Opinion nga Jeon Sopa

Ky p-Llumi i Baton Haxhiut që ka fjetë 1 muj n’zyret e BDI-së n’Maqedoni tu ba fushatë për Ali Ahmetin, hala po tenton me manipulu opinionin tu ja uru fitoren Alisë.
Ndërkohë gjendja faktike është kjo:

BDI-ja e Ali Ahmeti në zgjedhjet e vitit 2020 ka konkuru e vetme në zgjedhje dhe ka fitu 15 deputet ndërsa në zgjedhjet e djeshme ka ba koalicion me 10 parti tjera duke përfshirë partitë e pakicave boshnjake, rome e turke dhe i kanë fitu 19 deputet.

Pra realiteti është se BDI-ja e Ali Ahmetit përfundimisht i ka marrë vetëm 9 deputet ndërsa 10 deputetë të tjerë i kanë fituar partitë e tjera.

Në bazë të këtyre statistikave BDI-ja pothuajse është përgjysmuar me numrin e deputetëve nga zgjedhjet e kaluara pra nga 15 ka përfundu në 9.

Ku je te pa fitoren e Ali Ahmetit o p-Llum???
Ani i paska thanë urime Kolos
Edhe unë pra po ja baj urime:

Urime o “Kolos” për këtë humbje kolosale.
Tash s’ki nevojë me qit kushte se ti kishe shku pa kurfar kushti veç me qenë në pushtet po kërkush s’po të thirrë.

Boll janë mundu tu bërtitë në emën të UÇK-së po nuk ju dhezi se populli nuk është dele, ashtu siç nuk ju dhezi k’tyne te na në Kosovë.

Lufta u kry moti i kanë pas 20 vjetë
n’dispozicion me punu për mirëqenjen e popullit dhe me tregu që vërtetë i kanë dashtë vlerat e UÇK-së, por k’ta në fakt veç kanë vjedhë e plaçkitë në emën të UÇK-së si k’ta në Kosovë po ashtu edhe ata në Maqedoni.

Deputetja e ardhshme nga radhët e VLEN Mimoza Musa, ka falenderuar votuesit e koalicionit VLEN për suksesin historik të arritur në zgjedhjet e djeshme. Ajo ka shkruae gjithashtu që kjo fitore është revolucion opozitar që do të shihet në Qeverisjen e ardhshme.

“Të nderuar miq,

Faleminderit për mbështetjen dhe besimin tuaj tejet të çmuar në votimin e djeshëm! Vota juaj më jep delegimin demokratik të përfaqësimit si deputete e Kuvendit të Republikës së Maqedonisë së Veriut.

Koalicioni ynë, VLEN, ka një vizion të qartë për të ardhmen e Maqedonisë së Veriut, një qeverisje e cila do të luftojë ashpër krimin dhe korupsionin për të siguruar drejtësi dhe integritet institucional.

Urime në veçanti fitoren opozitare, që u nis në lagjen tonë Çarshi e Epërme, vazhdoi në Tetovë, dhe kumboi gjithandej në Maqedoninë e Veriut. Kjo tregon se është vetëm fillimi i një revolucioni të ardhshëm. Së bashku, në çdo cep të vendit, do të ndërtojmë një të ardhme më të mirë për të gjithë!

Faleminderit edhe një herë për përkrahjen tuaj!”, shkruan Musa.

Këshilltari i kryeministrit Albin Kurti, Elvis Hoxha ka reaguar pas publikimi të lajmit të rremë të gazetarit të afërt me pushtetin, Nevrij Ademi.

“Shoqatat e gazetarëve duhet ta ndjekin nga afër etikën e gazetarëve. Gazetari mund të gabohet në vërtetësinë e një lajmi. Por nuk mund të mashtrojë duke transformuar deklaratat e të intervistuarit”, shkruan Hoxha.

Reagim të njëjtë kishte edhe shefi i kabinetit të Glauk Konjufcës i cili i bëri thirrje gazetarit të publikojë intervistën e plotë dhe të mos deformohet intervista me pjesë të prera.

Ndryshe, gazetari Nevrij Ademi njihet edhe për pyetjen ndaj Bilall Kasamit nëse mbështet martesat pro-gjinisë së njëjtë (LGBTI) ashtu sikurse kërkohet në Kodin Civil në Kosovë.

“Ne jemi parti konservatore, jemi i qendrës së djathtë, dhe ne mbështesim familjet tradicionale. Nëse atë e ka thënë Albini Kurti mund të shkosh në Kosovë lirisht edhe ta pyesësh”, u përgjigj Kasami ndaj pyetjes së gazetarit Nevrij Ademi.