Connect with us

Lajme

Arben Taravari për 8 Mars shpërndan mesazhin e gruas së tij: Gra, kudo që jeni ndriçoni!

Published

on

Kryetari i Aleancës për Shqiptaret dhe kandidat i koalicionit VLEN për zgjedhjet presidenciale, Arben Taravari, me rastin e 8 Marsit, ka shpërndarë një urim të bashkëshortes së tij Nora Taravari, ku, siç thotë ai, janë thënë të gjitha sa i përket kësaj dite të rëndësishme të gruas.

Më poshtë ua sjellim postimin e plotë:

Unë kam fatin të jem rrethuar nga nëna ime e shtrenjtë, nga gruaja ime e mrekullueshme, motra ime Zanë, që është po njësoj një mrekulli! Por sot kam zgjedhur këtë urim të gruas time Nora që ta ndaj me ju, sepse mendoj që Nora i ka thënë të gjitha!
Gëzuar 8 Marsin!

Ja çfarë shkruan Nora

“Para disa ditësh, fola në tubimin promotiv të kandidatit për President të VLEN-it, Arben Taravari që është im shoq.
Fjalimi im ishte risi për mua por rezultoi të ishte edhe një surprizë e madhe sepse pas atij fjalimi kam marrë me dhjetra e qindra urime.
Ju falenderoj të gjithëve dhe sot gjej datën 8 Mars për ta bërë këtë gjë dhe bashkë me të edhe një urim:
Dua të uroj gratë: ato që gjithë kohës janë në punë dhe ato që lajnë e gatuajnë gjithë ditën, ato që rrisin fëmijë e në disa raste edhe burrat e tyre, ato që guxojnë dhe ato që sapo kanë dështuar, ato që janë të reja dhe plot ëndrra dhe dhe ato nuk shohin të ardhme, ato që emri ju dëgjohet dhe ju duartrokitet dhe ato që nuk kanë emër por njihen vetëm si gratë e dikujt, ato që rrethohen nga burra fisnikë…dhe ato që janë në presionin e tmerrshëm të dhunës, ato që sot po buzëqeshin dhe ato që janë tradhëtuar dhe nuk besojnë dot më, ato që sapo kanë sjellë në jetë një krijesë dhe ato që janë në sekondat e fundit të shpresës…JU JENI TË GJITHA ARSYE MREKULLIE PËR DIKË, DIKU NË KËTË BOTË NDAJ SIDO DHE KUDO QË JENI…NDRIÇONI!
Me dashuri
Një nga Ju por krenare që jam si Ju
Nora”

Continue Reading

Lajme

Votimi i të burgosurve dhe të sëmurëve po zhvillohet pa probleme, bëjnë të ditur KSHZ

Published

on

By

Të drejtën e votës sot do të mund ta ushtrojnë 2569 votues në 31 vendvotime në PKV, ku janë regjistruar për të votuar dhe aplikimet e të cilëve janë pranuar nga Komisioni Shtetëror i Zgjedhjeve.

Sot në qendrat e votimit në 14 IEVP do të mund të ushtrojnë të drejtën e votës 2147 zgjedhës. Të gjitha qendrat e votimit në IEVP janë hapur në orën 7:00 të mëngjesit të sotëm dhe votimi atje do të vazhdojë deri në orën 19:00.

Deri në këtë moment votimi po vijon pa problem. Gjatë ditës së sotme dy votues, të cilët identifikohen si të zhvendosur brenda vendit, do të mund të ushtrojnë të drejtën e votës në të vetmen qendër për personat e zhvendosur brenda vendit.

Këshillat zgjedhorë në Republikën e Maqedonisë së Veriut gjatë ditës së sotme do të bëjnë votimin e personave të sëmurë ose të paaftë, të cilët kanë dorëzuar njoftime me dokumentacion përkatës deri te komisionet komunale zgjedhore. Të drejtën e votës në banesat e tyre do ta ushtrojnë 6935 qytetarë të regjistruar si të sëmurë apo të pafuqishëm.

Sot, 534 zgjedhës, të vendosur në 20 qendra të kujdesit jashtëfamiljar, do të kenë mundësinë të ushtrojnë të drejtën e votës në qendrën ku ndodhen. Ekziston një interes i theksuar për vëzhgimin e këtyre zgjedhjeve nga organizata dhe media vendase, të huaja dhe ndërkombëtare. Komisioni Shtetëror i Zgjedhjeve deri më tani ka akredituar për vëzhgim 342 vëzhgues vendas, 517 vëzhgues të huaj dhe ndërkombëtarë, 51 përkthyes dhe 32 gazetarë të huaj. Faqja e KSHZ-së, www.sec.mk, si dhe faqet e rrjeteve sociale “Facebook”, X, “Instagram”, si dhe kanali YouTube janë në dispozicion të të gjithë qytetarëve, ku do të mund të gjeni informacion në kohë dhe të saktë në lidhje me zgjedhjet.

Në listën zgjedhore me të drejtë vote në këto zgjedhje janë regjistruar gjithsej 1.814.317 zgjedhës.

Continue Reading

Lajme

Demolohet shtabi i VLEN në Lagjen e Trimave në Kumanovë

Published

on

By

Gjatë mbrëmjes së kaluar nga persona të panjohur është demoluar shtabi i VLEN në Lagjen e Trimave në Kumanovë.

Rasti i demolimit të shtabit është lajmëruar në SPB Kumanovë. Përndryshe nuk është hera e parë që demolohen shtabet partiake në lagjet shqiptare në Maqedoninë e Veriut.

Continue Reading

Lajme

Veteranët e UÇK-së porosi Artan Grubit: Nuk lejojmë shkeljen e flamurit kombëtar!

Published

on

By

Veteranët e UÇK-së kanë reaguar ndaj Artan Grubit i cili nga sheshi i Shkupit këtkoi që të ulet flamuri kombëtar.

Ata e shohin këtë veprim si një shkelje të gjakut të dëshmorëve dhe sakrificave të tyre për liri.

Në reagimin e tyre, ata theksojnë se flamuri kombëtar është mbrojtur me gjakun e dëshmorëve dhe se nuk mund të lejohet që të kalojë pa reagim një gjest i tillë.

Në këtë reagim, ata shprehin zemërimin dhe turpin e tyre ndaj këtij veprimi, duke theksuar rëndësinë dhe nderin që duhet t’i kushtohet flamurit kombëtar dhe emblemës së UÇK-së.

“TË NDERUAR VETERANË INVALID DHE FAMILJE TË DËSHMORËVE KY FLAMUR ËSHTË LARË ME GJAKË DHE ËSHTË MBROJTUR ME GJAKUN E DËSHMORËVE. NUK TOLEROJMË QË NJË RRUGAÇ TË JAPE URDHËRA PËR TË ULUR FLAMURIN KOMBËTAR NË LIRI, AI FLAMUR ËSHTË MBROJTUR ME JETËN E SHUM DËSHMORËVE NGA VITI 1998 DERI NË 2001. Nuk mundemi të qëndrojm indiferentë ndaj këti rrugaçi se ai rrugaçi që në vitin 2001 ishte me palën Maqedone dhe ishte i mbuluar me flamurin e ty që ka në zemër. TURP TURP TURP TË KENI. NJËHER BROHORET UÇK UÇK DHE PAS NJË ORE URDHËRON ULNI FLAMURAT ULNI FLAMURAT………TURP TURP TURP!!!???? RROFT FLAMURI KOMBËTAR RROFT EMBLEMA U.Ç.K së”, thuhet në reagimin e ish ushtarëve të UÇK-së, theksojn Veteranët e UÇK-së.

Continue Reading

TOP Lajme