Connect with us

Lajme

Abazi: Në katër tenderë në Likovë janë paguar afër një milion denarë për një firmë të kunatit të Elmi Azirit

Published

7 months ago

on

Koalicioni VLEN edhe sot në një konferencë për shtyp vazhdoi të publikojë informacione lidhur me tenderët që kanë të bëjnë me kompani të familjes së deputetit Elmi Aziri nga grupacioni i Ziadin Selës pjesë e koalicionit Fronti Evropian.

Dje publikuan informacione për tenderët që kompania e lidhur me familjen e deputetit Elmi Aziri i kishte marrë nga Ministria për Sistem Politik dhe Marrëdhënie Ndërmjet Komuniteteve, në kohën kur logjistika kryesore e BDI-së ishte nën drejtimin e Artan Grubit. Sot vazhdojmë me publikimin e të dhënave të reja se si e njëjta kompani, pronar i së cilës është nipi i gruas së deputetit Elmi Aziri, ka marrë tenderë nga Komuna e Likovës, shkolla e mesme “Ismet Jashari” në Likovë, gjimnazi “Sami Frashëri” në Kumanovë dhe nga Shtëpia e Shëndetit Publik – Kumanovë, deklaroi Bujare Abazi nga Koalicioni VLEN në konferencën e sotme për shtyp.

Në këto katër tenderë, theksoi ajo, kompania RITRON KOPI DOOEL import-eksport Kumanovë ka dhënë oferta për furnizim të pajisjeve kompjuterike, për të cilat i janë paguar pothuajse një milion denarë.
“Këto informacione tregojnë qartë se, pa marrë parasysh nëse bëhet fjalë për prokurime me vlerë më të vogël apo më të madhe, asnjë kompani nuk mund të marrë asnjë denar pa miratimin e BDI-së. Është e qartë se BDI ka vepruar si një strukturë mafioze që nuk është përmbajtur nga keqpërdorimi i parave të popullit për të realizuar ndikim politik,” tha Abazi.

Ajo shtoi se në rrjetën e BDI-së përfshihen të gjithë politikanët “që e shohin politikën si mundësi për pasurim personal dhe familjar.”
“Për këtë arsye, inkurajojmë udhëheqësinë e Frontit Evropian opozitar të shpjegojë mirë për anëtarësinë e tij pse ish-funksionarët kryesorë të Ali Ahmetit dhe Ziadin Selës janë nën dyshime për korrupsion politik,” përfundoi Abazi.

Related Topics:
Continue Reading

Lajme

Vdiq Papa Françeksu

Published

10 hours ago

on

April 21, 2025

By

Vatikani njoftoi të hënën se ka vdekur Papa Françesku, raporton agjencia e lajmeve “Reuters”.

Ai ishte në moshën 88-vjeçare dhe kohëve të fundit kishte probleme shëndetësore.

Continue Reading

Lajme

MPB: Ndalohen gjashtë persona, kapen me marihuanë

Published

10 hours ago

on

April 21, 2025

By

MPB Maqedoni njofton se dje janë ndaluar pesë persona nga Shkupi dhe një nga Kumanova, të cilët dyshohen për tregti me lëndë narkotike.

“Me datë 20.21.04.2025 në lokacione të ndryshme në Shkup, nëpunës policorë nga SPB Shkup kanë privuar nga liria F.XH. (47), P.R (32), E.I. (39), A.I. (36) dhe I.XH. (40), të gjithë nga Shkupi dhe A.A. (50) nga Kumanova, pasi iu gjet dhe u sekuestrua marihuanë dhe një lëndë e bardhë kokrrizore”.

“Pas dokumentimit të plotë të rasteve, do të pasojnë parashtresat përkatëse”, thonë nga MPB.

Continue Reading

Lajme

Jahoski, pronari i “Pucko Petrol” ofron 2 milionë euro garanci për të dalë nga paraburgimi

Published

10 hours ago

on

April 21, 2025

By

Pronari i kompanisë “Pucko Petrol” Asmir Jahoski ofron 2 milionë euro garanci për lirim nga paraburgimi, pohojnë burime në sistemin gjyqësor të njohur me rastin, transmeton portali expres.mk

Sipas burimeve të portalit, të enjten, mbrojtja e Jahoskit, i cili është djali i deputetit të BDI-së, Ismail Jahoski, ka ofruar prona në vlerë prej 2 milionë eurosh në përpjekje që gjykata të lejojë që Asmiri të mbrohet nga burgu në rastin me vlerë mbi 160 milionë euro.

Vendimin zyrtarisht nesër do ta marrin tre gjyqtarë nga Gjykata Penale në Shkup, të cilët do të vlerësojnë nëse Jahoski, pasuria e të cilit llogaritet në dhjetëra milionë euro, duhet të lirohet në shtëpi.

Tre gjyqtarët duhet të ofrojnë një analizë të duhur ligjore nëse, pesë javë pasi Asmir Jahoski iu dha paraburgimi për shkak të rrezikut të arratisjes ose ndikimit të dëshmitarëve, ai tani mund të mbrohet nga liria.

Njëri nga 13 të dyshuarit për blerjen e lëndës djegëse toksike për TEC-in e Negotinës, Asmir Jahoski, djali i deputetit të BDI-së, Ismail Jahoski, nesër pritet të lirohet nga paraburgimi.

Burime në Prokurorinë Publike për Krim të Organizuar dhe në Gjykatën Penale të Shkupit pohojnë për expres.mk se për anëtarët e familjes së tij dhe BDI-së kjo është punë e kryer.

Operacioni për daljen nga paraburgimi Jahoski përmes avokatëve të tij e ka nisur katër ditë më parë të enjten e madhe kur në gjykatë është dorëzuar kërkesa për ndërprerje të paraburgimit dhe lirim.

Tani burimet pohojnë se pasi Abazi ka dhënë mendimin e tij se Jahoski duhet të lirohet, Gjykata Penale e Shkupit nesër do të vendosë për lirimin e djalit të deputetit të BDI-së nga burgu i Shutkës.

Continue Reading

TOP Lajme