SPB Kumanovë ka paraqitur kallëzim penal kundër R.E. (51) nga fshati Sllupçan, komuna e Likovës, Z.A. (59) nga Shkupi, N.B. (61) nga Manastiri, A.B. (59) nga Shkupi dhe S.K. (58) nga Shtipi, për shkak të dyshimit të bazuar për veprën penale “keqpërdorim të detyrës dhe autorizimit zyrtar”.

Më 30.05.2024 është kryer kontroll në zyrat e Agjencisë për Ushqim dhe Veterinari – Njësia Rajonale Kumanovë. Nga verifikimi i listave të prezencës është konstatuar se i denoncuari i parë, i punësuar si referent i ri–arkivar në Njësinë Rajonale Kumanovë, gjatë periudhës 01.12.2018 deri më 30.04.2024 nuk ka shkuar fare në punë, por ka marrë rregullisht pagë dhe kontribute nga buxheti.

I denoncuari i dytë, Z.A., ushtrues detyre i drejtorit të Agjencisë deri më 14.12.2020, ka lejuar me vetëdije që i denoncuari i parë të merrte pagë dhe kontribute pa i kryer detyrat e punës. I denoncuari i tretë, N.B., drejtor i Agjencisë nga 15.12.2020 deri më 03.07.2024, ka vazhduar pagesën e rrogës për R.E., i cili nuk ishte paraqitur në punë gjatë gjithë angazhimit të tij.

midle
I denoncuari i katërt, A.B., shef i sektorit për çështje financiare, në periudhën dhjetor 2018 – prill 2024, pa bërë kontrollin e nevojshëm, ka nënshkruar raportet financiare dhe ka miratuar pagesën e pagës dhe kontributeve për të parin, edhe pse ai nuk figuronte në listat e prezencës.

I denoncuari i pestë, S.K., i punësuar si shef sektori në Agjenci, gjatë të njëjtës periudhë nuk ka ndërmarrë masa për të ndaluar gjendjen e paligjshme lidhur me të parin.

Me këto veprime, të parit i janë paguar padrejtësisht 1.159.081 denarë, ndërsa buxheti i shtetit është dëmtuar me 1.682.759 denarë.

Aleanca për Shqiptarët shpreh indinjatën dhe shqetësimin e thellë për aktin e fundit të dhunës brutale në Tetovë, ku mbi 20 huliganë të grupit “Vojvoda” kanë sulmuar barbarisht dy nxënës shqiptarë të shkollës së mesme ekonomike.

Ky sulm, i cili ka lënë pas dy të mitur me lëndime të rënda – njëri me hundë të thyer dhe tjetri me brinjë e krah të thyer – është dëshmi e një klime të papranueshme urrejtjeje etnike dhe tolerance institucionale ndaj huliganizmit.

Kërkojmë urgjentisht nga Ministria e Brendshme dhe Prokuroria Publike që të identifikohen dhe të arrestohen menjëherë të gjithë autorët e këtij akti kriminal, të cilët jo vetëm që kanë rrezikuar jetën e dy të rinjve, por kanë goditur edhe ndjenjën e sigurisë së qytetarëve.

midle
Aleanca për Shqiptarët paralajmëron se heshtja dhe mosveprimi i shtetit përballë rasteve të tilla vetëm sa i inkurajojnë grupet huligane që të përsërisin sulme të ngjashme.

Dhuna ndaj fëmijëve është vijë e kuqe dhe përgjegjësia bie mbi institucionet që duhet të garantojnë rend dhe siguri”, theksohet më tej.

ASh qëndron pranë viktimave dhe familjeve të tyre, duke i inkurajuar të kërkojnë drejtësi deri në fund. Ky rast, nuk duhet të mbyllet si një incident i zakonshëm, por të trajtohet si akt i dhunës së organizuar me bazë etnike.

Një akt i rëndë dhune ka tronditur qytetin e Tetovës, pasi më shumë se 20 persona të dyshuar si anëtarë të grupit huligan “Vojvoda” kanë sulmuar fizikisht dy nxënës shqiptarë të Shkollës së Mesme Ekonomike.

Sipas dëshmive të viktimave, sulmuesit fillimisht i kanë ofenduar rëndë me fjalor denigrues me përmbajtje etnike, përpara se t’i godisnin në mënyrë të organizuar dhe të pandërprerë me grushte dhe shqelma. Për shkak të dhunës së ushtruar, të miturit kanë humbur vetëdijen për disa momente dhe nuk mbajnë mend tërësisht rrjedhën e ngjarjes, raportoi gazetari Nevrij Ademi nga portali lokal TS.

Të dy nxënësit janë transportuar me urgjencë në Spitalin Klinik të Tetovës. Mjekët konfirmuan se njëri prej tyre ka pësuar frakturë të plotë të hundës, ndërsa tjetri ka dëmtime të rënda trupore, përfshirë thyerje brinjësh dhe të krahut të majtë. Gjendja e tyre shëndetësore është raportuar si e qëndrueshme, por kërkon trajtim të vazhdueshëm.

Ndërkohë, siç bëhet e ditur policia e Tetovës ka ndërhyrë duke arrestuar disa nga huliganët e dyshuar si pjesëmarrës në sulm. Mes të arrestuarve janë 4 veta, ndërsa po kërkohen edhe huliganë të tjerë.

Ngjarja ka shkaktuar reagime në opinionin publik nga parti politike dhe subjekte tjera.

BDI përmes një reagimi ka dënuar aktin e dhunës së paprecedent që ka ndodhur sot në qytetin e Tetovës, ku një grup më i madh personash, sipas deklaratave të viktimave të lënduara rëndë, ishin të nacionalitetit maqedonas dhe sulmuan disa të rinj shqiptarë adoleshentë.

“Ky është një akt barbar, i rrezikshëm dhe i papranueshëm, që përbën kërcënim të drejtpërdrejtë për qetësinë në Tetovë dhe për marrëdhëniet ndëretnike në vend.
Kërkojmë me urgjencë nga organet e rendit dhe drejtësisë që brenda orëve të ardhshme të identifikojnë dhe të ndëshkojnë autorët e këtij sulmi. Çdo vonesë është e barabartë me nxitje të dhunës dhe dëm të sigurisë publike. U bëjmë thirrje të rinjve shqiptarë në Tetovë të mos bien pre e provokimeve dhe të mos bëhen pjesë e skenarëve të mundshme dhe të rrezikshëm që synojnë destabilizim dhe tension ndëretnik. Njëkohësisht e themi qartë: heshtja institucionale dhe mosndëshkimi i autorëve vetëm sa i thellojnë dyshimet për këto skenare, dëshmojnë padrejtësinë dhe u japin krah dhunuesve. Kjo është hera e dytë brenda kësaj jave që të rinjtë shqiptarë sulmohen, më parë në Manastir dhe tani në Tetovë. Ky është një sinjal alarmi për të gjithë: shteti duhet të reagojë menjëherë, sepse dhuna nuk do të tolerohet kurrë!”, reagon BDI.

Aleanca për Shqiptarët shpreh indinjatën dhe shqetësimin e thellë për aktin e fundit të dhunës brutale në Tetovë, ku mbi 20 huliganë të grupit “Vojvoda” kanë sulmuar barbarisht dy nxënës shqiptarë të shkollës së mesme ekonomike.

Ky sulm, i cili ka lënë pas dy të mitur me lëndime të rënda – njëri me hundë të thyer dhe tjetri me brinjë e krah të thyer – është dëshmi e një klime të papranueshme urrejtjeje etnike dhe tolerance institucionale ndaj huliganizmit.

Kërkojmë urgjentisht nga Ministria e Brendshme dhe Prokuroria Publike që të identifikohen dhe të arrestohen menjëherë të gjithë autorët e këtij akti kriminal, të cilët jo vetëm që kanë rrezikuar jetën e dy të rinjve, por kanë goditur edhe ndjenjën e sigurisë së qytetarëve.

Grupi i tifozëve “Vojvoda” është njohur më herët për përfshirje në incidente me prapavijë etnike, megjithatë autoritetet ende nuk kanë konfirmuar identitetin zyrtar të sulmuesve.