Me nder dhe përgjegjësi të veçantë, njoftojmë se në komunat e Tetovës, Gostivarit dhe Strugës, Levica është e vetmja parti parlamentare nga blloku politik maqedonas që po del me kandidatët e vet për kryetar komune, njoftoi partia.

Në Komunën e Tetovës, kandidate është Dr. Katka BOZHINOVSKA, doktoreshë e shkencave juridike nga Universiteti “Shën Kirili dhe Metodi” në Shkup, dhe sot e punësuar në Universitetin Shtetëror të Tetovës. Me njohuritë e saj akademike, karrierën e saj të gjatë profesionale dhe integritetin, ajo do të avokojë për rivendosjen e ligjshmërisë, drejtësisë dhe sundimit të vërtetë të ligjit në Tetovë.

Në Komunën e Gostivarit, kandidati për kryetar bashkie është Darko Grujoski, specialist i IT-së dhe operator informacioni me diplomë në shkenca kompjuterike dhe teknologji. Ai përfaqëson brezin e ri të profesionistëve, të përgatitur për të përmirësuar shërbimet publike dhe transparencën e qeverisjes vendore me qasje dhe zgjidhje teknologjike moderne.

Në Komunën e Strugës, kandidate për kryetare është deputetja aktuale e Parlamentit të Republikës së Maqedonisë, Jovana Mojsoska – e diplomuar në Fakultetin e Sigurisë dhe Sekretare e Përgjithshme e Levicës. Përvoja, aktiviteti politik dhe përkushtimi i saj personal janë garanci se ajo do të mbrojë interesin publik dhe do të ofrojë zgjidhje reale për problemet me të cilat përballet Struga.

Nën presionin e fortë të marrëveshjeve të koalicionit me partinë VLEN, DPMNE vendosi të mos ketë kandidatët e saj në këto komuna. Ne e konsiderojmë këtë një POSHTËRIM dhe shpërfytyrim të paparë të popullit maqedonas në pjesën perëndimore të vendit. Kështu, bëhet edhe një herë e qartë se për partitë e mëdha, interesi i qytetarëve i nënshtrohet tregjeve partiake dhe TREGJEVE ETNIKE që çojnë në federalizim!

Levica është ajo që kundërshton politika të tilla! Kandidatët tanë janë njerëz me besueshmëri, njohuri dhe kompetencë profesionale, individë që do të qeverisin bashkitë bazuar në IDEOLOGJI dhe një program, dhe jo në bazë të etno-tribalizmit, klientelizmit dhe korrupsionit.

Prandaj, në këto zgjedhje, bëjmë thirrje për mobilizim të të gjithë qytetarëve që duan ndryshim dhe që duan që vlerat e vërteta të mbizotërojnë në komunat e tyre, njoftoi Levica.

Koalicioni Aleanca Kombëtare për Integrim (AKI) ka dorëzuar sot zyrtarisht kandidaturën për kryetar komune dhe listën e këshilltarëve në Komisionin Komunal Zgjedhor në Gostivar.

Para dorëzimit, kandidati për kryetar komune, Valbon Limani, dhe bartësi i listës për këshilltarë komunalë, Valdet Xhaferi, u takuan me mbështetësit para Pallatit të Kulturës dhe më pas ecën së bashku drejt zyrës së KKZ-së, duke dhënë mesazhin e bashkimit dhe vendosmërisë për fitoren në zgjedhjet e 19 tetorit.

“Shumë shpejt do të fillojmë prezantimin e platformës dhe programit të koalicionit para qytetarëve të Gostivarit. Falënderoj të gjitha strukturat për angazhimin dhe përkrahjen e deritanishme,” u shpreh Limani pas dorëzimit të kandidaturave.

Nga ana e tij, bartësi i listës për këshilltarë, Valdet Xhaferi, tha se kjo është një ditë e veçantë për qytetin:

“Shqiptarët po bashkohen për të ndërtuar një të ardhme më të mirë. Lista jonë përbëhet nga profesionistë dhe persona me integritet të lartë nga fusha të ndryshme të jetës publike e profesionale,” deklaroi ai.

Limani dhe Xhaferi ngritën gjithashtu shqetësimin se lista është dorëzuar me 23 kandidatë, për shkak se qeveria nuk ka zbatuar vendimin e Gjykatës Kushtetuese që ndalon ndarjen diskriminuese të banorëve në “rezidentë” dhe “jo-rezidentë”, duke i kushtuar Gostivarit 8 ulëse më pak në këshillin komunal.

Koalicioni Aleanca Kombëtare për Integrim – AKI shpreh bindjen se qytetarët e Gostivarit do të mbështesin fuqishëm këtë bashkim politik dhe se më 19 tetor procesi zgjedhor do të mbyllet në raundin e parë me një fitore të madhe për qytetin dhe të ardhmen e tij.

Mer fund misteri i mbështetjes së Bilall Kasamit për objektet fetare ortodokëse. Dje pra me datë 12.09.2025 zyrtarisht ka hapur tender për të ndërtuar Kapellën në Falisht një projekt fetarë që do të financohet nga komuna e Tetovës. Vlen të thekësohet se Bilall Kasami deri tani nuk ka dhënë asnjë denarë për asnjë Xhami të Tetovës.

Hapjen e tenderit e ka publikuar këshilltari i VMRO-së, Angell Karapetrov.

“Po zgjidhim një problem disadekadësh!

Pas vënies në funksion të kapelës, kemi filluar përgatitjen e një projekti për rregullimin e varrezave ortodokse në fshatin Falishe. Qeveria e ka miratuar projektin, i cili do të realizohet në dy faza me mjete financiare prej 9.500.000 denarë përmes një kredie hungareze.

Aktualisht është në zhvillim procedura e tenderimit për fazën e parë, pas përzgjedhjes së realizuesit do të fillojnë punimet ndërtimore. Parashikohet ndërtimi i një hyrjeje me tavan (trem), hapësirë për rituale, kuzhinë dhe tualete – me çka më në fund do të sigurohen kushte dinjitoze për ceremonitë mortore” ka shkruar këshilltari i VMRO-së, Angell Karapetrov.

Burimi i lajmit TetovaSot