Një emër që po fiton gjithnjë e më shumë vëmendje në futbollin vendor është ai i Ebubekir Aziz, i lindur më 1 maj 2005, një talent që ka kaluar nëpër shkollat më serioze të futbollit në vend dhe që tashmë po përflitet si një nga lojtarët më premtues të brezit të tij.

Karriera e tij ka nisur në moshë shumë të re me KF Gostivarin, ku që në moshën 7-vjeçare tregoi potencial të jashtëzakonshëm. Më tej, rrugëtimi i tij vazhdoi në mënyrë të qëndrueshme dhe profesionale me ekipe si KF Renova (15-16.5 vjeç), FJ Shkëndija (16.5-18), KF Arsimi (18-19) dhe aktualisht te FK Xhepçishti (19-20).

Luan në pozitën krilo e djathtë, ndërsa arma e tij më e fortë është këmba e majtë – një kombinim teknik që e bën të papërmbajtshëm në situata një kundër një dhe tepër i rrezikshëm në zonën kundërshtare.

Me shpërthime në krah, vizion të qartë loje dhe inteligjencë taktike, Ebubekir është tashmë në radarët e klubeve të mëdha në vend, të cilat po e ndjekin nga afër zhvillimin e tij.

E ardhmja duket premtuese për këtë lojtar të ri që jo vetëm ka talent, por edhe disiplinë, karakter dhe përkushtim – tipare që e bëjnë një profil serioz për futbollin profesionist.

Raportohet se Ardon Jashari do t’i kërkojë Club Brugge që ta lirojë për t’u transferuar te Milani këtë fundjavë, duke refuzuar oferta më të larta nga Chelsea, Bayer Leverkusen dhe Neom.

Lojtari e ka bërë shumë të qartë dëshirën e tij për t’u bashkuar me kuqezinjtë, ekip që e ka mbështetur që kur vizitoi San Siron si fëmijë për t’i parë në fushë. Ai u la jashtë skuadrës për ndeshjen hapëse të sezonit, por u përfshi në listën europiane të klubit.

Sipas Sky Sport Italia, Jashari ka vendosur të marrë situatën në dorë dhe do të përballet me drejtuesit e Club Brugge në një takim krize gjatë fundjavës. Ai ka ndërmend të kërkojë largimin drejt Milanit, i cili beson se oferta e tij prej 33.5 milionë eurosh plus bonuse është më se e mjaftueshme, veçanërisht pasi agjentët e lojtarit pretendojnë se Brugge ishte zotuar ta shiste nëse do të vinte një ofertë prej 32.5 milionë eurosh.

Më e rëndësishmja, reprezentuesi i Zvicrës do t’i paralajmërojë gjithashtu drejtuesit e klubit belg se nuk ka asnjë synim të pranojë ndonjë ekip tjetër, edhe pse Chelsea, Bayer Leverkusen dhe skuadra saudite Neom janë gati të ofrojnë më shumë para.

Tri nga gjashtë ekipet shqiptare që ishin pjesë e garave të Conference League kanë arritur që të kalojnë në rundin e tretë kualifikues.

Kualifikimin e arritën Ballkani, Dinamo Tirana dhe Egnatia, ndërsa nga gara u eliminuan Prishtina, e cila humbi në penallti nga Larne, Deçiqi që u mposht me rezultat të përgjithshëm 6:2 nga Rapidi dhe Vllaniza që humbi me rezultat të përgjithshëm 5:$ nga Vikingur Reykjaviku.

Ballkani arriti rundin e tretë pasi u nda baras me rezultat 1:1 në udhëtim te Floriana, e ku ngjashëm ndodhi edhe në Tirani, ku Dinamo barazoi me Atletic Escaldes me rezultat 1:1.

E vetmja skuadër shqiptare që sonte fitoi dhe u kualifikua në rundin e tretë ishte Egnatia, ku e mposhti Dinamo Minskun me rezultat 1:0.