Bajram Rexhepi vazhdon të merr mbështetje nga tē gjithë anët dhe nga të gjithë personalitete në Tetovë. Nuk ka dallime politike e fogura tjera të shquara që nuk reshtohen pas Rexhepit si kandidat i AKI-së për Tetovën. Sē fundmi edhe profesori – analisti i pavarur, Sulejman Mehazi ka dhënē mbështetje publike për Rexhepin si një ndër kandidatët më të mirë deri më tani për Tetovë.

Ja letra e plotë e Sulejman Mehazi

Ish-nxënësi im Bajram Rexhepi

Pas diplomimit me dëshirën e prindërve të mi që kanë lindur në fshatin Sellcë, më 1988 u punësova si arsimtar i Gjuhës shqipe dhe letërsisë në shkollën e këtij fshati “Rilindja” që atëherë quhej “19 Nëntori”, këtu punova deri më 1999-n. Fati e deshti që gjatë kësaj periudhe ta kem nxënës kandidatin për prefekt të Tetovës, Bajram Rexhepin, i cili ishte nxënësi më i mirë jo vetëm i gjeneratës, por edhe i gjithë shkollës.
Para se të flas për nxënësit tim, Bajram Rexhepin, dua të ju njoftoj për jetën e tij,.se kanditati për prefekt të Tetovës, Bajram Rexhepi, është lindur e rritur pa Baba i cili në moshën 24 vjeçare gjatë një ndeshje të rëndë komunikacioni humb jetën dhe e lë gruan e tij, nënën e Bajram Rexhepit, shtatzënë tre muajshe në bark të saj pas lindjes do ia vënë emrin e babait të ndjer Bajram.
Pra, Bajrami e ka emrin e babait të tij të ndjerë.
Shkurt e qartë, Bajram Rexhepi që nga lindja është rritur jetim dhe kurrë nuk e ka parë fytyrën e Babait dhe shijen dashurore prindore.
Me shumë mundime e vuajtje e rriti nëna besnike dhe gjyshja që nëna ime e ndjerë gjyshen Shahe të Bajram Rexhepit e kishte kushërire, vajzë të vëllait Selver.
Edhe pse jetim, Bajram Rexhepi, si nxënës ishte më shembullori, më i sjellshmi; më i lexuari dhe më i kulturuari sesa nxënësit të rritur me të gjitha të mirat prindore.
Nxënësi, Bajram Rexhepi, në çdo njësi mësimore gjatë ligjëratave ishte dëgjues i shkëlqyer sa që në fund të orës të shpjegonte mësimin e ri pikë për pe, nëse do interpretonim një fragment të “Poemës së mjerimit” të Migjenit ai nuk kënaqej me kaq, por do shpjegonte edhe tregimet, dhe skicat e “Vargjeve të lira” të Migjenit, nëse do interpretonim elegjinë e Çajupit “Vaje”, Bajrami do përgjigjej për tërë veprën e Çajupit “Baba Tomorri”, nëse do interpretonim “Vajin e Bilbilit” të Mjedës, ai do shkonte te vepra “Juvenilia”, gjatë orës letrare të lektyrave, Bajram Rexhepi, do analizonte në detaje personazhet.
Sot e kësaj dite është modest; i urtë, i sjellshëm dhe i kujdesshën ndaj të gjithëve.

Pyesim Ali Ahmetin, pse Bajram Rexhepin nuk e bëri deputetë, por t’i konkurrojë Bilall Kasamit të fuqishëm në Tetovë?

@S.Mehazi

Kreu i LSDM-së Venko Filipçe thotë se VMRO-DPMNE-ja dhe Hristijan Mickoski me vetëdije po i shtynë qytetarët në varfëri, inflacion arrin rekorde, pagat ngecin ndërsa qytetarët janë gjithnjë e më të varfër.

Filipçe thekson se pushteti e ndali sistemin e rritjes së vazhdueshme të pagave dhe bëri që qytetarët të jenë në prag të ekzistencës. Në publikimin e tij në rrjetet sociale kreu i opozitës maqedonase thekson se Maqedonia po shndërrohet në vend të varfërisë dhe pasigurisë, por se LSDM-së sipas Filipçes nuk do të heq dorë nga propozimet për mbrojtjen dhe përmirësimin e standardit jetësor.

“LSDM e di si ta kthejë stabilitetin dhe dinjitetin e qytetarëve. Nuk do të heqim dorë nga propozimet për rritjen e pagave në të gjithë sektorët, rritjen e pagës minimale në 500 euro, uljen e çmimeve përmes heqjes së TVSH-së për prodhimet themelore ushqimore”, thekson Filipçe.

“Një hije e rëndë po shtrihet mbi Ballkan. Nuk është e re, por sot po shfaqet më e qartë se kurrë: projekti i ‘Botës Serbe’. Ajo që dikur tingëllonte si slogan i një ministri serb, sot është shndërruar në strategji të mirëfilltë politike, që rrezikon të gërryejë themelet e shteteve të pavarura të rajonit, shkruan Racin.mk

Në emër të gjuhës, fesë dhe historisë, Beogradi kërkon të krijojë një hapësirë politike që kalon kufijtë shtetërorë dhe minon sovranitetin e vendeve fqinje. Nëse ‘Bota Ruse’ u përdor për të justifikuar agresionin në Ukrainë, ‘Bota Serbe’ sot po përpiqet të prodhojë një realitet të ri në Maqedoninë e Veriut e më gjerë.

Kërcënimi nuk është teorik. Në Shkup, VMRO ka dorë absolute mbi qeverisjen, duke hapur dyert për narrativat e Botës Serbe. Dhe nuk ndalet vetëm aty: elementë brenda VLEN dhe ZNAM janë kthyer në satelitë politikë të këtij projekti, duke i dhënë Beogradit ndikim të drejtpërdrejtë në politikën e brendshme të vendit. Ky është një alarm i qartë për çdo qytetar që beson tek demokracia, liria dhe integrimi europian.

Pasojat janë të rënda: destabilizim i brendshëm, përçarje ndëretnike, dobësim i institucioneve dhe zhvendosje gjeopolitike drejt boshtit lindor ruso-serb. Çdo hap i tillë është një grusht ndaj sigurisë së rajonit, ndaj paqes në Ballkan, ndaj vetë të ardhmes europiane të vendeve tona.

‘Bota Serbe’ nuk është nostalgji kulturore. Është një projekt politik i rrezikshëm, i hartuar për të shndërruar shtetet e rajonit në satelitë të Beogradit dhe Moskës. Të heshtësh sot, do të thotë të pranosh nesër një realitet ku kufijtë nuk respektohen, ku identitetet përdoren si armë, dhe ku sovraniteti i vendeve tona kthehet në iluzion.

Sot është koha për të thënë qartë: Maqedonia e Veriut duhet të zgjedhë mes rrugës europiane dhe kurthit të Botës Serbe. Çdo kompromis me këtë projekt është kompromis me lirinë, me demokracinë, me të ardhmen e gjithë rajonit.

Ballkani ka vuajtur mjaft nga fantazmat e së kaluarës. Nuk mund të lejojmë që një tjetër ‘botë’ e rreme të diktojë fatin e popujve tanë.”

Vijon lajmi në këtë link. Flaka Media