Zëvëndëskryeministri, Arben Fetai, ka reaguar pas deklaratës së kryetarit të LSDM-së, Venko Filipçe, i cili tha se LSDM është distancuar nga BDI sepse kjo parti është sinonim i korrupsionit. Në këtë drejtim Fetai ka ironizuar në formën e asaj që gjithkush po distancohet nga BDI sikur nga murtaja.

“Çdo faktor, qoftë i brendshëm apo i jashtëm, tashmë është distancuar nga DUI sikur nga murtaja. Tani e tutje, kontaktet e vetme që DUI do të ketë me botën e jashtme përmbledhen me dy fjalë: prokuroria dhe gjykata”, ka shkruar zëvëndëskryeministri, Arben Fetai.

Ministri i Shëndetësisë, Arben Taravari premton që në të ardhmen do të ketë më tepër termine për kontroll të pacientëve nëpër specializantë, përcjell TV21. Taravari thotë se në shtet funksionon shëndetësia primare dhe terciale, por që problemi qëndron te shëndetësia sekondare, çështje kjo që ministri pret të rregullohet me decentralizimin.

“Unë sot kisha takim me institucionin “Termini im”, u morëm vesh që të bëjmë sa më shumë hapësirë për kontroll të pacientëve, sa më shumë termine, sidomos në brendësinë e shtetit, por edhe në shtëpitë e shëndetit. Nuk kam informatë që diku nuk punon rentgen aparati, nëse ka informatë të tillë, duhet menjëherë të reagohet dhe të ndërmerren masa, pajtohem që shumica e pacientëve dërgohen në shëndetësinë terciale, që nuk është në rregull”, tha mes tjerash Taravari.

Zv.kryeministri Arben Fetai ka reaguar pas vendimit të presidentes maqedonase, Gordana Siljanovska, për të mos e firmosur Dekretin e Ligjit për mbrojtjen e fëmijëve për shkak të amendamenteve për licencat në dy gjuhë.

Në një prononcim për gazetën LAJM, Fetai u zotua se licencat për edukatorët shqiptarë do të jenë në gjuhën shqipe.

“Është për keqardhje mosdekretimi i ligji në fjalë. Kjo është njëfarë fitore e populizmit, e SDMS-së dhe Levicës, të cilët në këtë drejtim po dëshmojnë se nuk dallojnë fare. Mua më vjen keq që një SDSM që vazhdimisht është thirrur në promovimin e të drejtave të të gjitha bashkisë dhe veçanërisht të drejtave gjuhësore, sot nuk ka fare dallim nga Levica e Apasievit. Ligji në fjalë i ka kaluar procedurat në Qeveri dhe Parlament dhe unë garantoj që për edukatorët shqiptar, licencat do të jenë në gjuhën shqipe, pavarisht lëvizjeve politike që bëhen tani për tani për arsye populiste”, tha Fetai në një prononcim për gazetën LAJM.