Kandidati i AKI-së për kryetar të Komunës së Tetovës, Bajram Rexhepi përmes një postimi në Facebook i është përgjigjur kundërkandidatit Bilall Kasami i cili gjatë një interviste në ZYRTARE tha se Rexhepi nuk ka vizion për Tetovën.

POSTIMI I PLOTË:

Zakonisht parapëlqej të flas për ide dhe për qytetin, jo për individë, por kësaj radhe po e bëj një përjashtim të vogël.

Më vjen mirë që udhëheqësia aktuale nuk identifikohet dhe nuk di të dallojë vizionin tonë, sepse deri më sot shpesh e kanë dëshmuar se nuk dijnë ta dallojnë vizionin nga iluzioni.

Përderisa unë kam qenë pjesë e menaxhmentit të një korporate të suksesshme multinacionale, dikush tjetër mundohej të gjente veten në politikë duke ndërruar parti dhe duke bërë pazare.

Përderisa unë menaxhoja projekte strategjike për shtetin, si gazifikimi me 180 km rrjet të ndërtuar për vetëm 2 vite e gjysmë, dikush tjetër shtrëngonte duart herë me LSDM-në e herë me VMRO-në, vetëm për të mbijetuar politikisht.

Dhe jo, nuk e kam zakon e as vizion që dikush të vijë të më poshtërojë në shtëpinë time, ndërsa unë të rri i heshtur e të mos guxoj të flas.
E vërtetë është se nuk ndajmë të njëjtin vizion, dhe për këtë jam krenar. Unë nuk besoj në mashtrime, manipulime apo pazare të ulta politike.

Për vizionin tim për Tetovën jam i gatshëm të flas hapur dhe ballë për ballë, jo duke u fshehur pas hijes së kryeministrit, por duke u përballur me dinjitet përpara tetovarëve.
Besëlidhja Aleanca Kombëtare për Integrim është koalicioni më i madh historik i shqiptarëve dhe i të gjithë qytetarëve që ia duan të mirën këtij vendi.
Vizioni ynë është një Tetovë funksionale, ku mbrohet e mira e përbashkët dhe ku çdo qytetar, përfshirë edhe kryetarin aktual, do të jetojë më mirë dhe më me dinjitet.

Sekrerari Organizativ i Aleancës për Shqiptarët Gadaf Uzairi përmes një postimi ka denoncuar se Mickovski në një takim ka deklaruar: ‘Lufta e 2001 ishte pjesa e parë, tash ka ardhur koha ta luaj unë pjesën e dytë.’, shkruan Top24

Një shok i imi i afërt, që dikur ishte pjesë e Aleancës e sot funksionar i lartë në qeveri përmes VLEN-it, më tha diçka që më tronditi. Sipas tij, në një takim me disa ndërkombëtarë, Kryeministri Mickoski ka deklaruar: ‘Lufta e 2001 ishte pjesa e parë, tash ka ardhur koha ta luaj unë pjesën e dytë.’

Është alarmuese të shohësh se përfaqësuesit e VLEN-it, edhe pse e dinë këtë, ende qëndrojnë në një qeveri hapur anti-shqiptare, duke u bërë ortakë në cënimin e interesave tona kombëtare.

Ju bëj thirrje të reflektoni sa nuk është vonë, sepse ka jetë edhe pas Tetorit!

Përgjegjësia e tradhtisë nuk harrohet kurrë!!

Deputeti i Aleancës për Shqiptarëf Halil Snopçe sot ka takuar kandidatin e AKI-së për kryetar komune më Tetovë, Bajram Rexhepi dhe shefin e shtabit zgjedhor Faton Ahmeti. Snopçe kujtoi monentet me Rexhepin kur bashkëveprobin si student në Shkup dhe se sot janë bashkuar në një koalicion të AKI-së duke bashkuar forcat në kuadër të Aleancë Kombëtare për Integrim (AKI) për ti treguar edhe Mickovskit edhe të tjeŕëve se shqiptarët nuk do të lejojnë realizimin e planeve të tilla dashakeqe.

Postimi i plotë i deputetit Halil Snopçe

“Me Bajram Rexhepin. Shokun tim gjatë studimeve në Shkup.

Para më shumë se 25 viteve bisedonim për shkencë, për matematikë, për të rejat në shkencat kompjuterike, por edhe për filozofi.

Ishin vite kur e shprehnim revoltën tonë për mospërfilljen e shqiptarëve. Që atëherë nuhatnim se sistemi me majorizim nuk funksionon, se duhet të gjendet mekanizëm ku shqiptarët nuk do mbivotohen siç që ndodhi edhe me kushtetutën e atëhershme. Kushtetutë për të cilën thonim se është gjeneratore e krizës dhe si pasojë kishim edhe kinfliktin e vitit 2001.

Pas kryerjes së studimeve vazhduam të japim kontribut në profesionet tona, unë si matematikan, Bajrami si informatikan.

Pastaj filluam edhe angazhimin politik në dy vektor të ndryshëm të pikëpamjeve politike.

Përpara këtyre zgjedhjeve kemi konstatim të përbashkët që qeveria aktuale e udhëhequr nga Hristijan Mickovski ka një tendencë për rikthimin e situatës përpara marrëveshjes së Ohrit, respektivisht rikthimi në kohën kur me Bajramin ishim studentë. Tendenca e përbashkët e të dy vektorëve të veprimtarisë tonë politike është që proçesi i avansimeve të shkojë përpara dhe jo të kthehet mbas.

I kemi bashkuar forcat në kuadër të Aleancë Kombëtare për Integrim (AKI) për ti treguar edhe Mickovskit edhe të tjeŕëve se shqiptarët nuk do të lejojnë realizimin e planeve të tilla dashakeqe.

Për ne parasegjithash, me interes primar është mbrojtja e dinjitetit, krenarisë dhe avansimi i të drejtave të shqiptarëve.

Bajrami është kandidat i koalicionit AKI për kryetar të komunës së Tetovës. Mbështetja ime ndaj Bajramit është jo vetëm si partner koalicioni, por edhe si shok i idealeve studentore”, ka përfunduar Snopçe.