Lajmet për braktisjen e Alternativës nga koalicioni VLEN janë të pavërteta dhe shpifje! Në lidhje me disa raportime të fundit në media dhe në rrjete sociale, që pretendojnë se partia Aleternativa është duke u larguar nga koalicioni VLEN, Alternativa sqaron se këto lajme janë krejtësisht të pavërteta, të pabazuara dhe kanë karakter shpifës, kumtuan nga ky subejt

“Partia Alternativa e konsideron koalicionin VLEN si një bashkëpunim strategjik dhe të domosdoshëm për përfaqësimin dinjitoz të shqiptarëve në Maqedoninë e Veriut dhe është e përkushtuar për të vazhduar rrugëtimin e përbashkët në këtë drejtim. Çdo tentativë për të përhapur lajme të rreme për prishje apo përçarje brenda koalicionit, vjen nga qarqe të cilat ndihen të kërcënuara nga forca dhe uniteti i koalicionit VLEN. Qëllimi i këtyre shpifjeve është i qartë: të krijohet konfuzion dhe të minohet besimi i qytetarëve ndaj këtij bashkimi të rëndësishëm politik që synon ndryshimin dhe reformimin e skenës politike shqiptare në vend. U bëjmë thirrje qytetarëve, simpatizantëve dhe përkrahësve të mos bien pre e dezinformatave dhe të ndjekin kanalet zyrtare të komunikimit për çdo informacion të saktë”, vijon kumtesa.

Alternativa thekson se koalicioni VLEN është më i bashkuar se kurrë dhe së bashku do të vazhdojmë të punojmë për një të ardhme më të mirë, drejtësinë sociale, barazinë dhe integrimin e plotë të shqiptarëve në institucionet shtetërore.

“Në emër të transparencës dhe respektit për opinionin publik, theksojmë edhe një herë se çdo informacion për braktisje të Aleternativës nga VLEN është një shpifje e qëllimshme dhe nuk pasqyron realitetin politik”, përfundon kumtesa që në versionin e parë e quajtën veten koalicion opozitar, që më pastaj të ndërhynë në kumtesë.

Deputetja e Alternativës Emërlije Saliu përmes një preskonference ka reaguar ndaj parades së krenarisë që mbahet në Shkup. Ajo që u vërejt është se deputetja Saliu doli në preskonferencë si deputete e Alteranativës e jo e VLEN-it.

Jozyratrisht mësohet se Alternativa do të largohet nga Qeveria brenda javës së ardhëshme. Këtë e paralajmëroi edhe lideri i BDI-së ku tha se brenda javës së ardhëshme pret zhvillime që do ti përshëndesën gjithë shqiptarët, shkruan Top24

Analisti politik Zudi Xhelili ka reaguar ashpër ndaj, siç e cilëson ai, politikës së qëllimshme të përjashtimit të shqiptarëve nga skena politike dhe institucionale në Maqedoninë e Veriut. Sipas tij, fushata për të rikthyer të ashtuquajturën “krenari maqedonase” është zhvilluar në kurriz të çdo arritjeje shqiptare ndër vite.

“Angazhimi i tyre për të rikthyer të ashtuquajturën ‘krenari maqedonase’ u bë në kurriz të çdo arritjeje shqiptare ndër vite. Kjo politikë e hapur antishqiptare nëpërkëmbi partnerët shqiptarë dhe ndikoi t’i copëtojë ata, duke i shndërruar në figura pa ndikim,” u shpreh Xhelili.

Ai shtoi se ky diskriminim nuk ka kaluar pa u vënë re nga faktorët politikë, si vendorë ashtu edhe ndërkombëtarë.

“Ky guxim për diskriminim dhe nënçmim ndaj shqiptarëve nuk kaloi pa u vënë re, ai ra në sytë e të gjithë aktorëve politikë, si vendorë ashtu edhe ndërkombëtarë,” theksoi ai.

Sipas tij, veprimet e tilla kanë prodhuar edhe kundërveprime të natyrshme dhe të domosdoshme.

“Me vendosmëri dhe guxim, Arben Taravari dhe Aleanca për Shqiptarët morën vendimin për t’ia lëshuar qeverinë Mickoskit, duke zbehur legjitimitetin e saj dhe duke bllokuar funksionimin normal të Kuvendit, veçanërisht mekanizmin e Badenterit,” deklaroi Xhelili.

Në fund, ai theksoi se historia ka treguar se nuk mund të manipulohet me një popull të tërë.

“Ja një mësim i nxjerrë: mund të manipulohet me individ, por jo me një popull. Përpjekjet e Mickoskit për të nënvlerësuar shqiptarët do të dështojnë, sepse shqiptarët nuk harrojnë as të kaluarën, as dinjitetin e tyre,” përfundoi analisti Zudi Xhelili.