Zëvendëskryeministri i parë, Izet Mexhiti ka takuar sot ish kongresmenin Joseph DioGuardin.

“Sot pata nderin të marr pjesë në një pritje të përzemërt dhe vëllazërore, organizuar nga miku im dhe ish-kongresmeni shqiptar, Joseph DioGuardi, në Staten Island. Ky ishte një moment i veçantë, ku u ndjeva i rrethuar nga dashuria dhe përkrahja e fortë e komunitetit shqiptar në Amerikë”, tha mexhiti, duke shtuar se DioGuari ka qenë gjithmonë një zë i fuqishëm për çështjen tonë kombëtare.

“Joseph DioGuardi ka qenë gjithmonë një zë i fuqishëm për çështjen tonë kombëtare, dhe sot pata mundësinë ta falënderoj personalisht për të gjitha përpjekjet e tij ndër vite. Ai ka ndihmuar për të ngritur zërin e shqiptarëve në Amerikë, ka informuar opinionin publik amerikan për gjendjen politike dhe të drejtat e shqiptarëve, jo vetëm në Shqipëri, por edhe në Kosovë dhe Maqedoninë e Veriut. Që nga mbështetja për Universitetin e Tetovës, deri te kontributi për vendosjen e përmendores së Skënderbeut në Shkup, ai ka qenë gjithmonë në ballë të kauzës sonë kombëtare”, deklaroi Mexhiti duke shtuar se DioGuardit i ka bërë ftesë që ta vizitoj Shkupin.

“E ftova me kënaqësi që, së bashku me bashkëshorten e tij, të na vizitojnë në Shkup, në shenjë mirënjohjeje për të gjitha përpjekjet dhe mbështetjen e tyre të palodhur për shqiptarët. Në një gjest simbolik dhe si urim për pozitën time të re, ai më dhuroi një libër ekskluziv mbi Skënderbeun, i shtypur në vetëm 40 kopje – një dhuratë e veçantë që më kujton përgjegjësitë tona si udhëheqës që e kemi, për çështjen kombëtare. Kjo pritje kaq e ngrohtë më bëri të ndihem krenar për kombin tim, dhe për mbështetjen e çmuar që na vjen nga vëllezërit tanë, kudo nëpër botë”, tha Mexhiti.

Nga tash qytetarët e komunës së Likovës do të mund ti tërheqin dokumentet e tyre personale edhe në stacionin policor të fshatit Mateç të komunës së Likovës, njofton portali Realiteti.

Edhe pse një shërbim i thjeshtë administrativ, u desht që të kalojnë dy dekada që të realizohet një e drejtë dhe shërbim për qytetatët e komunës së Likovës në komunën e tyre.

Ndërkaq aktivisti i Aleancës për Shqiptarët Liridon Ramadani përmes një postimi në Facebook është shprehur kështu: “Prej datës 25.09.2024 banorët e komunës tonë dokumentat personal do t’i marrin në stacionin policor në fshatin Mateç.
Atë që nuk e bëri për 20 vjet BDI po bëhet për dy muaj nga qeveria VLEN.”

Kryetari i Aleancës për Shqiptarët njëherit edhe ministri i Shëndetësisë në Qeverinë e RMV-së, Arben Taravari ndodhet për vizitë zyrtare në Shtetet e Bashkuara të Amerikës.

Kryetari Arben Taravari do të merr pjesë në Asamblenë e Përgjithshme të OKB-së në Samitin e së Ardhmes “Zgjidhje multilaterale për një të nesërme më të mirë” në New York, ku marrin pjesë liderët nga e gjithë bota.

Taravari po ashtu pritet të ketë takime të shumta në New York dhe Washington me përfaqësues të lartë diplomatik.