Në hapjen solemne të shtabit rinor të koalicionit Aleanca Kombëtare për Integrim (AKI) në Gostivar, një nga liderët e këtij koalicioni dhe njëherazi kryetari i Aleancës për Shqiptarët, Arben Taravari, ka reaguar ndaj spekulimeve për qëndrueshmërinë e AKI-së, duke theksuar se ky bashkim politik është një domosdoshmëri e kohës dhe do të ekzistojë deri në integrimin e plotë të Maqedonisë në Bashkimin Evropian.
“Aleanca Kombëtare për Integrim nuk është një parti, sikur ata që thonë se ne jemi VLEN dhe një parti, por assesi të bëhen bashkë. Vazhdimisht VLEN coptohet dhe ndahet edhe më shumë. Unë e them me shumë përgjegjësi sepse Aleanca Kombëtare për Integrim është imperativ i kohës, një domosdoshmëri që të gjithë shqiptarët që kanë pak ndërgjegje bëhen bashkë,” – deklaroi Taravari.
Ai nënvizoi se ndryshe nga strukturat e përçuara të partnerëve shqiptarë në Qeveri, AKI mbetet një koalicion kompakt dhe me vizion të qartë për të ardhmen evropiane të vendit.
“Ne jemi bashkë dhe do të jemi bashkë derisa Maqedonia të fillojë negociatat me Bashkimin Evropian dhe të hyjmë në një fazë të thellë të negociatave – për të mos thënë deri në përfundimin e tyre,” – u shpreh ai.
Arsyet e largimit nga Qeveria
Duke iu drejtuar të rinjve, Taravari foli edhe për vendimin për të dalë nga Qeveria, duke e cilësuar atë si një zgjedhje për dinjitet.
“Shumë njerëz më pyesin pse u larguam nga Qeveria. Ne ishim pjesë e VLEN-it dhe besuam se sollëm ndryshimin. Por kur ndryshimi rezulton të jetë më i keq se e kaluara, atëherë ke dy zgjedhje: ose të heshtësh dhe të mbash poste, ose të reagosh dhe të largohesh me dinjitet. Ne zgjodhëm të dytën,” – tha Taravari.
Ai shtoi se AKI është krijuar si përgjigje ndaj kërkesës së shqiptarëve për një partneritet të barabartë në qeveri mes shqiptarëve dhe maqedonasve, jo një marrëdhënie nënshtruese ku pala shqiptare është vetëm për t’i shërbyer shumicës.
Për zgjedhjet lokale dhe ato parlamentare
Taravari shprehu bindjen se AKI do të fitojë në të gjitha komunat shqiptare, nga Likova deri në Strugë, duke thelluar diferencën ndaj VLEN-it. Por mesazhi më i fortë ishte ai për zgjedhjet e parakohshme parlamentare.
“Kot e ka kryeministri kur thotë se nuk do të ketë zgjedhje të parakohshme. Për këtë nuk vendos ai, vendos populli. Dhe populli do të flasë shumë shpejt,” – deklaroi Taravari.
Sipas tij, pas fitores në zgjedhjet lokale, AKI nuk do të hyjë në Qeveri, por do të kërkojë që kryeministri të shpallë zgjedhje të parakohshme.
“Kam informata të brendshme – VLEN është totalisht i shpartalluar. Kanë porositur Mickoskin të thotë publikisht se nuk do të ketë zgjedhje të parakohshme, sepse i tremben vullnetit të popullit,” – theksoi ai.
Mobilizim maksimal më 19 tetor
Taravari përfundoi fjalimin me thirrje për mobilizim të plotë më 19 tetor, duke paralajmëruar një fitore të thellë të AKI-së në komunat shqiptare të vendit.
“Duhet maksimalisht të mobilizohemi si asnjëherë më parë: të dalim, të votojmë dhe t’ia dërgojmë porosinë kryeministrit se shqiptarët mendojnë kështu me votë – urdhëro kryeministër,” – tha Taravari.
Ai përmendi edhe komunat ku sipas tij fitorja është e garantuar që në rrethin e parë: Likova, Saraji, Tearca, Bogovina, Vrapçishti, Gostivari dhe Dibra.
“Mos dëgjoni kur ju thonë se Erkani në Likovë i ka fituar, apo se në Vrapçisht nuk ja dinë as emrin kundërkandidatit. Përkundrazi, dalim dhe votojmë si kurrë më parë,” – përfundoi Taravari, duke nënvizuar se vota është mjeti më i fuqishëm për të treguar drejtimin që duan shqiptarët.
Një strukturë financimi prej 400 milionë eurosh u formalizua për Palestinën gjatë një ceremonie nënshkrimi në New York të mërkurën, e mbajtur së bashku me Asamblenë e Përgjithshme të OKB-së.
Plani është pjesë e një strukture të përgjithshme prej 1.6 miliardë eurosh të BE-së gjatë periudhës 2025-2027.
Komisionerja Evropiane për Mesdheun Dubravka Suica dhe zëvendëspresidenti i BEI-së Ambroise Fayolle nënshkruan marrëveshjen, së bashku me ambasadorin palestinez në OKB Riyad Mansour.
Suica tha se BE dëshiron “ta bëjë ekonominë palestineze të gjallë” dhe të stimulojë sektorin privat, duke krijuar mundësi për të krijuar ndërmarrje të vogla dhe të mesme.
Ndryshe, BE-ja është ofruesi i parë i ndihmës për palestinezët, shkruan euronews.
Suica reagoi ndaj njohjes së fundit të Palestinës nga shumë vende, përfshirë Australinë, Kanadanë, Francën, Portugalinë dhe Mbretërinë e Bashkuar, duke thënë se kjo do të rriste presionin mbi të tjerët që ta ndjekin.
“Mendoj se ka një presion të madh. Në një moment, hap pas hapi, të gjitha vendet do të jenë të vetëdijshme se e vetmja zgjidhje është një zgjidhje me dy shtete”, tha ajo.
Në Bregun Perëndimor dhe Jerusalemin Lindor, organizatat e financuara nga BE-ja që ofrojnë një gamë të gjerë mbështetjeje për palestinezët, kanë raportuar vazhdimisht se Izraeli, dhe veçanërisht kolonët izraelitë, pengojnë përdorimin dhe zbatimin efektiv të këtyre programeve të ndihmës së BE-së.
Komisionerja tha se është e rëndësishme që BE-ja të “angazhohet me autoritetet izraelite” dhe si palestinezët ashtu edhe izraelitët duhet të gjejnë gjuhë të përbashkët se si ta zgjidhin konfliktin.
Komuna e Butelit mund të bëhet komuna e dytë urbane në Shkup që do të drejtohet nga një kryetar shqiptar. Sipas të dhënave zyrtare nga Komisioni Shtetëror Zgjedhor, shqiptarët në Butel përbëjnë 50.32% të elektoratit, ndërsa 49.60% i takon komuniteteve të tjera, kryesisht maqedonas. Ky ekuilibër e bën çdo votë vendimtare, sidomos nëse dalja e shqiptarëve në zgjedhje do të jetë maksimale, shkruan gazeta KOHA. Në garën e 19 tetorit për kryetar të komunës, prof. Isamedin Azizi nga Aleanca Kombëtare për Integrim është i vetmi kandidat shqiptar. Ai do të përballet me kryetarin aktual të komunës, Darko Kostovski nga VMRO-DPMNE dhe me kandidaten e LSDM-së, Olivera Livriniq.
Ky konfigurim e bën garën më të thjeshtë për elektoratin shqiptar, pasi nuk ka fragmentim mes disa kandidatëve, siç ndodhte në të kaluarën.
Një element i rëndësishëm i këtyre zgjedhjeve është fakti që kandidatura e përfaqësuesit të VLEN-it, Behar Emini, u refuzua nga Komisioni Shtetëror i Zgjedhjeve për shkak të problemeve me adresën e banimit – Emini jeton në Çair, ndërsa kishte kandiduar për Butel. Megjithëse kjo situatë ka krijuar një rast unik me vetëm një kandidat shqiptar në garë, VLEN deri më tani nuk ka bërë thirrje publike për mbështetje të kandidatit të Isamedin Azizit si kandidat i vetëm shqiptar. Në Aleancën Kombëtare për Integrim shprehen optimistë se, nëse dalja e votuesve shqiptarë është e lartë, Buteli mund të ketë për herë të parë një kryetar shqiptar.
Thonë se sytë e gjithëve shqiptarëve janë të fokusuara edhe në Butel edhe në Çashkë. “Në Çashkë ju e dini se me regjistrimin e fundit të popullsisë, shqiptarët janë mbi 50 për qind, edhe në Butel jemi shumë afër për të marrë qeverisjen e pushtetit lokal, prandaj këto zgjedhje janë tejet të rëndësishme, janë një test i veçantë për të parë nëse shqiptarët – që të gjithë, edhe ata të VLEN-it, janë forcë progresive europiane, për të bërë dallimin, ndryshimin, që këtë vit Butelin ta qeveris një kandidat mbipartiak shqiptar që kujdeset për të gjithë qytetarët e lagjet njësojë”, thonë në AKI.
Ndryshe, në zgjedhjet e vitit 2021, në Butel kishte 33.140 qytetarë me të drejtë vote, megjithatë kishin votuar rreth 16.000. Në rrethin e dytë, Darko Kostovski i VMRO-së kishte fituar 9012 vota, ndërsa Velimir Smilevski i LSDM-së 6831 vota. Mbi 700 vota shqiptare kishin shkuar në konton e Kostovskit të VMRO-së. Tani që LSDM është dobësuar dukshëm, kandidati i AKI-së përveçse kalon në balotazh, gjasat për ta fituar Komunën në favor të tij nëse kemi një mobilizim të madh të votuesit shqiptarë./Koha.mk/
Kryetari i Komunës së Tetovës, Bilall Kasami, është fotografuar sot në shoqërinë e Boban Misevskit – udhëheqësit të tifo-grupit “Vojvodi”, i njohur për dhunë, incidente të shumta dhe përplasje brutale me “Ballistët”.
Ky takim ngre pyetje serioze: Çfarë e lidh Kasamin me një figurë që simbolizon dhunën dhe provokimet ndëretnike?
Ndërkohë që qyteti ende nuk është shëruar nga incidenti i fundit, ku dy të rinj shqiptarë u rrahën brutalisht nga pjesëtarë të tifo-grupit, pamjet me Misevskin shtojnë dyshimet se këto akte nuk janë thjesht rastësore, por të orkestruara për qëllime politike.
Në vend që të dënojë dhunën dhe të marrë masa për sigurinë e qytetarëve, Kasami shihet krah për krah me njeriun që përfaqëson vetë kulturën e dhunës. Ky është një sinjal alarmant se politika në Tetovë po bëhet një me rrugën dhe dhunën, në kurriz të qytetarëve të pafajshëm.
Sport3 years ago
Lajme2 years ago
Lajme8 years ago
Gosip1 year ago
Gosip1 year ago
Teknologji2 years ago
Gosip2 years ago
Gosip2 years ago