Bashkimi Demokratik për Integrim e konsideron të papranueshme dhe të rrezikshme gjuhën populiste dhe sulmet boshe të përsëritura të kryeministrit Hristijan Mickoski ndaj BDI-së dhe përfaqësuesve të saj.

Në vend se të merret me premtimet e parealizuara të qeverisë së tij dhe me skandalet që rëndojnë mbi qeverisjen aktuale të VMRO-DPMNE-së, kryeministri zgjedh të shpërqendrojë opinionin publik me akuza boshe dhe të pabazuara

BDI ka qenë dhe mbetet forca kryesore që ka garantuar stabilitetin politik, anëtarësimin në NATO, nisjen e negociatave me Bashkimin Evropian dhe ndërtimin e partneritetit strategjik me Shtetet e Bashkuara të Amerikës. Në vend që të respektojë këto arritje, Mickoski vazhdon me retorikë përçarëse dhe me tentime të vazhdueshme për të kriminalizuar shqiptarët dhe përfaqësuesit e tyre politikë, duke zbatuar politika që i ngjajnë politikave të fundviteve 80’, ku sistemi i atëhershëm promovonte të drejta për të gjithë përmes përfaqësuesve “të ndershëm” pa legjitimitet, e në veçanti për shqiptarët.

Sa i përket akuzave për “paditë” ndaj funksionarëve të BDI-së, ne i kujtojmë kryeministrit se përgjegjësia për drejtësi nuk matet me fjalime politike, por me proces të vetingut. BDI ka qenë e para dhe e vetmja parti që ka kërkuar zyrtarisht nga prokuroria e rregullt dhe prokuroria e atëhershme speciale që të hetohet çdo funksionar i saj. BDI është e para dhe e vetmja parti që ka kërkuar veting të plotë dhe të paanshëm për gjyqtarët, prokurorët dhe për të gjithë zyrtarët publikë, përfshirë edhe politikanët. BDI vazhdon të kërkoj hetim për prejardhjen e pasurisë së politikanëve të çdo partie. BDI poashtu kërkon hetim për procesin e privatizimit në vend. Le të ketë poashtu hetim për veprimtarinë e organeve të sigurisë së shtetit dhe për funksionarët në sigurim të shtetit që kanë punuar nga viti 1945 e këtej, si OZNA, UDB-ja, SDB-ja, DBK-ja, UBK-ja, ANB-ja. Ky është propozimi i BDI-së, pranojeni. Vetingu është mënyra e vetme për t’i dhënë fund këtij debati dhe për të garantuar barazi para ligjit.

BDI i bën thirrje kryeministrit që të ndalojë me gjuhën e akuzave të pabazuara dhe të kthehet tek përgjegjësitë reale që i ka përpara qytetarëve: të përmirësojë gjendjen ekonomike, të luftojë korrupsionin në institucionet që ai i drejton dhe të sigurojë që ligji të vlejë njësoj për të gjithë.

Asnjë propagandë dhe asnjë akuzë boshe nuk mund të fshehë faktin se qytetarët sot jetojnë me më shumë pasiguri, më pak dinjitet dhe me më pak shpresë për të ardhmen për shkak të keqqeverisjes

Bashkimi Demokratik për Integrim mbetet i vendosur për të luftuar diskriminimin, për të mbrojtur interesin kombëtar, për të siguruar sundim të së drejtës dhe për të avancuar drejt integrimit evropian dhe euroatlantik.

Aleanca për Shqiptarët shpreh shqetësimin dhe indinjatën për skandalin e fundit zgjedhor në Komunën e Butelit, ku një kandidat i përkrahur nga VLEN-i, me bekimin e partisë maqedonase VMRO-DPMNE, tentoi të manipulojë procesin zgjedhor përmes mashtrimit me të dhënat personale.

Sipas informacioneve zyrtare nga Komisioni Shtetëror i Zgjedhjeve (KSHZ), kandidatura në fjalë është refuzuar pasi kandidati kishte adresë jashtë Komunës së Butelit, konkretisht në Çair, dhe u përpoq ta ndryshonte atë në mënyrë të paligjshme pas dorëzimit të dokumentacionit – një veprim që përbën manipulim flagrant dhe shkelje të rregullave zgjedhore.

Ky tentim i mjerë për të falsifikuar legjitimitetin e një kandidature, vetëm për të përçarë votën shqiptare në Butel, është dëshmi e qartë se VLEN-i nuk ka vizion, nuk ka mbështetje reale në terren dhe është i gatshëm të luajë rolin e patericës politike të VMRO-së, edhe në dëm të interesave kombëtare shqiptare.

VLEN-i, që përpiqet të paraqitet si përfaqësues i shqiptarëve në qeverinë e VMRO-së, në realitet është shndërruar në instrument pazareve politike, duke bashkëpunuar me struktura që historikisht kanë qenë kundër interesave të shqiptarëve në Maqedoninë e Veriut.

Përdorimi i kandidaturave fiktive, manipulimi me dokumente dhe falsifikimi i adresave janë metoda të ulëta, të papranueshme për një subjekt politik që pretendon të përfaqësojë qytetarët me seriozitet. Këto veprime të turpshme bien ndesh me çdo standard demokratik dhe përbëjnë krim elektoral, i cili duhet të hetohet urgjentisht nga institucionet përkatëse.

Aleanca për Shqiptarët

Kandidati i AKI-së për kryetar të Sarajit, Blerant Ramadani, po vazhdon takimet me qytetarët, duke theksuar vizionin e tij për dinjitet, zhvillim dhe projekte konkrete që do ta transformojnë komunën.

„Bashkë me shefin e shtabit Senehat Murtezani dhe ish-deputetin Arben Ziberin, ishim në Llaskarc!
Fitorja po merr jehonë çdo ditë e më shumë.
Qytetarët po e kuptojnë qartë vizionin tonë për dinjitet dhe zhvillim, për një Saraj që ngrihet mbi projekte konkrete dhe rezultate të matshme.
Saraji i ri po ndërtohet bashkë me ju!”, u shpreh Ramadani.