Sport

Vetëm dy lojtarë në histori kanë fituar Topin e Artë të nderit

Published

6 hours ago

20.09.2025

Admin01

Topi i Artë i Nderit është dhënë vetëm dy herë. Vetëm dy lojtarë janë shpërblyer me trofeun tepër të rrallë Ballon d’Or d’Honneur.

Të hënën në mbrëmje, të gjitha sytë do të jenë të drejtuar nga Théâtre du Châtelet në Paris, Francë, ku do të shpallet fituesi i Topit të Artë 2025.

Pas një sezoni mahnitës me Paris Saint Germain, anësori Ousmane Dembele është favorit kryesor sipas bastoreve për të ngritur trofeun prestigjioz.

Ndërkohë, emra si Lamine Yamal, Mohamed Salah dhe Raphinha po ashtu përmenden si pretendentë.

Aktualisht, legjenda argjentinase Lionel Messi dallohet mbi të tjerët, pasi e ka fituar Topin e Artë plot tetë herë. Pas tij vjen Cristiano Ronaldo, i cili e ka ngritur trofeun e artë pesë herë.

Megjithatë, edhe pse konsiderohen dy nga lojtarët më të mëdhenj të historisë së futbollit, as Messi dhe as Ronaldo nuk e kanë fituar kurrë Topin e Artë të Nderit.

Në vitin 1995, legjenda e Argjentinës dhe Napolit Diego Maradona fitoi Topin e Artë të Nderit si një homazh për karrierën e tij të jashtëzakonshme.

Në vitin 2013, u dha për herë të dytë Topi i Artë i Nderit.

I riemërtuar si Ballon d’Or Prix d’Honneur, trofeu iu dorëzua legjendës braziliane Pele.

Ngjashëm me Maradonën, edhe Pele e mori këtë çmim nderi për të përkujtuar karrierën e tij të mrekullueshme.

Duke folur në atë kohë, një Pele i emocionuar tha:

“Premtova para familjes që nuk do të qaja, por jam shumë i prekur. Para së gjithash duhet ta falënderoj Zotin që më dha shëndet për të luajtur kaq shumë vite.

Sigurisht nuk kam luajtur vetëm. Kur flasim për shokët e mi, njerëzit kujtojnë lojtarët, por nuk duhet harruar njeriu që pastronte këpucët, masazhisti – pata shumë njerëz të mirë pranë vetes. Ky trofe u përket edhe atyre.”

Ai shtoi:

“Mora shumë trofe dhe çmime, por gjithmonë ndihesha xheloz sepse të gjithë ata që fitonin Topin e Artë, unë nuk mund ta merrja pasi nuk luajta në Evropë. Tani e falënderoj Zotin që më në fund mund ta plotësoj koleksionin tim të trofeve në shtëpi.”

Sport

Haaland vendos rekord në Ligën e Kampionëve, lë pas Mesin dhe Ronaldon

Published

1 day ago

19.09.2025

Admin01

Manchester City’s Erling Haaland celebrates after scoring the opening goal during the Champions League opening phase soccer match between Manchester City and Napoli at the Etihad Stadium in Manchester, England, Thursday, Sept. 18, 2025. (AP Photo/Dave Thompson)

Në dukje ishte një gol normal, por pas ndeshjes, Erling Haaland kishte një arsye të fortë për të marrë në shtëpi topin e ndeshjes kundër Napolit. Ky gol që do të kujtohet gjatë, një gol i denjë për historinë e Ligës së Kampionëve.

Për “bomberi” norvegjez ishte goli i tij 50 në Ligën e Kampionëve, një shifër e arritur në 49 ndeshje.

Në fillim dukej i pamundur për t’u arritur, por Haaland lë pas legjenda të futbollit botëror si Lionel Mesi dhe Kristiano Ronaldo, është ai lojtari i parë dhe i vetëm në histori që arrin një shifër të tillë, 50 gola në kaq pak ndeshje.

Sport

Daku: Ndaj Serbisë do të kemi qasje tjetër

Published

1 week ago

10.09.2025

Admin01

Futbollisti i Kombëtares, Mirlind Daku, menjëherë pas ndeshjes së Letonisë ka nisur të mendojë për sfidën e ardhshme atë ndaj Serbisë, teksa u shpreh do të kemi qasje tjetër në atë sfidë.

Mirlind Daku, tha: “Serbia është më e fortë normalisht, por do qasemi në mënyrë më ndryshe.

Do luftojmë derisa të kemi mundësi.

Do mundohemi që të arrijmë atë ëndërr që është e imja personalisht por edhe e gjithë skuadrës”.

Sport

Formacionet zyrtare të ndeshjes Kosovë-Suedi

Published

2 weeks ago

08.09.2025

Admin01

Selektori i kombëtares së Kosovës, Franco Foda i ka përzgjedhur 11-të futbollistët që do të hynë në fushë për ndeshjen ndaj Suedisë.

Kjo ndeshje, që luhet në “Fadil Vokrri”, i përket kualifikimeve për Kampionatin Botëror të vitit 2026.

Foda ka vendosur për katër ndryshime në formacion, për dallim nga ndeshja e parë ndaj Zvicrës.

Fidan Aliti e nis nga fillimi, në vend të kapitenit Amir Rrahmani, që mungon shkaku i lëndimit. Dion Gallapeni është titullar po ashtu, duke e zëvendësuar Leart Paqaradën.

Baton Zabërgja po ashtu do të jetë në fushë nga fillimi, teksa edhe Albion Rrahmani do të jetë në krye të sulmit me Vedat Muriqin.

Duket se Foda ka vendosur për sistemin 4-4-2.

FORMACIONET ZYRTARE:

KOSOVA: Muric; Vojvoda, Dellova, Aliti, Gallapeni; Zabërgja, Avdullahu, Rexhbeçaj, Muslija; Muriqi, Rrahmani.

SUEDIA: Olsen; Ekdal, Hien, Gudmundsson; Saletros; Bernhardsson, Larsson, Ayari, Svensson; Elanga, Gyokeres.