Sekretari i Përgjithshëm i BDI-së dhe njëherit shef i shtabit në Tetovë, Faton Ahmeti, pas takimit të koalicionit AKI në Tetovë u shpreh se rruga drejt fitores është e hapur dhe ndryshimi është i pandalshëm.

“Rruga drejt fitores është e hapur dhe çdo hap i përbashkët na afron më shumë drejt një të ardhmeje më të mirë për Tetovën,” u shpreh Ahmeti.

Këto komente Faton Ahmeti i bëri gjatë takimit të koalicionit AKI në Tetovë ku morën pjesë strukturat lokale, kreu i BDI-së, Ali Ahmeti si dhe kreu i ASH-së, Ziadin Sela.

Publicisti i njohur Kim Mehmeti ka reaguar ashpër ndaj rolit të koalicionit VLEN në qeverinë aktuale, duke theksuar se kjo parti nuk e ka legjitimitetin për të përfaqësuar shqiptarët e Maqedonisë së Veriut.

“VLEN-i është parti që nuk ka legjitimitetin e shqiptarëve, por megjithatë i përfaqëson ata në qeveri. Nuk ka të drejtë të flasë në emër të shqiptarëve, sepse legjitimitetin e ka vetëm nga VMRO-ja dhe mund të flasë vetëm në emër të VMRO-së,” tha Mehmeti.

Ai shtoi se, ndryshe nga BDI-ja e cila sipas tij gjatë gjithë kohës në pushtet kishte bërë shumë gabime, megjithatë nuk mund t’i mohohej legjitimiteti që kishte nga shqiptarët. “Edhe sot BDI-ja e ka atë legjitimitet. Ndërsa VLEN-i është thjesht një degë e VMRO-së, një parti e komanduar nga Mickoski dhe nga kryeministri aktual,” theksoi ai.

Publicisti i njohur Kim Mehmeti ka kritikuar ashpër rolin e koalicionit VLEN në qeverinë e re, duke theksuar se kjo parti i ka dhënë legjitimitet VMRO-DPMNE-së për të paraqitur para opinionit maqedonas se ua ka “kthyer Maqedoninë”.

“Sipas kësaj logjike, del se Maqedoninë e paskan ‘grabitur’ shqiptarët, dhe kjo është edhe më e rëndë. VLEN-i u dëshmoi maqedonasve se shqiptarët mund të votojnë si të duan, por në fund VMRO vendos kush do të jetë pjesë e qeverisë,” deklaroi Mehmeti.

Ai shtoi se, nëse është kështu, atëherë nuk ka nevojë për zgjedhje në Maqedoni, përderisa ekzistojnë parti etnike. “Nëse VMRO duhet të caktojë cilët shqiptarë do të jenë në qeveri, atëherë shqiptarët le të votojnë direkt për VMRO-në. Pse të japin votat për VLEN-in, e ky t’ia çojë VMRO-së? Le të votojnë drejtpërdrejt për VMRO-në dhe ta forcojnë atë,” tha ai.

Sipas tij, vetëm VMRO-ja është e interesuar që VLEN të forcohet, ndërsa ky narracion nuk ndryshon shumë nga ai që përdorte më parë BDI-ja. “Tani duken sikur janë bërë bashkë me Aleancën Kombëtare për Integrim. Në këtë mes, Rahman Morina i Maqedonisë nuk është i tepërt,” përfundoi Mehmeti.