Lajme

ASH: Hetuesia le ta zbardh rastin, kemi paralajmëruar edhe zyrtarët tanë ska kompromis me korrupsionin!

Published

5 months ago

08.04.2025

admin

Muhsin Arifi, drejtor i Institutit Shëndetësor Publik “13 Nëntori” në Shkup dhe anëtar i Aleancës për Shqiptarët, është arrestuar nga autoritetet për dyshime të bazuara për marrje ryshfeti.

Lidhur me këtë ngjarje ka reaguar menjëherë ministri i Shëndetësisë, Arben Taravari, përmes një reagimi zyrtar në Facebook. Ai theksoi se Muhsin Arifi ishte propozuar nga Aleanca për Shqiptarët për një zgjidhje të përkohshme në krye të këtij institucioni, por theksoi domosdoshmërinë për një hetim të shpejtë dhe të gjithanshëm. “ASH u bën thirrje organeve kompetente shtetërore që në një procedurë të shpejtë dhe efikase të sqarojnë të gjitha rrethanat që kanë të bëjnë me ngjarjen konkrete penale. Kushdo që ka shkelur ligjin duhet të mbajë përgjegjësi, pavarësisht nga përkatësia etnike, fetare apo politike”, thuhet në reagimin e ministrit Taravari.

Ai shtoi se Aleanca për Shqiptarët mbetet fuqishëm e përkushtuar në luftën kundër korrupsionit dhe në reformimin rrënjësor të sistemit shtetëror, duke theksuar se qytetarët shqiptarë nuk meritojnë të përfaqësohen nga individë që tentojnë të përfitojnë në mënyrë të paligjshme, veçanërisht në sektorin jetik të shëndetësisë. “Populli shqiptar nuk meriton të përfaqësohet nga persona që eventualisht përpiqen të pasurohen në mënyrë të paligjshme mbi vuajtjet shëndetësore të qytetarëve. Kjo është e papranueshme dhe bie ndesh me parimet që ne përfaqësojmë”, përfundon Taravari.

Ndërkohë, organet partiake të ASH-së pritet të ndërmarrin të gjitha hapat statutare për ruajtjen e integritetit dhe imazhit të partisë, duke e distancuar veten nga çdo akt i paligjshëm.

Lajme

Osmani: Qeveria duhet të sqarohet për votimin në OKB

Published

42 minutes ago

14.09.2025

Admin01

Kandidati për kryetar të komunës së Çairit, Bujar Osmani, tha se pas çdo suksesi të vendit tonë qëndrojnë Shtetet e Bashkuara të Amerikës.

„Pas çdo suksesi të shtetit tonë, por edhe të vendeve në rajon, qëndron vula e Shteteve të Bashkuara të Amerikës. Dhe jam krenar që si ministër i parë në rajon e kam nënshkruar dialogun strategjik me Uashingtonin. Ai nuk ishte vetëm një dokument, por një proces që i nxiti edhe shtetet tjera në rajon ta ndjekin të njëjtin koncept“, deklaroi Osmani.

Osmani tha se pezullimi i dialogut strategjik është një test serioz për elitën politike në Kosovë, por edhe një sinjal i fuqishëm për tërë rajonin.

“Nuk ka alternativë për partneritetin me Shtetet e Bashkuara të Amerikës. Ne e kemi vendosur politikën e dy shteteve si qëndrim zyrtar të Qeverisë dhe Ministrisë së Punëve të Jashtme. Ky ishte qëndrim që përputhej me Bashkimin Evropian. Tani shohim dalje kundër BE-së dhe kundër politikës sonë zyrtare. Qeveria duhet të përgjigjet pse është ndryshuar kursi pas disa vitesh, kur ishte qartë e përcaktuar se ky është interes evropian dhe shtetëror. Qeveria, e veçanërisht partia shqiptare në të, duhet të sqarojë se kur dhe ku është marrë ky vendim. Kush e ka thirrur seancën dhe kush e ka mbështetur këtë kthesë, me të cilën votohet kundër politikës së dy shteteve në Lindjen e Mesme. Populli meriton përgjigje”, tha Osmani.

Osmani shtoi se Maqedonia e Veriut nuk guxon të lejojë devijim nga orientimi evropian dhe nga partneriteti strategjik me Shtetet e Bashkuara të Amerikës.

Lajme

Çairi me 22 KAZINO – A po shndërrohet në “Las Vegasin” e Shkupit? (Video)

Published

2 hours ago

14.09.2025

Admin01

Premtimet për mbylljen e KAZINOV-e në Maqedoninë e Veriut kanë rezultuar vetëm fjalë boshe. Në vend që të mbyllen ashtu siç premtuan ata janë shtuar edhe me shumë.
Zv.kryeministri dhe kandidati për Çairin nga VLEN-i, Izet Mexhiti gjatë fushatës së tij para një viti ka thënë se do të mbyllë kazinot, jo që janë mbyllur por ata janë shtuar.

Portali TS ka numëruar vetëm në teritorin e Çairit që përbëhet prej 3 km ka 22 KAZINO.

Qytetarët e Çairit për TS thonë se kjo është e tmerrshme dhe rinisë në vend të fushave të sportit ju ofrohen KAZINO dhe kjo është e pafalshme për këdo që i lejon këta.

Nga ana tjetër as me vendim të qeverisë e as vet Mexhiti nuk do ti mbyll KAZINOT, por ajo mbeti si një mashtrim për të fituar vota para një viti.

Lajme

Luan Veliu: Koka dhe krahet që sigurojnë fitore që në raundin e parë!

Published

2 hours ago

14.09.2025

Admin01

Talat Xhaferi, Nexhadi Jakupi dhe Isak Lazami, Shef i shabit politik, bashke me Shefat e Shtabeve lokale, Gostivarit i ofruan zgjidhje ma të mirë, për të pasur zgjedhje të sigurt, pa raundin e dytë!

Valbon Limani dhe Valdet Xhaferri, festa e Gostivarit!
19 tetor, ora 20.00, vallja e fitores!

Emrat e përzgjedhur që vetëm fitohet!
Pra, rradha nuk është e inteligjencës artificiale, por e asaj reale…
Rinia!

1. Valdet Xhaferi
2. Sadri Saliu
3. Qamile Xhelili
4. Demirali Shaini
5. Gzim Amzai
6. Xharije Alili
7. Sebaedin Sallai
8. Namik Durmishi
9. Arza Bajrami
10. Arbena Selmani
11. Shpresim Tairi
12.Fitore Ismani
13.Besnik Murati
14.Xhunet Beluli
15.Allma Abduli Selimi
16. Nexhibe Selimi
17. Arsim Disha
18. Rilinda Hamza
19. Nermine Saliu
20. Almira Sejfuli
21. Bujar Ajdari
22. Albion Iseini
23. Enisa Ramadani