Deputetja e Frontit për Europë, Arbana Pasholli përmes një postimi në profilin e saj ka sqaruar se sot në seancë parlamentare VLEN në mënyrë tinëzare votoi për heqjen e statusit juridik të inspektoratit të gjuhëve, shkruan Top24

“Ashtu siç e paralajmëruam që në fillim, me qasje tinzare siç është bërë praktikë, sot shumica parlamentare, me mbështetjen e VLEN-it, votoi për heqjen e statusit juridik të Inspektoratit për Përdorimin e Gjuhëve.

Kjo është goditje direkte ndaj të drejtave gjuhësore dhe një hap pas në respektimin e barazisë në këtë shtet.

Shqiptarët meritojnë më shumë të drejta!”, ka përfunduar deputetja Pasholli.

Kryetari i komunës së Vrapçishtit, Isen Shabani përmes një postimi ka njoftuar se sot ka filluar asfalltimi i rrugëve të fshatit Dobridoll për të restauruar infrastrukturën rrugore dhe për të lehtësuar qarkullimin e qytetarëve.

“Dobërdolli sot me pamje të re!
Filloi asfaltimi i rrugës së fushës – investim që ndjehet, ndryshim që shihet!
E gëzofshi!”, ka nënvizuar Shabani.

Gazetari Destan Jonuzi, përmes një postimi në Facebook, ka reaguar ndaj lajmeve për shkarkimin e Petar Bogojeskit. Ai hedh poshtë pretendimet për shkarkim dhe zbulon prapaskena të reja politike që përfshijnë marrëveshje me kreun e VMRO-DPMNE-së, Hristijan Mickoski, si dhe bashkëpunim për zgjedhjet lokale.

Postimi i plotë i Jonuzit:

“Petari nuk u shkarkua. Mos e gënjeni opinionin. Ai është pajtuar me Mickoskin për funksion tjetër në kuadër të Qeverisë.

Madje ajo që është më interesante – ka bërë marrëveshje koalicion me VMRO-në për zgjedhjet lokale. Tash kushdo që do e ketë mbështetjen e VMRO-së në zgjedhjet lokale e ka edhe të Petarit.

‘Gllavata gore…’, ka përfunduar Jonuzi.