Deputeti nga koalicioni VLEN, Rijad Shaqiri në emisionin Klan Debat në Televizionin Klan Macedonia tha se letra e Ali Ahmetit është poentim politik dhe se nuk sheh diskriminim nga kjo qeveri ndaj shqiptarëve.

“Letra e z.Ahmeti një poentim politik, nuk e shoh si shqetësim rreth reformave brenda shtetit. Ka pas situata tjera edhe më shqetësuese, si Alfa, Kumanova, etj dhe në atë kohë Ali Ahmeti ishte në qeveri dhe nuk ka pasur reagime me letra apo diçka të ngjajshme. Kjo letër është një poentim politik i tij, sepse nuk ka kërcënim nga situata aktuale politike, kur ajo marrëveshje është firmosuar në prani të faktorit ndërkombëtarë, ndaj të shohim tash se si do ecim drejt BE-së”, tha Shaqiri.

Aktori tetovarë Hasim Memishi i njohur për opinionin me nofkën Sopi sot është emëruar ushtrues detyre Drejtor i Teatrit të Tetovës nga Aleanca për Shqiptarët.

Sopi përmes një postimi në profilin e tij në facebook ka njoftuar se sot ka marrë detyrën e drejtorit të Teatrit të Tetovës.

Postimi i plotë i Hasim Memishi Sopi:

“Të dashur miq,

Dua t’ju njoftoj se sot kam marrë detyrën e drejtorit të Teatrit të Tetovës!
Është nder dhe përgjegjësi e madhe për mua të drejtoj këtë institucion.
Besoj se me përkushtimin dhe pasionin që kam për teatrin, do të jap më të mirën nga vetja që ky institucion të arrij majat e suksesit!

Faleminderit për vlerësimin dhe besueshmërinë!”, ka përfunduar Sopi.

Kryetari i Aleancës për Shqiptarët dega Kumanovë, Huzeir Mustafi përmes reagimit në press konferencën e sotme ka demantuar shpifjet dhe tendencat e partisë opozitare BDI, e cila përmes keshilltarëve të saj komunal, tenton të hedh pluhur dhe të deformoj të vërtetat dhe faktet të cilët ditë më parë reaguan duke fajësuar përfaqsuesit e VLEN në pushtetin lokal se janë fajatorët për vendosjen e Konsullatës së Republikës se Serbisë në qytetin e Kumanovës.

Teksti integral nga press konferenza e Mustafit:

“Të nderuar përfaqsues te mediumeve, të nderuar qytetarë të Kumanovës dhe me gjërë

Përmes këtij reagimi shfrytëzoj rastin të demantoj shpifjet dhe tendencat e partisë opozitare BDI, e cila përmes keshilltarëve të saj komunal, tenton te hedh pluhur dhe të deformoj të vertetat dhe faktet.

Ata para disa ditëve reaguan duke na fajësuar neve si përfaqsues të VLEN ne pushtetin lokal se gjoja ne jemi fajatorët për vendosjen e Konzullates së Republikës se Serbisë në qytetin e Kumanovës.
Shfrytëzoj rastin të njoftoj opinionin por edhe perfaqsuesit e subjektit opozitar BDI- se mardhënjet diplomatike nuk I vendos as një kryetar komune, e as një këshill komunal, por të njejtat vendosen përmes ministrive te jashtme të dy shteteve.
Ne rastin konkret personi ne fjale Vladimir Staiç ka fituar titullin konsull nderi nga Ministri I jashtem I Sërbisë Ivica Daçiç dhe të njejtin e ka pranuar qeveria e kaluar e Republikës së Maqedonisë së Veriut, përmes ministrit të punëve të jashtme Bujar Osmani, i cili po të njejtën kërkesë e ka adresuar deri te qeveria, duke kërkuar që të njejtën ta miraton, kështu që Vladimir Staiç është pranuar si konsull nderi me propozim të ministrit Ivica Daçiç dhe me pranim te Ministrit të BDI-së, Bujar Osmani, dhe çdo spekulim tjetër në opinion është tentim i radhës nga BDI për të manipuluar dhe për ti fshehur të metat dhe veprat me të cilat kanë shkaktuar dëme të mëdha gjatë dy dekadave qeverisje.

Ju ftoj që permes kamerave tuaja ti filmoni fotografitë e që janë fakte dhe dëshmi e reagimit tonë.“, përfunoi Mustafi.

VIDEO