Kryetari i Aleancës për Shqiptarët, Arben Taravari sonte ka takuar strukturat dhe aktivin politik të Sarajit në kuadër të fushatës “Tetori është afër”.

Pritja ka qenë madhështore, të cilën e konfirmon edhe Sekretari Organizativ i ASH, Blerant Ramadani i cili vjen nga komuna e Sarajit, e i cili thotë se fytyrat e vërteta të ASH-së janë me kryetarin Arben Taravari.

“Sonte, në zemër të Sarajit, bashkë me kryetarin Arben Taravari, zhvilluam një takim me strukturat e ASH-së në Saraj! Aktivistët tanë të palëkundur, fytyrat e vërteta të Aleancës, e mbushën sallën me entuziazëm, dashuri dhe besim. Të tillë janë njerëzit e Sarajit, krenarë, të vendosur dhe të gatshëm për të mbrojtur të drejtën dhe për të ndërtuar një të nesërme më të mirë për çdo shqiptar”, shkruan Ramadani në rrjetet sociale.

Ramadani më tej thekson se ky takim u ka treguar qartë se fryma e Aleancës është e fuqishme, idealet e saj janë të pastra, dhe rruga e tyre është drejt fitores.

“Sot nuk folëm vetëm për zgjedhje, por për një mision. Një mision për ta rikthyer dinjitetin, për ta ndërtuar një qeverisje që del nga populli dhe punon për popullin.
Me Taravarin në krye dhe me secilin prej jush krah për krah, bashkë do të shkruajmë një kapitull të ndritshëm!”.

Ish kryetari i kuvendit të ASH-së së Arben Taravarit shoku i Dardan Molliqajt, Arben Fetau i aratisur nga ASH-ja mbrëmë mbajti një farsë për të arsyetuar veten para Adnan Azizit si shef shtabit zgjedhorë dhe para Izet Mexhitit si premtues i pozicioneve të tij.

Fetahu mbrëmë kishte mbledhur në kumanovë ca miq e dostllar nga disa vende të ndryshme të komunës së Kumanovës dhe ca të ardhur nga vende të tjera.

Por kush ishin shokët e dostat e Arben Fetau-t?

Kumanovë: Nëndega e Nakushtak 2, Ropalcë 2 veta, Vishtic 0, Mateç 0, Hotël 0, Likovë 0, Orizare 5, Sllupçan 20, Veta, Opaj 8 persona, Llojan 0, Vaksicë 0.

Struga:4

Gostivar:3

Tetovë: 4

Të magjepsur nga spektakli, kontaktuam degët e ASH-së së Arben Taravarit dhe ASH-së së Selës por fatkeqsisht askush nuk i njeh dostat e Fetaut. Në këtë vij një burim në kushte anonimiteti thekson se disa nga të pranishmit ishin vetëm statist dhe me gjasë duhet të kenë qenë nga Maqedonia Lindore.

Por, Arben Fetau nuk e fsheh dot dëshprimin dhe rrugën që gaboi duke braktisur “vëllaun” dhe duke mbetur për disa muaj zëvendëskryeministër dhe kolegë me Stoilkoviqin.

Ditë më parë, Ivan Stoilkoviqi mori pjesë në kremtimin e Ditës së Rusisë, për të cilën reagoi Bashkimi Demokratik për Integrim, që siç tha, në mënyrë publike dhe me kapacitet të plotë institucional, në emër të vetë Qeverisë, promovojnë dhe mbrojnë narrativat ruse në Maqedoni. BDI tha se këto veprime janë në kundërshtim me qëndrimet e NATO-s.

“Bashkimi Demokratik për Integrim reagon ashpër ndaj veprimeve të fundit hibride të instalacioneve të “Botës Serbe” brenda Qeverisë, të cilat në mënyrë publike dhe me kapacitet të plotë institucional, në emër të vetë Qeverisë, promovojnë dhe mbrojnë narrativat ruse në vend. Ky precedent përbën një përplasje të drejtpërdrejtë me qëndrimet e NATO-s dhe me drejtimet e qarta të përcaktuara në deklaratat e miratuara me konsensus nga Këshilli i Aleancës Veri-Atlantike, për të cilat deri më sot kanë votuar rregullisht edhe përfaqësuesit tanë. Në fakt, mbrojtja nga manipulimet dhe ndikimet malinje ruse është identifikuar, verifikuar dhe vlerësuar nga vetë NATO si kërcënim i drejtpërdrejtë ndaj procesit të vendimmarrjes politike në vendet anëtare, dhe si rrezik serioz për unitetin e Aleancës”, thuhet në reagimin e BDI-së.

Republika e Maqedonisë së Veriut, vijon më tej reagimi, është zotuar ndaj aleatëve të saj që do të vërë në dispozicion të gjitha kapacitetet dhe mekanizmat në mbrojtje nga këto ndikime, jo vetëm brenda territorit të vet, por edhe si partnere aktive në të gjithë rajonin e Ballkanit Perëndimor.

“Zëvendëskryeministri, i cili në mënyrë ironike është përgjegjës për zbatimin e Marrëveshjes Kornizë të Ohrit, dhe që urdhëron shkarkimin e shqiptarëve nga pozita të larta në administratë, gëzon qartazi mbështetjen e Kryeministrit Hristijan Mickoski për të gjitha veprimet e tij , diçka që e kemi parë më herët kur ndante ‘kartonë të verdhë’ për shqiptarët që i kishte shënjestruar Stoilkovik si ‘të pjekur’ për t’u shkarkuar. Por në incidentin e fundit, Stoilkovik paraqiti Qeverinë duke qëndruar krah për krah me ambasadorët e Rusisë, Kinës dhe vendeve të tjera partnere strategjike të tyre, por edhe me një numër të madh të instalacioneve vendore të botës serbe dhe ruse, në mbrojtje të agresionit rus ndaj Ukrainës”, thuhet në reagim.

Edhe në këtë rast, sipas BDI-së, Kryeministri u shfaq në rolin e relativizuesit të këtij trendi të rrezikshëm, duke u vënë sërish në mbrojtje të të preferuarit të tij në Qeveri. “Qëndrimi aktual i Qeverisë paraqet një precedent të rrezikshëm, përmes të cilit po tentohet ‘normalizimi’ i një ndryshimi të politikës zyrtare të shtetit , me synimin për t’u larguar nga orientimi i qartë euroatlantik dhe për t’iu afruar qendrave alternative të fuqisë politike, të udhëhequra nga Pekini dhe Moska”, tha BDI.