Mbështetja për kandidatin e AKI-së për Komunën e Çairit, Bujar Osmani, po rritet çdo ditë me figura të reja nga subjekte të ndryshme politike. Ish-drejtori i burgut dhe anëtari i VLEN-it, Afrim Idrizi, i është bashkuar Osmanit, duke e cilësuar atë si shpresën për ndryshim dhe zhvillim në Çair informon Tetovasot .

Sipas përfaqësuesve të AKI-së, afrimi i figurave të tilla tregon ndikimin e madh që Osmani ka jo vetëm në politikën shqiptare brenda Maqedonisë së Veriut, por edhe në arenën ndërkombëtare, ku ai ka mbajtur funksione të rëndësishme dhe gëzon mbështetje nga personalitete të njohura ndërkombëtare.

Këto kalime nga partitë tjera, sidomos nga kundërshtari politik VLEN, konsiderohen një sinjal i qartë për fuqinë dhe figurën e Bujar Osmanit si kandidat për Çairin, i cili po shihet nga qytetarët si alternativë e besueshme për tejkalimin e sfidave të komunës.TS

Koordinatori i grupit parlamentar të Frontit Evropian, Zejd Rexhepi në një konferencë për media në Kuvend, tha se Maqedonia është shtet i paradokseve, ku gjykata kushtetuese voton kundër gjykatës kushtetuese, ku qeveria është kundër kushtetutës dhe ligjeve.

“Sot apo dje e kuptuam edhe deklaratën e Kryeministrit i cili para disa ditëve deklaroi se disa gjykatës dhe prokurorë janë të kapur nga zyrat e “Bihaçkës” dhe “Reçicës së Vogël”. Shumë e qartë! Por këtë do e komentoj ndryshe.

Nëse disa qenkan të kapur nga këto dy qendrat atëherë i bie se të gjithë tjerët prokurorë dhe gjykatës janë të kapur nga “Pallati i Bardhë” i VMRO-DPMNE-së”, tha Rexhepi.

Ai tha se arsyetimi i gjykatësve ishte skandaloz, mbi gjitha arsyetimi i gjykatëses Kacarska.

“Ky arsyetim i tyre, më të vërtet le t’ju qëndroje në turpin e tyre sepse kjo qeveri po vazhdon të dëshmojë se intencën e ka de-shqiptarizimin e vendit, intencën e ka uljen e fuqisë politike të shqiptarëve, përbuzjen e mërgatës shqiptare, intenca e tyre është që me çdo kusht ky shtet të jetë monoetnik maqedonas dhe pastaj mund të vijnë të tjerët me radhë”, shtoi Rexhepi.

Kandidati i Aleancës Kombëtare për Integrim për kryetar të Komunës së Sarajit, Blerant Ramadani, gjatë vizitës së tij në Bojanë vlerësoi traditën e vreshtarisë dhe trashëgimin e këtij fshati, duke e cilësuar atë si zemër të prodhimit bujqësor në komunë, përcjell SmartNews

Ramadani premtoi mbështetje konkrete për fermerët, përfshirë projekte moderne për ujitje me sistem “pikë për pikë”, kursim të ujit dhe rritje të prodhimtarisë. Ramadani paralajmëroi gjithashtu lehtësira për qasjen e drejtpërdrejtë në rrjetin elektrik, në mënyrë që puna e vreshtarëve të bëhet më e lehtë dhe më efikase.

“Panoramat e Bojanës janë unike, ndërsa angazhimi ynë është i sinqertë dhe i vendosur ta kthejmë këtë pasuri natyrore e historike në motor të zhvillimit bujqësor dhe turistik të Sarajit”, theksoi Ramadani.

Postimi i plotë:

“Nga Bojana e Dervenit , i gjithë rajoni shijon rrushin më të ëmbël, i cili ka fituar emër falë duarve të palodhura të bojanalive dhe angazhimit historik të Selim Bojanës. Ky është trashëgim i çmuar që e bën Bojanën jo vetëm sinonim të mikpritjes, por edhe zemër të prodhimit bujqësor të komunës sonë.

Si menaxhment i ardhshëm i komunës, ne zotohemi të asistojmë vreshtarët e Bojanës me projekte moderne për ujitje me sistem “pikë për pikë”, duke garantuar eficiencë dhe kursim të ujit, si dhe me iniciativën për qasje të drejtpërdrejtë në rrjetin elektrik, që të lehtësohet puna dhe të shtohet prodhimtaria.

Panoramat e Bojanës janë unike, ndërsa angazhimi ynë është i sinqertë dhe i vendosur, ta kthejmë këtë pasuri natyrore dhe historike në motor të zhvillimit bujqësor e turistik të Sarajit. #Bojana #Rrushi”, ka përfunduar Ramadani./SmartNews.mk/