Connect with us

Lajme

Snopçe: Taravari është kryetari i asaj partie që rrëzoi VMRO-në dhe regjimin e Gruevskit

Published

on

Snopçe: Taravari është kryetari i asaj partie që rrëzoi VMRO-në dhe regjimin e Gruevskit

Deputeti nga radhët e Aleancës për Shqiptarët, Halil Snopçe reagoi në lidhje me deklaratën e VRMO-DPMNE-së e cila parashtroi pyetje se kryetar i cilës parti politike është Arben Taravari.

“Atyre u themi se Arben Taravari është kryetar i Aleancës për Shqiptarët, si subjekt autonom i dalë nga populli shqiptar dhe i ndërtuar qysh nga dita e parë mbi parimin e shbërjes së logjikës së vasalitetit me të cilën ka qeverisur VMRO-DPMNE”, shprehet Snopçe.

Ai shtoi se Taravari është kryetar i po asaj partie e cila ishte forca vendimtare për rrëzimin e regjimit të Gruevskit në kulmin e pushtetit të tij, sepse, siç shprehet Snopçe, ASH udhëhiqet çdoherë vetëm nga interesi i shqiptarëve dhe shtetit.

“Në vend të konfrontimeve sterile, i bëjmë thirrje VMRO-DPMNE-së të sillet si subjekt shtetndërtues dhe të bëhet pjesë e procesit më strategjik të vendit, atë të integrimit në BE”, deklaroi Snopçe.

Ndryshe, sot kryetari i Aleancës për Shqiptarët, Arben Taravari në konferencë për shtyp hodhi poshtë tezën e VMRO-DPMNE-së për t’i mbështetur ndryshimet kushtetuese pas anëtarësimit në Bashkimin Evropian duke theksuar se kjo bie ndesh me kornizën negociuese të vet Bashkimit Evropian.

“Edhe pse kushtet opozitës maqedonase janë konfuze dhe jashtë realitetit, ne përshëndesim gatishmërinë e re të VMRO-së për të votuar ndryshimet kushtetuese. Siç e dimë të gjithë, korniza jonë kushtetuese, e miratuar nga 27 vende anëtare të BE-së, kushtëzon në mënyrë të qartë hapjen e negociatave me përmbylljen e ndryshimeve kushtetuese. Pra së pari na nevojiten ndryshimet kushtetuese dhe më pas hapja e negociatave. Andaj vlerësoj se kushti i opozitës maqedonase për ndryshime kushtetuese suspenzive, është thjesht i parealizueshëm, dhe ai bie ndesh me kornizën negociuese të BE-së”, deklaroi kryetari i Aleancës për Shqiptari, Arben Taravari.

https://www.facebook.com/100041636515714/posts/pfbid02yc2EtCmtzr7LpZToKbHATCKxj9Cob6nuaspLeg2qXZJa6AuQ9uqHi1w7aaYt4uALl/?mibextid=cr9u03

Continue Reading

Lajme

Taravari viziton pacientët nga tragjedia e Koçanit në spitalin “Çam dhe Sakura” në Stamboll

Published

on

By

Ministri i Shëndetësisë njëkohësisht kryetari i Aleancës për Shqiptarët, Arben Taravari, i shoqëruar nga përfaqësues të Konsullatës së Maqedonisë së Veriut në Stamboll, vizitoi sot spitalin “Çam ve Sakura” në Stamboll, ku po trajtohen dy nga të rinjtë e plagosur në tragjedinë e rëndë të ndodhur në Koçan.

Në këtë spital ishin të shtruar fillimisht gjashtë pacientë, prej të cilëve katër janë liruar tashmë pas përmirësimit të gjendjes shëndetësore dhe janë kthyer në shtëpi. Dy pacientët e mbetur, Martini dhe Borisi, ndodhen në gjendje stabile dhe po vazhdojnë rikuperimin e tyre.

Gjatë vizitës, Taravari u takua edhe me prindërit e pacientëve, duke u shprehur mbështetje dhe solidaritet në këto momente të vështira. Ai shprehu mirënjohje të veçantë ndaj doktorit Mustafa Turan dhe konsullit të Maqedonisë së Veriut në Stamboll, Idriz Fazlioski, për kujdesin dhe përkushtimin e treguar. “Dhimbjen e freskët të Koçanit e lehtësojnë disi Martini dhe Borisi, të cilët janë më mirë dhe së shpejti i presim në shtëpi. Faleminderit e dashur Turqi për gjithë kujdesin dhe mikpritjen,” theksoi Taravari.

Vizita e sotme shënoi një akt të rëndësishëm të përkujdesjes dhe solidaritetit institucional ndaj të prekurve nga kjo ngjarje tragjike.

Continue Reading

Lajme

Mbi 70 për qind e qytetarëve me mendim pozitiv për menaxhimin e tragjedisë së Koçanit nga ministri Taravari

Published

on

By

Qytetarët kanë vlerësuar punën e ministrit të Shëndetësisë Arben Taravari, për menaxhimin e tragjedisë së Koçanit me notë pozitive. Institucionet kompetente u treguan efektive në trajtimin e pasojave të tragjedisë në Koçan. Përqindja e qytetarëve në këtë anketë që besojnë se autoritetet shëndetësore iu përgjigjën me sukses numrit të madh të të lënduarve nga zjarri në diskotekën “Pulse” në Koçan më 16 mars, është veçanërisht e lartë.

 

Këto janë pjesë nga rezultatet e anketës së opinionit publik të realizuar nga agjencia Market Vision për MKD. Dy të tretat e të anketuarve besojnë se institucionet kompetente në mënyrë efektive u përballën me pasojat e tragjedisë në Koçan. 35.3 për qind e të anketuarve thonë se përgjigja e institucioneve kompetente ndaj kësaj tragjedie ka qenë joefektive.

Më shumë se 70 për qind e të anketuarve besojnë se autoritetet shëndetësore kanë trajtuar efektivisht numrin e madh të të lënduarve nga zjarri në Koçan. Përqindja e qytetarëve të pakënaqur me autoritetet shëndetësore është 21.8%.

Anketa u realizua nga 20 mars deri më 17 prill duke përdorur metodën CATI – anketë telefonike me kompjuter në një kampion prej 1200 të anketuarve (gabim statistikor: 3%; intervali i besueshmërisë: 95%). Mostra është përfaqësuese në nivel të Maqedonisë sipas: rajonit, gjinisë, moshës dhe përkatësisë etnike sipas të dhënave për popullsinë rezidente nga regjistrimi i vitit 2021.

Continue Reading

Lajme

Valbon Limani përfaqëson Gostivarin në Unionin e Bashkive nga Bota ku jeton komuniteti Turk në Stamboll

Published

on

By

 

Stambolli, një nga kryeqendrat botërore, ka mbledhur sërish të gjitha bashkitë nga mbarë bota ku jeton komuniteti turk. Kryetari i Komunës së Gostivarit, Valbon Limani, së bashku me kryetarin e Këshillit të Komunës, Namik Durmishi, ishin pjesë e kësaj asambleje dhe përfaqësuan me krenari këtë komunitet, i cili është kaq i rëndësishëm dhe i dashur për Gostivarin.

Në një status në Facebook, Limani theksoi se është i lumtur që kishte mundësinë të përfaqësonte këtë komunitet dhe se ishte një nder të ishte pjesë e një ngjarjeje kaq të rëndësishme për lidhjet ndërkombëtare dhe forcimin e bashkëpunimit ndërmjet komunitetit turk dhe qytetit të Gostivarit.

Continue Reading

TOP Lajme