Lajme

“Smart Parking” është zgjidhja e Osmanit për problemin më të mprehtë të Çairit

Published

3 days ago

22.09.2025

Admin01

Çairi ndodhet para pikës së kolapsit, paralajmëroi kandidati për kryetar komune Bujar Osmani, duke prezantuar strategjinë e tij revolucionare “Smart Parking” ose “Parkim i Mençur”. Ai theksoi se pikërisht problemi i parkimit është arsyeja kryesore e kaosit, konflikteve dhe mundimeve të përditshme të qytetarëve. “Parkimi është problemi numër një për qytetarët. Kjo është arsyeja pse njerëzit duan të largohen nga Çairi. Unë nuk frikësohem nga sfidat e mëdha, këtë problem do ta zgjidhim me plan, investime dhe në bashkëpunim me qytetarët,” deklaroi Osmani.

Strategjia parashikon tre etapa të qarta: zgjidhje afatshkurtra për pikat më kritike, investime afatmesme në garazhe të reja nëntokësore me mbi 2.500 vende parkimi, si dhe një vizion afatgjatë për urbanizim të plotë të lagjeve përmes planit “Çair 2040”.

“Do të ndërtojmë 1000 vende parkimi në ‘Xhon Kenedi’, 500 në Çairin e Vjetër, parkingje nëntokësore në ‘Metodija Mitevski’, Sahat Kullë, ‘Liria’ dhe ‘Skënderbeu’. Kjo nuk është një premtim në letër, por projekte konkrete me dinamikë të qartë.” Osmani theksoi se çdo lagje në Çair do të ketë vendparkimet e veta, ekskluzivisht për banorët e asaj zone. Zgjidhjet do të projektohen me kujdes në mënyrë që të mos dëmtohet gjelbërimi dhe hapësirat publike ekzistuese. “Qëllimi ynë është parkim funksional pa shkatërruar hapësirat e gjelbra dhe hapësirat publike. Parkimi duhet të sjellë rregull, jo kaos”.

Në një periudhë të shkurtër, Osmani paralajmëroi një ndërmarrje të re komunale për parkimin dhe zgjidhje inovative përmes blerjes ose partneriteteve publike-private, me synim që çdo lagje të ketë zonat e veta të parkimit.

“Sot Çairi është shndërruar në një komunë të makinave, pa trotuar të lirë, me cilësi të dëmtuar të jetës. Nëse nuk reagojmë, na kanoset një kolaps i plotë i funksioneve themelore. Por unë them, këtë do ta ndryshojmë!”, theksoi Osmani. Ai potencoi se strategjia për parkim të mençur është vetëm pjesë e një vizioni më të madh: një komunë moderne, urbane dhe e rregulluar, ku qytetarët do të jetojnë me dinjitet, ndërsa hapësirat publike, gjelbërimi dhe rregulli do të jenë prioritet.

“Do ta rikthejmë rregullin dhe do t’i japim një pamje të re Çairit. Kjo është përkushtimi im dhe obligimi im para çdo banori të komunës sonë”.

Lajme

Ish-gjenerali i UÇK-së: Bota po sheh padrejtësinë në Hagë ndaj ish-krerëve të UÇK-së

Published

2 minutes ago

25.09.2025

Admin01

Në Dhomat e Specializuara të Hagës ka nisur faza e mbrojtjes në gjykimin ndaj ish-presidentit të Kosovës, Hashim Thaçi dhe bashkëluftëtarëve të tij Kadri Veseli, Rexhep Selimi dhe Jakup Krasniqi.

Gjatë kësaj jave, tre dëshmitarët e parë të mbrojtjes kanë dhënë dëshmitë e tyre ku theksi është vënë në rolin politik të Thaçit gjatë luftës dhe mungesën e autoritetit të tij komandues në UÇK.

Dëshmitarët ndërkombëtarë, përfshirë figura të njohura diplomatike dhe ligjore, kanë ofruar një pasqyrë ndryshe nga ajo e prokurorisë.

Lidhur me këtë për “Front Online” ka folur ish-gjenerali i luftës së UÇK-së, Nuredin Lushtaku.

Lushtaku ka deklaruar se e gjithë bota po e sheh padrejtësinë në Hagë.

Sipas tij, Gjykata është krejtësisht politike dhe ka synim degradinim e ish-krerëve.

“Ne dhe të gjithë Bota po e shohim që kjo gjykatë është e padrejtë dhe që po merret me gjëra të kota dhe është politike për me i degraduar njerëzit aty”, ka deklaruar Lushtaku.

Ai shpreson që drejtësia do të triumfojë.

“Shpresojmë që dëshmitarët të ndikojnë në procesin e Hagës dhe të ju lehtësohet çështja sa më shumë dhe shpresojmë që drejtësia të triumfojë”, thotë ai për Front Online.

Lushtaku kritikon qeverinë për procesin në Hagë: Populli proteston, institucionet heshtin

Ish-gjenerali i UÇK-së, Nuredin Lushtaku, për “Front Online” është prononcuar lidhur me heshtjen e institucioneve të Kosovës ndaj procesit gjyqësor në Hagë kundër ish-krerëve të UÇK-së.

Ai thotë se institucionet kanë përgjegjësi dhe mundësi reale për të bërë më shumë.

Lushtaku ka thënë se nëse institucionet heshtin, s’ka kush merret me këtë çështje.

“Heshtja institucionale nuk është aspak e mirë se institucionet duhet të bëjnë më së shumti për ish-krerët se i kanë mundësitë sepse qytetarët përveç protestave për pakënaqësitë që kanë për çfarë po ndodh atje nuk kanëmundësi tjetër por institucionet duhet të jenë në gatishmëri. Nëse këto heshtin atëherë kush duhet me u merr me këtë çështje”, u shpreh Lushtaku për “Front Online”.

Lajme

Skandal: VLEN fshin flamurin kombetar nga identiteti vizual i kampanjes, vendos vetem flamurin maqedonas

Published

35 minutes ago

25.09.2025

Admin01

VLEN ka nxitur zemërim të madh pasi në identitetin vizual të kampanjës ka hequr flamurin shqiptar dhe ka lënë vetëm atë maqedonas.

Ky veprim po shihet si nënçmim i simboleve kombëtare dhe tradhti ndaj shqiptarëve.

Reagimet janë të ashpra dhe kritikat po shtohen nga çdo anë.

Lajme

Taravari: Prezenca e më shumë se 1000 mijë nënave e motrave është përgjigjia se forca e popullit është vënë në lëvizje dhe ska kush e ndalon

Published

56 minutes ago

25.09.2025

Admin01

Aleanca Kombëtare për Integrim në Gostivar sonte kanë bashkëbiseduar me më shumë se 1000mijë nëna e motra të Gostivarit duke mobilizuar kështu çdo shtëpi e familje për të dhënë përgjigjen e madhe të 19 tetorit tha Taravari.

“Prezenca e më shumë se 1000 nënave e motrave sonte në Gostivar është përgjigjia më e qartë se Forca e Popullit është vënë në lëvizje dhe nuk e ndalon dot më asgjë!”, ka përfunduar Taravari.