Thelbi i paktit të ri politik që propozon Aleanca për Shqiptarët është ndërtimi i një marrëveshjeje të re ndërmjet shqiptarëve dhe maqedonasve mbi bazën e barazisë reale, respektit të ndërsjellë dhe partneritetit strategjik, shkruan Flaka Media

Pikat kryesore të thelbit janë:

Barazia reale – Shqiptarët dhe maqedonasit të trajtohen njësoj në të gjitha institucionet dhe nivelet vendimmarrëse.
Respekt i ndërsjellë – Të garantohet respekti reciprok për kulturën, gjuhën dhe traditat e të dy komuniteteve.
Partneritet strategjik – Bashkëpunim i qëndrueshëm për zhvillim të qëndrueshëm të shtetit dhe shoqërisë, duke siguruar integrim europian dhe stabilitet institucional.
Fuqizimi i komunave dhe zhvillimi ekonomik vendor – Përmes decentralizimit real dhe mbështetjes së rinisë, familjeve dhe bizneseve vendore.
Pjesëmarrje aktive qytetare dhe lidhje me diasporën – Angazhimi i qytetarëve në vendimmarrje dhe bashkëpunimi me diasporën si pasuri kombëtare dhe ekonomike.
Në esencë, marrëveshja synon të krijojë një shtet modern, europian, i barabartë dhe stabil, ku shqiptarët dhe maqedonasit të bashkëpunojnë në mënyrë të ndershme dhe të barabartë. Flaka Media

Shkruan Medai Shaholli

Kryekomiti Micko pasi krijoi VREDI-n si subjekt politik dy vjet më parë, këtë radhë po bën diversion në kampin shqiptar përmes shfalerkave të tij nga VREDI, ku po garon në komunat me shumicë shqiptare me kandidatët e tij shqiptarë “të pavarura” që nga Struga deri në Kumanovë, për ta zhbërë faktorin shqiptar dhe peshën e elektoratit shqiptar në këto troje.

Kandidatët shqiptarë si “shfalerka politike” të kryekomitit Micko, nuk kanë hezituar për asnjë moment të garojnë për kreun e kryekomunarit nën “maskën e të pavarurit”, por të mbështetur nga VREDI.

Kjo është loja e madhe shpërblyese e premierit Micko për “të pavarurit” shqiptarë në këto zgjedhje që nuk do të kalojë përballë opozitës së bashkuar shqiptare.

Sipas vëzhguesve dhe analistëve të pavarur kandidatët e “pavarur” të Mickos qëndrojnë keq në raport 3/1 në favor të opozitës shqiptare.

Oligarkët si Mendiu apo ndonjë tjetër nuk janë tjerër veçse qullashë dhe masha në duart e kryekomitit Micko, që do t’i kontrollonte komunat me shumicë shqiptare, ashtu siç i kontrollon komunat në pjesën lindore të “državës” përmes ushtarëve të tij komitë të përbetuar në krye të komunave.

Qëndrimet ogurzeza dhe shovene të premierit Micko, i cili përmes levave te tij nga VREDI dhe jo vetëm kërkon ta plandos elementin shqiptar në këto troje, janë të destinuara të dështojnë, si “një luftë donkishoteske me mullinjtë e erës” përballë faktorin shqiptar jo si subjekte politike por si popull.

Bashkimi Demokratik për Integrim (BDI) akuzon VLEN-in për mashtrime të vazhdueshme ndaj qytetarëve shqiptarë dhe gjithë Maqedonisë së Veriut, përcjell Flaka Media

“Çdo premtim i dhënë nga VLEN doli që është një mashtrim i madh. Çdo fjalë e thënë nga VLEN, doli që është një gënjeshtër e madhe”, thekson BDI në një komunikatë për media.

Partia shqiptare thekson se vetëm gjatë një viti, “injoranca, paaftësia, serviliteti, korrupsioni, vazaliteti, përulja, mashtrimet dhe gënjeshtrat e VLEN dolën në sipërfaqe”.

BDI sjell disa shembuj:

“Premtuan 2.500 punësime, qytetarët përfunduan me zero.”
“Premtuan 10.000€ për çdo qytetar, qytetarët përfunduan me zero.”
“Premtuan Akademi të Shkencave Shqiptare, e sollën Dodikun dhe donacionet serbe.”
“Premtuan bankë shqiptare, e sollën bankën serbe.”
“Premtuan ndryshime kushtetuese dhe integrim europian, e sollën botën serbe.”
“Premtuan programe kombëtare, e sollën MTEL-in serb.”
“Marrëveshjen e Ohrit ia dhanë putinistit Ivan Stoilkoviq.”
“VLEN-i u konfirmua botërisht si një mashtrim i madh politik dhe turp kombëtar që po i kushton shqiptarëve shtrenjtë: nga të qenurit krenarë, ballëlartë dhe në krye të shtetit, në të nënçmuar, të përbuzur dhe të përja shtuar”, vijon komunikata.

BDI bën thirrje për reagim qytetar në zgjedhjet e 19 tetorit:

“Më 19 tetor, qytetarët do ta japin përgjigjën e duhur për këto nënçmime, keqpërdorime, ofendime e përbuzje të papara ndonjëherë. Asnjëherë më nuk do të VLEN nënshtrimi, tradhëtia e votës dhe puthadorësia. Tetori është referendum popullor për dinjitet kombëtar!” /Flaka Media/