Sekretari i përgjithshëm i Aleancës për Shqiptarët, Blerant Ramadani, ka publikuar një status reflektues në rrjetet sociale, ku thekson se partia që ai përfaqëson ka zgjedhur rrugën e sinqeritetit në politikë, përballë një ambienti të ngarkuar me padrejtësi dhe kalkulime të mbyllura, përcjell Zyrtare.net

“Egoja ndan. Sinqeriteti bashkon. Ne zgjedhëm politikën e sinqertë,” shkruan Ramadani, duke e mbështetur këtë qasje me një thënie të Arbën Xhaferit: “Më e vështira në politikë është të jesh i drejtë mes padrejtësive.”

Arben Taravari tha se aktualisht Aleanca për Shqiptarët nuk ka biseduar me asnjë parti për bashkëpunim të mundshëm në zgjedhjet lokale, përcjell TV21. Taravari tha se ASH-ja është e vendosur që të shkojë në zgjedhje me lista të veçanta për këshilltarë komunal, ndërkaq për kandidatët për kryetar të të komunave, tha se “ASH-ja ia ka lënë edhe një shans VLEN-it”.

“Ende nuk kemi biseduar me asnjë parti, në parim, kemi thënë, kemi pasur Kryesi, sepse kemi organe partiake, kemi vendosur definitivisht të dalim me lista të veçanta. Në momentin që kemi negociata apo merremi vesh, ne kemi lënë edhe një mundësi VLEN-it, nëse janë të interesuar. Unë e shoh se tash reagojnë emocionalisht, këtë periudhë prej emocioneve besoj që kalon për 6-7 ditë, nëse nuk janë të gatshëm, ne i shohim opsionet të cilët i kemi parasysh si parti, për të dalë sa më mirë në zgjedhjet lokale”, tha Taravari.

Taravari refuzoi të komentojë deklaratat ndaj tij nga eksponentët e VLEN-it.

“Aleanca për Shqiptarët del me lista të veçanta dhe është e gatshme të bashkëpunojë me partitë që tash kanë mbetur në VLEN. Unë nuk dua t’i komentoj, e shoh se kanë shumë vrer, shumë nervozë, dhe dua këtë periudhë ta kaloj me qetësi, me urtësi, me durim, dhe t’i sjellim vendimet më të mira të mundshme që janë për shoqërinë dhe për qytetarët”, shtoi ai.

Taravari tha se në rast se VLEN-i nuk pranon bashkëpunim, ASH-ja do të rishikojë mundësitë për bashkëpunim me partitë tjera politike.

“Unë them se reagimet i shoh, janë emocionale. Shumë vrer, kjo flet se në subkoshiencë kanë pasur diçka që, flasim kështu, unë mendoj se janë deklarata të pamatura. Nuk flas si neurolog, si neurolog flas ditëve të mërkura në Klinikë ku punoj, flas is politikan, e thash se në këtë periudhë unë do të mundohem të jem sa më i durueshëm, sa më i qetë dhe sa më i urtë, së bashku me organet partiake, tash për tash kemi vendim që të dalim me lista të veçanta për kandidatë, kurse për kandidaturat për kryetar komunash ne i kemi lënë hapësirë VLEN-it, në qoftë se janë të gatshëm, në qoftë se nuk janë, i shohim të gjitha mundësitë tjera”, tha Taravari./tv21.tv

Deputetja e koalicionit opozitar “VLEN”, Saranda Imeri Stafai, ka reaguar ashpër ndaj nënkryetarit të BDI-së, Bujar Osmanit, duke e akuzuar për hipokrizi, mashtrim dhe për ndërtimin e një sistemi të korruptuar që, sipas saj, ka lënë pasoja të rënda për shqiptarët.

Në një postim të publikuar në rrjetet sociale, Imeri shkruan:

“Flet ‘pacienti’, sikur nuk ka qenë ai vetë kirurgu i kësaj kënete! Bujar Osmani, simboli i mashtrimeve me përkthim simultan, ish-shefi i diplomacisë që nuk diti asnjëherë të përkthejë as të vërtetën në gjuhën e popullit.”

Ajo kritikon Osmanin për deklaratat e tij lidhur me “kënetën politike”, duke theksuar se ai vetë është ndër ndërtuesit e një sistemi të mbushur me korrupsion, luks dhe arrogancë.

“Kur flet për mungesë vizioni, ai që s’e di as vetë çfarë ka qenë dje e çfarë do jetë nesër, s’mund të presim më shumë veçse zhurmë nga një ‘pacient’ politik që jeton ende me infuzion nga paratë e pista të ish pushtetit,” shkruan deputetja e “VLEN”.

Në fund, ajo i bën thirrje Osmanit të heshtë, duke theksuar se çdo dalje e tij publike veç sa përkujton arsyet pse, sipas saj, BDI nuk ka më vend në të ardhmen politike të shqiptarëve.