Kryetari i Aleancës për Shqiptarët, Arben Taravari, së bashku me sekretarin e përgjithshëm të partisë, Blerant Ramadani, morën pjesë në pritjen zyrtare të organizuar nga Ambasada e Shteteve të Bashkuara të Amerikës në Shkup, me rastin e 4 Korrikut – Ditës së Pavarësisë së SHBA-së.

Përmes një njoftimi, Taravari shpreh urimet për këtë festë të rëndësishme dhe thekson miqësinë e fortë mes SHBA-së dhe popullit shqiptar, si dhe mbështetjen e vazhdueshme të SHBA-së për Republikën e Maqedonisë së Veriut.

“Urime Ditën e Pavarësisë, Shtetet e Bashkuara të Amerikës!
Sot, së bashku me sekretarin e përgjithshëm, Blerant Ramadanin, morëm pjesë në pritjen e organizuar nga Ambasada e SHBA-së në Shkup, me rastin e 4 Korrikut – Ditës së Pavarësisë.
Shtetet e Bashkuara të Amerikës janë mik i madh dhe aleat i palëkundur i popullit shqiptar dhe i Republikës së Maqedonisë së Veriut.
Vlerat që përfaqëson ky shtet, demokracia, liria dhe barazia, janë udhërrëfyes për përpjekjet tona drejt një shoqërie më të drejtë dhe më të zhvilluar.
Faleminderit ambasadores Angela Aggeler dhe stafit të ambasadës për mikpritjen dhe për mbështetjen e vazhdueshme për vendin tonë.
Gëzuar 4 Korrikun, Amerikë! 🇺🇸”, përfundon njoftimi i kreut të ASH-së.

Aleanca për Shqiptarët dënon aktin e paprecedentë të shkarkimeve politike që po ndodhin në institucionet shëndetësore nën drejtimin e kuadrove të VLEN-it. Rasti i fundit vjen nga Shtëpia e Shëndetit në Kërçovë, ku drejtori i sapoemëruar, Dr. Valon Sadiku – me urdhër politik të ministrit digjital Azir Aliu dhe drejtuesve të VLEN-it – ka larguar nga puna tetë të punësuar shqiptarë vetëm për shkak të bindjeve të tyre politike.

Këto veprime jo vetëm që janë të turpshme dhe të papranueshme, por tregojnë fytyrën e vërtetë të një subjekti që në emër të “ndryshimit”, po instalon përjashtimin dhe hakmarrjen politike si standard pune. Ironikisht, VLEN nuk sjell punësime të reja për shqiptarët – përkundrazi, edhe aty ku ka shqiptarë të punësuar, i largon.

Tetë të punësuarit e përjashtuar kanë kërkuar kthimin e menjëhershëm në vendet e tyre të punës, ndërkohë që janë të vendosur të ndjekin rrugët ligjore dhe demokratike, përfshirë edhe protestën publike, nëse padrejtësia nuk korrigjohet.

Aleanca për Shqiptarët do të qëndrojë fuqishëm në krah të çdo qytetari të përjashtuar për shkak të bindjeve politike dhe u bën thirrje institucioneve të drejtësisë, Avokatit të Popullit dhe shoqërisë civile të reagojnë ndaj këtij abuzimi të pastër me pushtetin.

Pëlqimi nga Ministria e Finansave për punësimet në fjalë: https://we.tl/t-T2fVju4WOG

Pamje nga reagimi i punonjësve të larguar, të transmetuara nga TV Uskana https://www.facebook.com/share/v/14rYwE7bH7/

Aleanca për Shqiptarët

Pas gati tre muaj negociata intensive mes partive përbërëse të koalicionit VLEN, duket se fati i Komunës së Tearcës tashmë është vulosur. Sipas burimeve tona nga brenda koalicionit, është vendosur që kandidati për këtë komunë të jetë Daut Memishi nga Lëvizja Besa – duke lënë jashtë garës Amir Elezin e Alternativës.

Kjo zgjedhje, që vjen pas një gare të brendshme të tensionuar, shihet si një fitore e pastër e Besës ndaj Alternativës, e cila duket se po e humb ndikimin në ndarjen e komunave brenda VLEN. Nga ajo që mësohet në terren, Alternativa rrezikon seriozisht të mos ketë asnjë kandidat për kryetar komune në zgjedhjet lokale dhe të kufizohet vetëm në përfaqësim simbolik përmes ndonjë këshilltari.

Fragmentarizimi brenda VLEN tashmë është i prekshëm, veçanërisht me rastin e Sarajit, që po shihet si “molla e sherreve” brenda koalicionit. Asnjëra parti nuk po tërhiqet nga pretendimi për këtë komunë, duke rritur rrezikun për përçarje të thellë.

Sipas të njëjtave burime, Lëvizja Besa po shqyrton seriozisht opsionin që të garojë e vetme në disa komuna strategjike si Tetova, Tearca, Saraji dhe Bogovina, pa u varur nga mbështetja e partive të tjera të VLEN-it.

Megjithëse këto informacione mbeten të pakonfirmuara zyrtarisht, ato pasqyrojnë një dinamikë të brendshme gjithnjë e më të tensionuar në radhët e VLEN – ku lojërat e brendshme për pushtet lokal rrezikojnë të minojnë unitetin e premtuar para qytetarëve.