Taravari përkujton Ibrahim Rugovën: Arkitekti i Pavarësisë dhe simbol i rezistencës paqësore

Kryetari i Aleancës për Shqiptarët, Arben Taravari, ka përkujtuar ish-presidentin e Republikës së Kosovës, Dr. Ibrahim Rugova, në 20-vjetorin e ndarjes së tij nga jeta.

Përnes një postimi, Taravari ka vlerësuar rolin historik të Rugovës, duke theksuar se pacifizmi ishte forca e tij më e heshtur, por njëkohësisht më e fuqishme. Sipas tij, në një periudhë të mbushur me dhunë dhe hakmarrje, Rugova zgjodhi durimin si strategji dhe vizion politik.

“Pacifizmi i Ibrahim Rugovës ishte forca e tij më e heshtur, por edhe më e fuqishme. Në një kohë dhune e hakmarrjeje, ai zgjodhi durimin si strategji dhe vizion. Rugova mbetet arkitekti i Pavarësisë së Kosovës dhe një ndër figurat më emblematike të kombit. Në 20-vjetorin e vdekjes së tij, kujtojmë liderin që ia bëri botës të qartë se durimi përfundon aty ku nis rezistenca për liri”, ka shkruar Taravari.