Kandidati i Aleancës Kombëtare për Integrim për komunën e Tearcës, Nazim Taipi në hapjen e shtabit komunal në këtë komunë theksoi se këto zgjedhje nuk janë zgjedhje të zakonshme siç do të duhej të ishin në kushte normale por këto zgjedhje janë një provë e dinjitetit tonë për ti thënë mjaft përmes votës këtij nënçmimi të dinjietit dhe kranrisë sonë.

Kryetari i Aleancës për Shqiptarët, Arben Taravari, ka kritikuar hapur rolin e koalicionit VLEN në qeveri, duke thënë se ata janë të pafuqishëm për të ndikuar edhe në vendime të thjeshta administrative. Ai gjatë emisionit të mbrëmshëm Debat në Shenja, akuzoi disa zëvendësministra të koalicionit VLEN për mungesë angazhimi dhe papërgjegjësi institucionale. Sipas tij, një pjesë e zëvendësministrave nuk kanë as prezencë të rregullt në zyrat e tyre dhe madje disa nuk kanë as infrastrukturën bazë për të ushtruar detyrën.

Arben Taravari, Kryetar i ASH-së

“Kemi zëvendësministra që nuk shkojnë as në punë. Disa shkojnë vetëm një herë ose dy herë në javë. Nuk është vetëm një ose dy, janë shtatë. Vetëm tre prej tyre kanë qenë aktivë dhe kanë treguar interes real për detyrën që mbajnë. Tre zëvendësministra kanë qenë aktivë, të cilët janë interesuar. Disa nuk kishin as zyra, as veturë zyrtare nuk kishin. Ata e dinë vetë se kush janë” .

Taravari më tej ka rikujtuar kohën kur ishte pjesë e koalicionit VLEN dhe përmendi rastin e emërimit të një drejtori në një fshat të Strugës, ku vendimi për drejtorin u mor pa konsultim me komunitetin, duke shkaktuar revoltë dhe pakënaqësi. Ai tha se së bashku me zëvendëskryeministrit Izet Mexhiti, ishin të pafuqishëm për të ndërruar drejtorin.

Arben Taravari, Kryetar i ASH-së

“Quhet një fshat Podgorc, në Strugë. Aty çdoherë drejtor ka qenë torbesh ose shqiptarë. 95% e popullatës janë myslimanë. Herën e parë pas 35 viteve u vendos një ushtrues detyre – një maqedonas me tatuazh në të gjithë trupin”.

Sa i përket raporteve me ish bashkëpartiakun e tij, Zijadin Sela, Taravari tha se nuk ka asnjë armiqësi personale dhe pavarësisht mosmarrëveshjeve që kanë ndodhur, është i hapur për bashkëpunim në të ardhmen./TVShenja/

“Market Vision”, një agjenci e afërt me VMRO-DPMNE-në dhe qeverinë, e cila përfiton tenderë me qindra mijëra euro nga shteti, në sondazhin e fundit të publikuar sot, nuk arriti ta mbrojë VLEN-in, por tentoi të zbusë diferencën e madhe mes Aleancës Kombëtare për Integrim (AKI) dhe VLEN-it – diferencë që në të vërtetë është edhe më e thellë sesa ajo që u prezantua në rezultatet e anketës së porositur nga “Pallati i Bardhë”.

Me porosi të VMRO-DPMNE-së, sondazhi u përpoq të minimizojë përkrahjen popullore ndaj Aleancës për Shqiptarët (ASH) dhe liderit të saj, Arben Taravari – rezultate këto që bien ndesh me realitetin dhe madje edhe me sondazhet e mëhershme të vetë kësaj agjencie.

Në përpjekje për t’u hakmarrë ndaj ASH-së që braktisi kabinetin qeveritar, VMRO-DPMNE po tenton ta ulë ASH-në në të njëjtin nivel me partitë e VLEN-it. Megjithatë, çdo sondazh serioz tregon qartë se ASH, edhe e vetme, është më e fuqishme sesa të gjitha partitë e VLEN-it së bashku.

Duke u përpjekur ta shtrembërojë vullnetin e shqiptarëve, Market Vision – me porosi të Hristijan Mickoskit – e uli ASH-në në sondazhe. Por e vërteta do të dalë në shesh më 19 tetor, kur ASH, bashkë me AKI-në, jo vetëm që do të triumfojë 3 me 1 ndaj VLEN-it, por me një diferencë edhe më të thellë.

Editorial – Smart News