Në buxhetin e Komunës së Tetovës është shfaqur një shumë e madhe parash që po ngre pikëpyetje të mëdha mbi transparencën institucionale, shkruan Flaka Media

Kontabilisti i njohur tetovar, Asllan Koka, publikoi të dhëna nga bilanci financiar i komunës, ku në zërin 742 – Donacione nga shtetet e huaja figuron shifra 53.716.000 denarë (rreth 873 mijë euro).

Por këtu nis dilema: sipas kryetarit të Komunës, Bilall Kasami, kjo shumë nuk ka ardhur nga një shtet, por nga një biznes privat, pronari i të cilit është me kombësi serbe.

“Po të jetë donacion privat, atëherë pse në bilanc është regjistruar si ndihmë nga shtete të huaja? Nga cili shtet është shënuar kjo shumë në dokumentet zyrtare?” – pyeti Koka.

Ai theksoi se qytetarët kanë të drejtë të dinë origjinën e saktë të këtij donacioni, sidomos kur bëhet fjalë për gati 1 milion euro.

“Qytetarët e Tetovës meritojnë transparencë dhe sqarim të plotë – jo lojëra fjalësh me miliona denarë,” – përfundoi Koka.

Kandidati për kryetar të komunës së Gostivarit, Valbon Limani, në një intervistë për ZYRTARE.net, ka prezantuar disa nga projektet kryesore që, sipas tij, do ta ndryshojnë rrënjësisht pamjen e qytetit dhe do të përmirësojnë jetesën e qytetarëve.

Një nga prioritetet kryesore të mandatit të ardhshëm, siç u shpreh Limani, do të jetë rikonstruksioni i bulevardit “Vëllezërit Dimoski”, me gjatësi 1.6 km, që shtrihet deri te ura e gjykatës. “Fillimisht do të rikonstruktohet, ndërsa më pas, së bashku me qytetarët që kanë prona në atë pjesë, do të gjejmë zgjidhje për hapjen e plotë të saj, pasi njihet si arteria kryesore e qytetit,” tha ai.

Prioriteti i dytë, sipas tij, është ura tek gjykata, e cila do të prishet tërësisht dhe do të ndërtohet e re, me katër korsi – duke përfshirë edhe korsitë për biçikleta.

Një tjetër projekt me rëndësi është rregullimi i qendrës së qytetit, ku është planifikuar një zgjidhje e re infrastrukturore për komunikacionin, me qëllim që Gostivari të “marrë frymë më lirshëm”.

Në planin e projekteve hyn edhe ndërtimi i një garazhi nëntokësor pranë Komunës së Gostivarit, si dhe rikualifikimi i parkut të qytetit, i cili pritet të kthehet në një hapësirë të dedikuar për pushim dhe argëtim për qytetarët.

“Ne besojmë se me këto projekte, Gostivari do të marrë një pamje tjetër, më moderne, dhe do të krijohen kushte më të mira për të gjithë banorët,” u shpreh Limani./Zyrtare.net/

Shkruan Medai Shaholli

Kryekomiti Micko pasi krijoi VREDI-n si subjekt politik dy vjet më parë, këtë radhë po bën diversion në kampin shqiptar përmes shfalerkave të tij nga VREDI, ku po garon në komunat me shumicë shqiptare me kandidatët e tij shqiptarë “të pavarura” që nga Struga deri në Kumanovë, për ta zhbërë faktorin shqiptar dhe peshën e elektoratit shqiptar në këto troje.

Kandidatët shqiptarë si “shfalerka politike” të kryekomitit Micko, nuk kanë hezituar për asnjë moment të garojnë për kreun e kryekomunarit nën “maskën e të pavarurit”, por të mbështetur nga VREDI.

Kjo është loja e madhe shpërblyese e premierit Micko për “të pavarurit” shqiptarë në këto zgjedhje që nuk do të kalojë përballë opozitës së bashkuar shqiptare.

Sipas vëzhguesve dhe analistëve të pavarur kandidatët e “pavarur” të Mickos qëndrojnë keq në raport 3/1 në favor të opozitës shqiptare.

Oligarkët si Mendiu apo ndonjë tjetër nuk janë tjerër veçse qullashë dhe masha në duart e kryekomitit Micko, që do t’i kontrollonte komunat me shumicë shqiptare, ashtu siç i kontrollon komunat në pjesën lindore të “državës” përmes ushtarëve të tij komitë të përbetuar në krye të komunave.

Qëndrimet ogurzeza dhe shovene të premierit Micko, i cili përmes levave te tij nga VREDI dhe jo vetëm kërkon ta plandos elementin shqiptar në këto troje, janë të destinuara të dështojnë, si “një luftë donkishoteske me mullinjtë e erës” përballë faktorin shqiptar jo si subjekte politike por si popull.