“Një hije e rëndë po shtrihet mbi Ballkan. Nuk është e re, por sot po shfaqet më e qartë se kurrë: projekti i ‘Botës Serbe’. Ajo që dikur tingëllonte si slogan i një ministri serb, sot është shndërruar në strategji të mirëfilltë politike, që rrezikon të gërryejë themelet e shteteve të pavarura të rajonit, shkruan Racin.mk

Në emër të gjuhës, fesë dhe historisë, Beogradi kërkon të krijojë një hapësirë politike që kalon kufijtë shtetërorë dhe minon sovranitetin e vendeve fqinje. Nëse ‘Bota Ruse’ u përdor për të justifikuar agresionin në Ukrainë, ‘Bota Serbe’ sot po përpiqet të prodhojë një realitet të ri në Maqedoninë e Veriut e më gjerë.

Kërcënimi nuk është teorik. Në Shkup, VMRO ka dorë absolute mbi qeverisjen, duke hapur dyert për narrativat e Botës Serbe. Dhe nuk ndalet vetëm aty: elementë brenda VLEN dhe ZNAM janë kthyer në satelitë politikë të këtij projekti, duke i dhënë Beogradit ndikim të drejtpërdrejtë në politikën e brendshme të vendit. Ky është një alarm i qartë për çdo qytetar që beson tek demokracia, liria dhe integrimi europian.

Pasojat janë të rënda: destabilizim i brendshëm, përçarje ndëretnike, dobësim i institucioneve dhe zhvendosje gjeopolitike drejt boshtit lindor ruso-serb. Çdo hap i tillë është një grusht ndaj sigurisë së rajonit, ndaj paqes në Ballkan, ndaj vetë të ardhmes europiane të vendeve tona.

‘Bota Serbe’ nuk është nostalgji kulturore. Është një projekt politik i rrezikshëm, i hartuar për të shndërruar shtetet e rajonit në satelitë të Beogradit dhe Moskës. Të heshtësh sot, do të thotë të pranosh nesër një realitet ku kufijtë nuk respektohen, ku identitetet përdoren si armë, dhe ku sovraniteti i vendeve tona kthehet në iluzion.

Sot është koha për të thënë qartë: Maqedonia e Veriut duhet të zgjedhë mes rrugës europiane dhe kurthit të Botës Serbe. Çdo kompromis me këtë projekt është kompromis me lirinë, me demokracinë, me të ardhmen e gjithë rajonit.

Ballkani ka vuajtur mjaft nga fantazmat e së kaluarës. Nuk mund të lejojmë që një tjetër ‘botë’ e rreme të diktojë fatin e popujve tanë.”

Vijon lajmi në këtë link. Flaka Media

Sot zv/kryeministri dhe kryetari i Lëvizjes Demokratike, Izet Mexhiti, ka reaguar me nervozizëm të theksuar ndaj kreut të Aleancës për Shqiptarët, Arben Taravari, pas deklaratave të këtij të fundit për shpërbërjen e koalicionit VLEN pas zgjedhjeve.

Por ditë më parë, në një prononcim për Vox Media nga Kosova, Taravari kishte dërguar një mesazh të qartë për ish-partnerët e tij politikë, duke uruar: “Qetësi dhe reflektim.”

Sipas Taravarit, liderët e VLEN ende nuk e kanë tejkaluar faktin e shkëputjes së tij nga koalicioni, hap që sipas tij ka përgjysmuar këtë grupacion politik “hibrid”.

VOX Media: Taravari për ish-partnerët në VLEN – Qetësi dhe reflektim

Pas largimit nga qeveria dhe koalicioni VLEN, Taravari theksoi se është i bindur për fitoren në zgjedhjet lokale që po afrohen.
“Pres dhe e di që do të kemi fitore. Jam gati të bashkëpunoj me çdo parti shqiptare që punon për shqiptarët e jo kundër tyre,” u shpreh ai.

Nga ana tjetër, reagimi i Mexhitit mbeti i ashpër dhe i nervozuar, ndërsa mesazhi i Taravarit vazhdoi të mbetej i qetë dhe i drejtpërdrejtë: “Qetësi dhe reflektim.”

Shefi i shtabit komunal në Tetovë, Blerim Osmani sot përmes një press konference ka akuzuar kryetarin e komunës sl Tetovës Bilall Kasamin se ka frigë nga e vërteta duke urdhëruar heqjen e billbordeve të degës së BDI-së ku sipas Osmanin ishte demaskuar keqpërdorimet e Kasamit, shkruan Top24

Tetovarët nuk i kanë heshtur as pushtuesi, as komunizmi e as kjo strukturë kriminale që udhëheq me Tetovën nuk do te mundet dot.

Sot, pas aktivitetit tonë simbolik ku shpërfaqëm në Bilborde fytyrën e vërtetë të Bilall Kasamit, i cili në mënyre kriminale dhe korruptive ka shitur pronat publike të komunës së Tetovës dhe ka dhënë në koncesion ndërmarrjet publike, kanë filluar presionet dhe sjelljet diktatoriale të kësaj strukture kriminale të cilët kanë urdhëruar heqjen e këtyre Bilbordeve dhe demolimin e materialit.

Kjo sjellje agresive e tij përbën shkelje të lirisë së shprehjes dhe dëshmon se Bilall Kasami dhe klanin e tij janë të zhytur në krim dhe korrupsion.

Tetovarëve nuk ua mohon dot të drejtën për të kuptuar të vërtetën e menaxhimit të taksave të tyre.

Ne, BESËLIDHJA – Aleanca Kombëtare për Integrim, përmes çdo metode demokratike do t’u tregojmë tetovarëve për çdo krim dhe aferë korruptive të cilën e keni bërë duke shitur pronat dhe ndërmarrjet publike për interesa klanore dhe biznesore.

Kjo veçse na motivon edhe më shumë që ne, si përfaqësues legjitim të shqiptarëve, do të shfrytëzojmë çdo kanal komunikimi, rrjetet sociale, takime derë më derë, hapjen e platformave të ndryshme që qytetarët të informohen dhe së bashku të dëshmojmë për të gjitha aferat korruptive të kësaj strukture kriminale në krye të komunës.

Qytetarët e Tetovës tashmë e kanë kuptuar mashtrimin e Kasamit dhe klanit të tij, prandaj zgjedhjet e tetorit do të jenë ndëshkimi më i madh i tyre.

Nuk ka forcë që mund ta shtyp zërin e qytetarëve. E vërteta del në shesh dhe e drejta do të triumfojë.

Ju bëjmë thirrje organizatave ndërkombëtare që të monitorojnë këtë sjellje prej diktatori të Bilall Kasamit dhe qeverisë në përgjithësi, që me veprimet e tyre tentojnë të heshtin zërin e qytetarëve.

https://www.facebook.com/share/v/16Eskr1RtR/