Lajme

Nxënësit e Nerovës do ta nisin mësimin në objektin e vjetër të shkollës

Published

6 hours ago

26.08.2025

Admin01

Mbi 130 nxënës shqiptar të fshatit Nerovë, të komunës së Krushevës, mësimin do ta nisin në objektin e vjetër shkollor, shkruan Alsat.

Edhe pse procedurat e legalizimit të objektit të ri shkollor që e ndërtuan vetë banoret e këtij fshati tashmë kanë përfunduar, përfundimi i punimeve të mbetura dhe pajisja e shkollës me infrastrukturën e nevojshme shtyhet deri pas zgjedhjeve lokale.

Dashmir Jusufi, banor i Nerovës, thotë se shpresat janë që në vitin 2026 të ndahet buxhet për përfundimin e objektit të ri shkollor.

“Nga një shtatori, nxënësit do ta fillojnë vitin e ri shkollor në objektin e vjetër, tash ne e dimë se veç më afrohet fushata para zgjedhore dhe janë ndërpre të gjitha punimet për shkak të zgjedhjeve dhe do të presim që të kalojnë zgjedhjet dhe para Vitit të Ri e dimë se ka votim të buxhetit për vitin 2026 dhe shpresat e vetme na mbeten se do të përfshihet edhe shkolla dhe të ndahen edhe mjete financiare dhe të kompletohet siç duhet”, tha Dashmir Jusufi – Banor i Nerovës.

Numri i nxënësve shqiptar të Nëroves është shtuar këtë vit, ndërsa problem i pa zgjidhur edhe më tej mbeten kushtet jo të përshtatshme për të vijuar mësimin në objektin e vjetër shkollor.

“Numri është shtuar dhe sigurisht do të jenë mbi 130 nxënës. Aty ka vetëm dy klasa që mund të themi që minimalisht i plotësojnë kushtet dhe dy klasa të improvizuara që janë thurur korridoret që të adaptohen në klasa, pra kemi dy klasa më të mëdha dhe dy të vogla”, u shpreh Dashmir Jusufi – Banor i Nerovës.

Ndërtimi i objektit të ri shkollor në fshatin Nerovë ishte iniciativë e vetë banorëve të këtij fshati e cila nismë filloi pas ankesave të shumta për kushte të pa përshtatshme për mësim në objektin e vjetër shkollor ku mësonin mbi 120 nxënës shqiptar të këtij fshati. Punimet në objektin e ri shkollor u ndërprenë nga institucionet për shkak se objekti ishte ndërtuar pa leje ndërtimi.

Për shkak të kësaj, mësimi u bojkotua nga nxënësit, ndërsa institucione vendosën të ndërhynin për të zgjidhur situatën me çka toka ku ishte ndërtuar objekti i ri shkollor i kaloi Komunës së Kreshovës dhe filloi procedura e legalizimit. Autoritetet patën premtuar se në shtator gjithçka do të jetë gati, por procesi zgjedhor dhe bllokimi i prokurimeve publike ka penalizuar shkollën. Sipas banorëve të Nerovës, nëse nuk ndahet buxhet për përfundimin e objekti, atëherë do të detyrohen përsëri që me donacione ta banorëve të përfundojnë të njëjtin që tash më 130 nxënësit e këtij fshati të kenë kushte më të mira për mësim./ Alsat.mk

Lajme

Rexhepi: Për vizionin tim për Tetovën jam i gatshëm të flas hapur dhe ballë për ballë, jo duke u fshehur pas hijes së kryeministrit

Published

2 minutes ago

26.08.2025

Admin01

TE THEM DIÇKA SA PËR MOS TA HESHTUR TË VËRTETËN!

Zakonisht parapëlqej të flas për ide dhe për qytetin, jo për individë, por kësaj radhe po e bëj një përjashtim të vogël. Më vjen mirë që udhëheqësia aktuale nuk identifikohet dhe nuk di të dallojë vizionin tonë, sepse deri më sot shpesh e kanë dëshmuar se nuk dijnë ta dallojnë vizionin nga iluzioni.

Përderisa unë kam qenë pjesë e menaxhmentit të një korporate të suksesshme multinacionale, dikush tjetër mundohej të gjente veten në politikë duke ndërruar parti dhe duke bërë pazare.

Përderisa unë menaxhoja projekte strategjike për shtetin, si gazifikimi me 180 km rrjet të ndërtuar për vetëm 2 vite e gjysmë, dikush tjetër shtrëngonte duart herë me LSDM-në e herë me VMRO-në, vetëm për të mbijetuar politikisht.

Dhe jo, nuk e kam zakon e as vizion që dikush të vijë të më poshtërojë në shtëpinë time, ndërsa unë të rri i heshtur e të mos guxoj të flas.

E vërtetë është se nuk ndajmë të njëjtin vizion, dhe për këtë jam krenar. Unë nuk besoj në mashtrime, manipulime apo pazare të ulta politike.

Për vizionin tim për Tetovën jam i gatshëm të flas hapur dhe ballë për ballë, jo duke u fshehur pas hijes së kryeministrit, por duke u përballur me dinjitet përpara tetovarëve.

Besëlidhja Aleanca Kombëtare për Integrim është koalicioni më i madh historik i shqiptarëve dhe i të gjithë qytetarëve që ia duan të mirën këtij vendi.

Vizioni ynë është një Tetovë funksionale, ku mbrohet e mira e përbashkët dhe ku çdo qytetar, përfshirë edhe kryetarin aktual, do të jetojë më mirë dhe më me dinjitet.

#Besëlidhja

#AleancaKombëtarePërIntegrim

#AKI, ka shkruar Rexhepi në faqen e tij.

Lajme

Rina Ajdari: Ja çfarë çmimi ka Tetova me Bilall Kasamin, po ju themi se Tetova nuk shitet

Published

7 minutes ago

26.08.2025

Admin01

Deputetja e Bashkimit Demokratik për Integrim, Rina Ajdari përmes një postimi ka reaguar pas bendosjes së billbordeve nga ana e degës së BDI-së në Tetovë, ku po akuzohej Kasami për shitje të pronës publike. Ajdari përmes postimit të saj shkruan se “Ja sa e ka çmimin me këtë strukturëqeverisëse të koruptuar”, përcjellë Top24

Rina Ajdari

Ja sa e ka çmimin Tetova me këtë strukturë qeverisëse të korruptuar.👇Dhe ne ju themi se Tetova nuk është në shitje, as sot as kurrë! P.S.Mos i largoni billbordet se kështu tregoni se jeni në panik! #referendumiitetorit

Lajme

Bajram Rexhepi: Të them diçka, sa për mos ta heshtur të vërtetën

Published

12 minutes ago

26.08.2025

Admin01

Kandidati i AKI-së për kryetar të Komunës së Tetovës, Bajram Rexhepi përmes një postimi në Facebook i është përgjigjur kundërkandidatit Bilall Kasami i cili gjatë një interviste në ZYRTARE tha se Rexhepi nuk ka vizion për Tetovën.

POSTIMI I PLOTË:

Zakonisht parapëlqej të flas për ide dhe për qytetin, jo për individë, por kësaj radhe po e bëj një përjashtim të vogël.

Më vjen mirë që udhëheqësia aktuale nuk identifikohet dhe nuk di të dallojë vizionin tonë, sepse deri më sot shpesh e kanë dëshmuar se nuk dijnë ta dallojnë vizionin nga iluzioni.

Përderisa unë kam qenë pjesë e menaxhmentit të një korporate të suksesshme multinacionale, dikush tjetër mundohej të gjente veten në politikë duke ndërruar parti dhe duke bërë pazare.

Dhe jo, nuk e kam zakon e as vizion që dikush të vijë të më poshtërojë në shtëpinë time, ndërsa unë të rri i heshtur e të mos guxoj të flas.
E vërtetë është se nuk ndajmë të njëjtin vizion, dhe për këtë jam krenar. Unë nuk besoj në mashtrime, manipulime apo pazare të ulta politike.

Për vizionin tim për Tetovën jam i gatshëm të flas hapur dhe ballë për ballë, jo duke u fshehur pas hijes së kryeministrit, por duke u përballur me dinjitet përpara tetovarëve.
Besëlidhja Aleanca Kombëtare për Integrim është koalicioni më i madh historik i shqiptarëve dhe i të gjithë qytetarëve që ia duan të mirën këtij vendi.
Vizioni ynë është një Tetovë funksionale, ku mbrohet e mira e përbashkët dhe ku çdo qytetar, përfshirë edhe kryetarin aktual, do të jetojë më mirë dhe më me dinjitet.