemik. Tensionet e brendshme, humbja e besimit nga anëtarët dhe ikjet e figurave kyçe janë dëshmi se partia është pranë një pike kritike.

Shembja totale e BDI-së dita ditës po bëhet e pashmangshme.
Siç shkruajnë mediat, duket se BDI po përballet me momentin e saj më të errët, ku vetë ekzistenca e saj si forcë relevante politike është vënë në pikëpyetje. Tani, mbetet për t’u parë se si do të shëmbet kjo parti, pra vetëm si? Sepse shembja e tyre është e garantuar dhe veçmë ka filluar.

Continue Reading

Lajme

VLEN shqyrton seriozisht mundësinë e listave të përbashkëta me VMRO-DPMNE – Eksperimenti i dytë

Published

on

By

Në skenën politike shqiptare në Maqedoninë e Veriut është hapur një debat i ri strategjik: koalicioni VLEN, pjesë e shumicës aktuale qeverisëse, po shqyrton mundësinë e daljes me lista të përbashkëta per këshilltarë me VMRO-DPMNE-në, partinë maqedonase që aktualisht është në pushtet.

Propozimi ka ardhur me zë të qartë nga Lëvizja BESA, e cila këtë model e konsideron si një eksperiment të dytë elektoral në marrëdhëniet ndëretnike, pas bashkëpunimit të kaluar që pati me LSDM-në. Si një nga promotorët e kësaj ideje përmendet edhe emri i Adnan Azizi, përfaqësues i BESA-s në kuadër të VLEN-it.

Burime nga brenda koalicionit bëjnë të ditur se kjo nismë ka hasur në rezistencë të pjesshme brenda vetë VLEN-it. Konkretisht, një pjesë e Lëvizjes Demokratike të Izet Mexhitit dhe një segment i Alternativës, i cili ndodhet nën ndikimin e Afrim Gashit, aktualisht kryetar i Kuvendit, janë skeptikë për një bashkëpunim të tillë me një parti që historikisht ka mbajtur qëndrime nacionaliste ndaj shqiptarëve.

Megjithatë, të tjera zëra brenda koalicionit po e shqyrtojnë me kujdes këtë propozim, duke mos e përjashtuar mundësinë që një bashkëpunim i tillë të jetë politikisht i leverdishëm në rrethana të caktuara.

Tema pritet të trajtohet më konkretisht në mbledhjen e ardhshme të kryesisë së VLEN, ku do të diskutohet nëse ky skenar do të mbështetet si strategji zgjedhore apo do të refuzohet për shkak të përplasjes me qëndrimet e mëparshme politike të partive shqiptare në pushtet.

Continue Reading

Lajme

FRASH në trajnim për fushatat zgjedhore – Viola Ramadani: Po ndërtojmë kapacitete për Tetorin 2025

Published

on

By

Kryetarja e Forumit Rinor të Aleancës për Shqiptarët dhe njëherazi Shefe e Shtabit Qendror të FRASH-it, Viola Ramadani, ka marrë pjesë në punëtorinë dyditore të organizuar nga Misioni i OSBE-së në Maqedoninë e Veriut, e cila kishte për fokus ndërtimin e kapaciteteve për të folur në publik dhe planifikimin e fushatave elektorale, informon PressOnline.al

Në një postim në rrjetet sociale, Ramadani ka ndarë momente nga pjesëmarrja në këtë aktivitet që u zhvillua më 7 dhe 8 korrik në Mavrovë, duke e cilësuar si një përvojë të vlefshme në kuadër të përgatitjeve për zgjedhjet lokale të tetorit 2025.

“Punëtoria ishte një hap i rëndësishëm për ndërtimin e aftësive që do të na ndihmojnë të komunikojmë më mirë me qytetarët dhe të planifikojmë me efikasitet fushatat”, ka shkruar Ramadani.

Ajo ka falënderuar OSBE-në për angazhimin e vazhdueshëm në fuqizimin e grave dhe rritjen e përfaqësimit të tyre në proceset e vendimmarrjes, si dhe për mundësinë për të bashkëpunuar me gra të përkushtuara nga e gjithë Maqedonia e Veriut.

Ky aktivitet është pjesë e mbështetjes së gjerë të OSBE-së ndaj përfshirjes së grave në politikë, me theks të veçantë te brezat e rinj dhe roli i tyre në ndërtimin e demokracisë së qëndrueshme.

Continue Reading

Lajme

ASH: VLEN reklamohet, VMRO-DPMNE punëson – Ky është realiteti i hidhur i vazalëve politikë: 133 me 5

Published

on

By

Në vend që të mbrojnë interesat e shqiptarëve, përfaqësuesit e VLEN-it po luajnë rolin e spektatorit të privilegjuar në një qeveri që sistematikisht i përjashton shqiptarët nga institucionet shtetërore.

Vetëm gjatë javës së parë të korrikut, në katër institucione qendrore janë realizuar gjithsej 133 punësime të reja, prej të cilave vetëm 5 u takojnë shqiptarëve, kryesisht në pozita të ulëta dhe asnjë në nivel udhëheqës. Konkretisht: 26 punësime në Ministrinë e Mbrojtjes (1 shqiptar), 10 në Ministrinë e Bujqësisë (0 shqiptarë), 50 në Ministrinë e Sportit (4 shqiptarë, pa asnjë në funksion drejtues), dhe 32 në Regjistrin Qendror (0 shqiptarë). Këto shifra nuk lënë vend për interpretime – ato dëshmojnë një diskriminim të qëllimshëm dhe të institucionalizuar.

Ky nuk është përjashtim i rastësishëm, por politikë e planifikuar për ekskluzion etnik, e heshtur dhe e toleruar nga partnerët shqiptarë të qeverisë.

VLEN, në vend që të mbrojë përfaqësimin e shqiptarëve, është zhytur në fushatë vetëpromovuese, ndërsa vendimmarrja reale dhe resurset publike kalojnë përmes filtrit të VMRO-DPMNE-së. Ata që dje predikonin “moral të lartë opozitar”, sot janë shndërruar në vazalë funksionalë të pushtetit, duke heshtur përballë padrejtësive të rënda.

Aleanca për Shqiptarët dënon këtë praktikë diskriminuese dhe kërkon përgjegjësi politike të menjëhershme për këtë pabarazi të papranueshme në përfaqësim dhe punësim. Institucionet publike nuk janë çiflig politik – ato duhet të pasqyrojnë strukturën reale të popullsisë dhe të funksionojnë mbi parimin e barazisë dhe përfaqësimit të drejtë.

Nëse shqiptarët përjashtohen sot nga konkurrimet, nesër përjashtohen nga vetë shteti.

Aleanca për Shqiptarët

Continue Reading

TOP Lajme