Lajme

Shfuqizimi i Balancuesit! Fetai: Mekanizmi nuk vlen më për asnjë bashkësi, punësimet këtë periudhë do të bëhen me parimin e përfaqësimit të drejtë

Published

11 months ago

13.10.2024

Admin01

Pas vendimit të Gjykatës Kushtetuese për shfuqizimin e “Balancuesit”, shteti nuk ka mekanizëm për rregullimin e përfaqësimit të drejtë dhe adekuat, shkruan TV21. I pyetur për këtë, zëvendëskryeminsitri për Qeverisje të Mirë, Arben Fetai tha se edhe pse nuk ka balancues kjo nuk i ndalon punësimet, transmeton TV21. Fetai sqaroi se punësime do të ketë sipas parimit kushtetues për përfaqësim të drejtë dhe adekuat.

“Paraimi i përfaqësimit të drejtë dhe adekuat është pjesë e Kushtetutës, është pjesë e Amandamentit 6 të Kushtetutës, që erdhi si pasoj e miratimit të Marrëveshjes së Ohrit. Balancuesi ishte një vegël dixhitale e cila mundësonte realizimin e planeve vjetore të punësimeve. Kur kemi parasyshë këtë fakt dhe ngrirjen e balancuesit deri sa të gjejmë një zgjidhje të re ligjore kemi parasyshë se kjo vlen për të gjitha bashkësit vend. Kjo nuk vlen vetëm për një grup të caktuar por është një mekanizëm që më nuk është i vlefshëm për asnjë. Por kjo nuk i ndalon punësimet. Natyrisht do të ketë punësimet sipas parimit kushtetues të përfaqësimit të drejtë dhe adekuat, siç e ka thënë edhe Gjykata Kushtetuese, siç e tha edhe kryeministri. Tani ka vullnet politik është folur për vite me radhë për një ligj për përfaqësim të drejtë dhe adekuat. Unë jam një ndër personat që kam përkatitur këtë projekt-ligj me ekspert ndërkombëtar, ky ligj prek interesa të bashkësive të drejta kolektive, natyrisht se këtu duhet të kyçen organizata ndërkombëtare” , tha zëvendëskryeministri për Qeverisje të Mirë, Arben Fetai.

Lajme

Aleanca për Shqiptarët dënon ashpër sulmin ndaj gazetarit Naser Selmani

Published

14 minutes ago

03.09.2025

Admin01

Aleanca për Shqiptarët shpreh indinjatën më të thellë dhe dënon fuqishëm sulmin e fundit ndaj gazetarit Naser Selmani.

Ky akt i shëmtuar është përpjekje e drejtpërdrejtë për ta frikësuar zërin e lirë dhe për ta heshtur mendimin kritik në shoqërinë tonë.

Dita ditës po shohim rritje të presionit dhe të dhunës ndaj gazetarëve, ndërkohë që kjo qeveri vazhdon të mbyllë sytë dhe të qëndrojë pasive para këtyre fenomeneve të rrezikshme. Heshtja institucionale është e barabartë me bashkëfajësi.

Liria e shprehjes dhe e medias është themel i çdo shoqërie demokratike. Sulmet ndaj gazetarëve nuk janë vetëm kërcënim ndaj individëve, por sulm ndaj të gjithë qytetarëve dhe të drejtës së tyre për t’u informuar lirshëm e pa frikë.

Aleanca për Shqiptarët kërkon hetim të shpejtë, transparencë të plotë dhe përgjegjësi ligjore ndaj autorëve dhe urdhërdhënësve të këtij akti kriminal. Ne shprehim solidaritet të plotë me gazetarin Naser Selmani dhe do të qëndrojmë gjithmonë në mbrojtje të fjalës së lirë dhe demokracisë në vendin tonë.

Aleanca për Shqiptarët

Lajme

Ambasadori Denion Meidani i jep mbështetje Naser Selmanit

Published

21 minutes ago

03.09.2025

Admin01

Ambasadori i Shqipërisë në Maqedoni të Veriut, Denion Meidani, ka shprehur solidaritet me gazetarin Naser Selmani pas aktit të dhunës ndaj automjetit të tij në Shkup, njofton Top24

“Solidaritet me gazetarin Naser Selmani. Dhuna dhe kërcënimet ndaj gazetarëve janë sulm ndaj fjalës së lirë dhe demokracisë. Organeve hetimore u takon ta zbardhin rastin pa vonesë. Falenderoj Unionin e Gazetarëve Shqiptarë për reagimin!”, ka theksuar Meidani në reagimin e tij publik.

Lajme

Taravari dënon ashpër sulmin ndaj gazetarit Naser Selmani

Published

2 hours ago

03.09.2025

Admin01

Kryetari i Aleancës për Shqiptarët, Arben Taravari, ka dënuar ashpër sulmin ndaj gazetarit Naser Selmani, duke e cilësuar atë si një akt që i shtohet dhunës së rritur ndaj medias së lirë në vend.

“Dënoj ashpër sulmin ndaj gazetarit Naser Selmani, sulm i cili i shtohet dhunës që është rritur ndjeshëm ndaj medias së lirë. Kjo dhunë jep dy mesazhe të qarta: së pari, jetojmë në diktaturë – fatkeqësisht; së dyti, kjo diktaturë i ka ditët e numëruara. Edhe pse pushteti merret me Naserin, prapë fiton Naseri”, ka deklaruar Taravari.

Ai ka theksuar se liria e medias është vlerë themelore e demokracisë dhe se çdo tentim për ta mbytur atë përbën sulm ndaj qytetarëve dhe së drejtës së tyre për informim.

https://www.facebook.com/share/p/16CrNZLa4j/?mibextid=wwXIfr