Lajme

Lloga thirrje Gjykatës Supreme: Nëse keni shantazhe, denonconi publikisht

Published

1 year ago

November 3, 2023

Ministri i Drejtësisë u shpreh i befasuar se si ndaj Gjykatës më të lartë në vend ka shtanazhe dhe presione politike. Në emisionin “Politica” në TV Globi, ai tha se Gjykata Supreme si organ më i lartë i drejtësisë duhet të denoncojë publikisht nga kush i vijnë shantazhet.

“Duhet të denoncohen në organet e drejtësisë ose më e pakta nëse ka nga politika apo nga kolegët e vetë është dashur që ta paraqes edhe në Këshillin Gjyqësor ose të më informojnë edhe mua”, tha Lloga.

E gjithë kjo tha i pari i drejtësisë mund të ndodh pasi Maqedonia po futet në fund të vitit, i cili sipas tij, do të jetë shumë turbulent pasi afrohet koha e ndryshimeve kushtetuese.

“Po i afrohemi momentit dhe është presioni i kohës kur duhet të arrihen ndryshimet kushtetuese”, shtoi ministri Lloga.

Ai tha se opozita po imponon fjalorin e saj politik për zgjedhje të parakohshme, por në “fakt më shumë vlenë thirrja e ndërkombëtarëve dhe e qeverisë që të kryhen ndryshimet kushtetuese”.

Miratimi i ndryshimeve kushtetuse do të ndodh tha Lloga, e pataj, sipas tij, do të shkohet në zgjedhej, ndërsa rikujtoi se kjo ka qenë pika kryesore pse ASH është bërë pjesë e qeverisë.

Ndryshe, Këshilli Gjyqësor përmes një ftese me shkrim e ka thirrur kryetaren e Gjykatës Supreme Besa Ademi në takim pune me anëtarët e Këshillit lidhur me zhvillimet e fundit dhe shkrimet e publikuara në media për presionet politike ndaj gjyqtarëve të gjykatave më të lartë.

Mbledhja e punës është caktuar për të hënën e datës 6 nëntor në orën 11:00 në ambientet e Këshillit Gjyqësor.

Lajme

Vdiq Papa Françeksu

Published

11 hours ago

April 21, 2025

I N

Vatikani njoftoi të hënën se ka vdekur Papa Françesku, raporton agjencia e lajmeve “Reuters”.

Ai ishte në moshën 88-vjeçare dhe kohëve të fundit kishte probleme shëndetësore.

Lajme

MPB: Ndalohen gjashtë persona, kapen me marihuanë

Published

11 hours ago

April 21, 2025

I N

MPB Maqedoni njofton se dje janë ndaluar pesë persona nga Shkupi dhe një nga Kumanova, të cilët dyshohen për tregti me lëndë narkotike.

“Me datë 20.21.04.2025 në lokacione të ndryshme në Shkup, nëpunës policorë nga SPB Shkup kanë privuar nga liria F.XH. (47), P.R (32), E.I. (39), A.I. (36) dhe I.XH. (40), të gjithë nga Shkupi dhe A.A. (50) nga Kumanova, pasi iu gjet dhe u sekuestrua marihuanë dhe një lëndë e bardhë kokrrizore”.

“Pas dokumentimit të plotë të rasteve, do të pasojnë parashtresat përkatëse”, thonë nga MPB.

Lajme

Jahoski, pronari i “Pucko Petrol” ofron 2 milionë euro garanci për të dalë nga paraburgimi

Published

11 hours ago

April 21, 2025

I N

Pronari i kompanisë “Pucko Petrol” Asmir Jahoski ofron 2 milionë euro garanci për lirim nga paraburgimi, pohojnë burime në sistemin gjyqësor të njohur me rastin, transmeton portali expres.mk

Sipas burimeve të portalit, të enjten, mbrojtja e Jahoskit, i cili është djali i deputetit të BDI-së, Ismail Jahoski, ka ofruar prona në vlerë prej 2 milionë eurosh në përpjekje që gjykata të lejojë që Asmiri të mbrohet nga burgu në rastin me vlerë mbi 160 milionë euro.

Vendimin zyrtarisht nesër do ta marrin tre gjyqtarë nga Gjykata Penale në Shkup, të cilët do të vlerësojnë nëse Jahoski, pasuria e të cilit llogaritet në dhjetëra milionë euro, duhet të lirohet në shtëpi.

Tre gjyqtarët duhet të ofrojnë një analizë të duhur ligjore nëse, pesë javë pasi Asmir Jahoski iu dha paraburgimi për shkak të rrezikut të arratisjes ose ndikimit të dëshmitarëve, ai tani mund të mbrohet nga liria.

Njëri nga 13 të dyshuarit për blerjen e lëndës djegëse toksike për TEC-in e Negotinës, Asmir Jahoski, djali i deputetit të BDI-së, Ismail Jahoski, nesër pritet të lirohet nga paraburgimi.

Burime në Prokurorinë Publike për Krim të Organizuar dhe në Gjykatën Penale të Shkupit pohojnë për expres.mk se për anëtarët e familjes së tij dhe BDI-së kjo është punë e kryer.

Operacioni për daljen nga paraburgimi Jahoski përmes avokatëve të tij e ka nisur katër ditë më parë të enjten e madhe kur në gjykatë është dorëzuar kërkesa për ndërprerje të paraburgimit dhe lirim.

Tani burimet pohojnë se pasi Abazi ka dhënë mendimin e tij se Jahoski duhet të lirohet, Gjykata Penale e Shkupit nesër do të vendosë për lirimin e djalit të deputetit të BDI-së nga burgu i Shutkës.