Deri më sot nuk ka asnjë investim të huaj në komunat me shumicë shqiptare – një dështim i qartë i politikës ekonomike, vuri në dukje
Arben Halili në konferencën për media.

“Ministri i Ekonomisë bën propagandë me vetëpunësim, por asnjë investim nuk ka shkuar në vendbanimet shqiptare. Kjo është fyerje për rajonin dhe për votuesit.”, shtoi Halili nga Aleanca për Shqiptarët.

Plani nuk përmban të dhëna për përfituesit, nuk ka kritere të qarta dhe as mekanizma të pavarur të monitorimit, kështu tha në konferencën për media, Arben Halili.

“Kur s’ka publikim të kritereve dhe nuk dihet kush përfiton dhe si, atëherë s’kemi plan punësimi – kemi plan favorizimi.”, tha Arben Halili.

Duke komentuar Planin për Punësim, Halili vuri jë dukje që plani fokusohet vetëm te të rinjtë nën 29 vjeç, ndërsa gratë, të papunët afatgjatë dhe grupet e margjinalizuara mbesin jashtë vëmendjes.

“Nuk mund të flasim për gjithëpërfshirje kur përjashtojmë shumicën. Gratë në zonat rurale dhe të papunët afatgjatë kanë nevojë për mbështetje të drejtpërdrejtë, jo për retorikë.”, tha Arben Halili.