Connect with us

Lajme

Gashi: Të gjithë qytetarët pa dallime kanë ndjerë keqardhje në tragjedinë e Koçanit

Published

on

 

Kryetari i Parlamentit Afrim Gashi, sonte ishte mysafir në TV Kanal 5, në emisionin maratonik për tragjedinë e Koçanit. Kryeparlamentari Gashi, tha se tragjedia e Koaçnit, ka prekur të gjithë qytetarët e Maqedonisë së Veriut, pa dallime etnike, fetare apo politike.

“Para se gjithash jemi njerëz. Një tragjedi e tillë ka prekur të gjithë ata që kanë pasur njerëzoren brenda tyre. Unë ju them me të gjithë përgjegjësi se asnjë qytetar në vend nuk e ka kaluar lehtë këtë tragjedi. Duhet t’i japim fund ndarjeve dhe ta tejkalojmë këtë tragjedi, por gjithashtu edhe të kemi një përgjigje të përbashkët në ndërtimin e shtetit dhe shoqërisë”, tha Gashi.

Ai shtoi se duhet të përcaktojmë prioritete në vendin tonë që në raste të caktuara nuk duhet të shikojmë në përkatësinë etnike, fetare apo edhe partiake.

Continue Reading

Lajme

Meidani takon Snopçen: Analizat e një matematikani të mirë përherë të vyera

Published

on

By

Ambasadori i Shqipërisë në Shkup, Denion Meidani, shprehu kënaqësinë e veçantë për takimin e tij me koordinatorin e grupit parlamentar të koalicionit VLEN, Halil Snopçe.

Takimi, i cili u zhvillua në Ambasadën Shqiptare, kishte si fokus forcimin e bashkëpunimit parlamentar mes Shqipërisë dhe Maqedonisë së Veriut, si dhe zhvillimet rajonale dhe më gjerë.

“Kënaqësi e veçantë të takohem sërish me z. Halil Snopçe, Koordinatorin e grupit parlamentar të koalicionit VLEN, dhe ta mirëpres në Ambasadë. Biseduam gjatë e me interes për forcimin e bashkëpunimit parlamentar mes Shqipërisë dhe Maqedonisë së Veriut, zhvillimet rajonale e më gjerë por dhe për Korridorin VIII si një projekt strategjik që duhet të na afrojë më shumë. Diskutimet tona prekën edhe zhvillimet e fundit politike ku kalkulimet dhe analiza e një matematikani të mire dhe politikan me përvojë janë përherë të vyera.
Diskutuam edhe për një vizitë në Kuvendin e Shqipërisë, si një hap konkret për të thelluar dialogun institucional dhe për të ndërtuar ura të reja mes dy parlamenteve. Faleminderit, Halil, për një takim shumë interesant, të frytshëm dhe miqësor! Parlamenti është zemra e demokracisë — dhe në rrugëtimin europian, përfshirja, bashkëpunimi dhe vizioni i përbashkët janë çelësi për të ecur përpara”, ka shkruar Meidani.

Ambasadori Meidani falënderoi z. Snopçe për takimin shumë interesant, të frytshëm dhe miqësor, duke theksuar se Parlamenti është zemra e demokracisë dhe se përfshirja, bashkëpunimi dhe vizioni i përbashkët janë çelësi për të ecur përpara në rrugëtimin europian./ ZYRTARE.net

Continue Reading

Lajme

Taravari: Shumica e fjalëve kalojnë, por veprat mbeten – 50.200 denarë rroga në shëndetësi

Published

on

By

Ministri i Shëndetësisë, Arben Taravari, ka bërë të ditur se rroga mesatare e punonjësve shëndetësorë në vend ka arritur në 50.200 denarë. Lajmi u konfirmua sot nga vetë ministri, i cili theksoi se ky është niveli më i lartë i pagave në sektorin shëndetësor në historinë e vendit.

“Sot sapo është zyrtarizuar rroga mesatare e punonjësve shëndetësorë në 50.200 denarë! Në kaq pak muaj arritëm të kemi rrogat më të larta në historinë e këtij vendi,” u shpreh Taravari në një deklaratë publike.

Ai shtoi se synimi i qeverisë është përmirësimi i kushteve për të gjithë sektorët e shoqërisë. “Uroj dhe shpresoj që kjo të arrihet në të gjithë sektorët, sepse detyra jonë është të bëjmë më të mirën për ju! Drejt më të mirës!” – theksoi ministri.

Rritja e pagave në shëndetësi vjen në një kohë kur ky sektor ka qenë në fokusin e reformave, me qëllim përmirësimin e kushteve të punës dhe ofrimin e shërbimeve më cilësore për qytetarët.

Continue Reading

Lajme

Mexhiti: Përfaqësimi adekuat është kategori kushtetuese dhe askush nuk guxon ta cenoj këtë

Published

on

By

 

Zëvëndëskryeministri i parë, Izet Mexhiti, në emisionin “Dialog te Lajmi”, ka folur mbi punësimet dhe përfaqësimin adekuat sipas të cilit kjo çështje është e paprekshme dhe askush nuk guxon ta cënoj.

“Sa i përket punësimit, heqja e Balancuesit nuk është faji ynë, pasi ka qenë një iniciativë nga Gjykata Kushtetuese, e cila është zgjedhur nga përbërja e kaluar qe Qeverisë. Përfaqësimi adekuat është kategori kushtetuese dhe askush nuk guxon ta cenoj këtë. Mendoj se në këtë periudhë po bëhen më shumë punësime të shqiptarëve sesa janë bërë në tetë vitet e kaluara edhe pse kanë pasur pozita vendimmarrëse. Këtë mund ta konstatoj me rastin ku diku 1.500 punësime në shëndetësi që gjysma e tyre janë shqiptarë të cilët fatkeqësisht kanë mbetur për një periudhë të gjatë me kontratë deri në 7-10 vite. Me të njëjtën dinamikë do të vazhdojmë edhe në institucionet tjera”, tha zëvëndëskryeministri Mexhiti.

Continue Reading

TOP Lajme