Lajme

Afrim Gashi: Fitore plebishitare me 120 mijë vota më 8 maj

Published

2 years ago

02.03.2024

Admin01

Koalicioni opozitar shqiptar VLEN mbajti sonte konventën promovuese për kandidatin presidencial Arben Taravarin.

Në tubimin në Gostivar, kreu i Alternativës Afrim Gashi kërkoi fitore plebishitare për koalicionin VLEN në zgjedhjet e 24 prillit dhe 8 majit.

“Duke e përgëzuar Dr. Arbenin për kandidimin, që këtu dua t’i falënderoj ata 10-12 mijë shqiptarë që e kanë mbështetur kandidaturën e tij dhe t’i ftoj që këtij numri t’ia shtojmë edhe një zero. Bashkohuni me ne, se vetëm bashkë mund ta bëjmë ndryshimin. Na duhet një fitore me 120 mijë vota plebishitare, se vetëm ashtu i ka hije votës shqiptare”, tha Gashi.

Ai theksoi se kjo fitore e madhe kombëtare garanton përmirësimin e statusit të shqiptarëve të Maqedonisë së Veriut.

“Fitorja e tretë është fitorja e madhe kombëtare shqiptare, e cila garanton: integrim të pakompromistë të vendit në Bashkimin Europian, mirëqenie ekonomike me rroga të denja dhe standard të jetës, drejtësi dhe luftë kundër korrupsionit, arsim cilësor si detyrim për emancipimin e kombit, mbrojtje dhe afirmim të familjes tradicionale, si dhe mjedis të pastër jetësor”, deklaroi kreu i Alternativës.

Gashi tha gjithashtu se votuesi shqiptar si asnjëherë më parë tash ka mundësi të zgjedhë mes korrupsionit dhe virtytit të ndershmërisë, mes shthurjes morale dhe etikës, mes varfërisë dhe mirëqenies, mes shpërnguljes dhe vatrave stërgjyshore, mes integrimit në BE dhe bashkëpunimit me Vuçiqin.

Lajme

Ambasada e SHBA-së në Prishtinë – Deklaratë për Njoftimin e Ndërprerjes së Dialogut Strategjik me Kosovën

Published

8 minutes ago

12.09.2025

Admin01

Ambasada në Prishtinë – Deklaratë për Njoftimin e Ndërprerjes së Dialogut Strategjik me Kosovën

Shtetet e Bashkuara kanë pezulluar në mënyrë të pakufizuar Dialogun e planifikuar Strategjik me Kosovën për shkak të shqetësimeve lidhur me veprimet e qeverisë kujdestare, të cilat kanë rritur tensionet dhe paqëndrueshmërinë, duke kufizuar aftësinë e Shteteve të Bashkuara për të punuar në mënyrë produktive me Kosovën mbi prioritetet e përbashkëta.

Ne mbetemi të përkushtuar për të avancuar interesat e përbashkëta që ndajnë Shtetet e Bashkuara dhe populli i Kosovës. Marrëdhënia jonë me Kosovën bazohet në një qëllim të përbashkët: forcimin e paqes dhe stabilitetit si bazë për prosperitet ekonomik të ndërsjellë. Fatkeqësisht, veprimet dhe deklaratat e fundit të Kryeministrit kujdestar Kurti kanë sjellë sfida për progresin e arritur gjatë shumë viteve.

Dialogu strategjik kishte për qëllim forcimin e lidhjeve ekonomike dhe diplomatike për përfitim të popullit amerikan dhe atij kosovar. Shpresojmë të ndjekim këto përpjekje në të ardhmen, kur të jetë e përshtatshme. Ne e dimë se ky është një qëllim i prioritet i popullit të Kosovës.

https://www.facebook.com/share/p/17GZJkHUJS/?mibextid=wwXIfr

Lajme

Qoku -Mislimit: Je militantē i BDI-sē, Mislimi: Më mirë i BDI-së se Serbisë

Published

15 minutes ago

12.09.2025

Admin01

Pas publikimit të mbrëmshëm nga Bekim Qoku se komuna e Tetovës ka marrë donacion prej një kompanie serbe për ndërtimin e kishës në Tetovë një debat në rrjetet sociale ka plasur mea gazetarit Rami Mislimi dhe deputetit Bekim Qoku. Në reagimin e tij Qoku i shkruan Mislimit se ke militant i BDI-së pasi Mislimi i reagoi në një arsyetim të Qokut. Pas këtij komenti reagimi i gazetarit Mislimi ishte i nenjëhershëm duke i shkruar Qokut se më mirë militant i BDI-së se sa një militant i Serbisë, shkruan Top24

Lajme

Blerant Ramadani premton Saraj 100% të pastër brenda 100 ditëve

Published

20 minutes ago

12.09.2025

Admin01

Kandidati i AKI-së për Komunën e Sarajit, Blerant Ramadani, ka premtuar se brenda 100 ditëve të para të mandatit të tij do të zgjidhë problemin e papastërtisë në komunë.

“Një Saraj 100% i pastër, pa asnjë deponi ilegale”, ka shkruar Ramadani në një postim në rrjetet sociale, duke theksuar fokusin e tij në pastërtinë dhe mirëqenien e qytetarëve.