Connect with us

Lajme

Zv.ministri i Kulturës, Sadat Sulejmani paralajmëron zgjidhjen e statusit të 33 artistëve të Ansamblit

Published

3 months ago

on

Do të zgjidhet statusi i artistëve të Ansamblit të Këngëve dhe Valleve Shqiptare, të cilët mbetën pa punë pasi që paraprakisht u skadoi kontrata. Këtë e thekson zëvendësministri i Kulturës, Sadat Sulejmani në një deklaratë për Alsat, pas seancës së sotme kuvendore ku në rend dite ishte ndryshimi i Ligjit për Kulturë, i cili parasheh që punëtorëve kulturorë të punësuar me kontrata t’u jepen vendime pune.

“Sot e dhamë propozim-ligjin dhe isha para deputetëve, e arsyetova pse duhet të ky ligj të ndërrohet. Ligji ka të bëjë me transferimin e kontratave të cilat janë me kohë të pacaktuar në kontrata me afat të papërcaktuar, gjegjësisht me vendim pune. Kjo ishte që sot e dhamë propozimin dhe besoj që për kohë të shkurtër këtë çështje do ta zgjidhim”, tha Sadat Sulejmani, zëvendësministër i Kulturës.

Në lidhje me akuzat për keqpërdorime nga drejtori i Ansamblit Shkodran Tolaj, zëvendësministri tha se prej sot ministria ka dërguar ekip inspektues, i cili duhet të hartojë raport për gjendjen në Ansambël.

“Sa i përket keqpërdorimeve, të cilat i ka bërë drejtori në fjalë, ne prej sot kemi dërguar inspektim te drejtoria apo tek Ansambli i Këngëve dhe Valleve Shqiptare dhe do të presim raporti si do të vijë. Sa i përket asaj se ka pasur mobing. I udhëzoj të gjithë ata që kanë pasur probleme me drejtorin, të drejtohen në Prokurori, pasi nuk është punë e ministrisë”, theksoi Sadat Sulejmani, zëvendësministër i Kulturës.

Zëvendësministri, thekson se pret që deri në fund të javës, Ministria e Financave t’u japë përgjigje pozitive për kërkesën për punësime në Ansambël, ndërkaq konkursi do të hapet pas përfundimit të raportit nga ana e Inspektoratit.Gjatë ditëve të kaluara ka pasur reagime të ashpra për shkak të situatës së krijuar ku 33 të punësuar në këtë institucion kulturor kanë mbetur pa punë. Artistët, nëpërmjet një konference për shtyp akuzuan drejtorin për mobing dhe keqtrajtim në punë, të cilat Tolaj i hodhi poshtë. Reagime pati edhe nga punëtorë tjerë kulture, të cilat kanë akuzuar drejtorin se po e trajton institucionin si pronë private./Alsat.mk

Related Topics:
Continue Reading

Lajme

Nënkryetari i degës së BDI Tetovë, Mickoskit: Të lutem ma mundëso të mbetem drejtor, nuk jam anëtar i ndonjë partie politike

Published

1 hour ago

on

November 15, 2024

By

U.d. Drejtori i Institucionit Publik Parku Kombëtar Sharr, Ibrahim Dehari tha se, në mbledhjen e Bordit që pritet të mbahet sot, do të bëhet edhe largimi i tij, që për këtë, iu drejtua edhe me një letër kryeministrit të vendit, Hristijn Mickoskit, përcjell TV21. Dehari tha se edhe pse është emëruar në pozitën e tij nga qeveria e kaluar, ai nuk është pjesë e ndonjë partie dhe për këtë, i kërkoi kryeministrit që t’ia mundësoj siç thotë, të vazhdoj me sukseset në këtë institucion.

Dehri numëroi një numër të arriturash që nga emërimi i tij dhe shtoi se është i gatshëm ta pranoj sfidën duke shpresuar që do t’i mundësohet të vazhdoj pa pengesa angazhimin e tij “që të ndalen të gjitha “dhunimet” e Malit Sharr në interes të njerëzve dhe natyrës në Maqedoni”.

“Po iu drejtohem juve dhe gjithë publikut me informacionin se nesër është caktuar mbledhja e parë konstituive e Bordit të ri Drejtues, i cili do të udhëheq me Institucionin Publik Parku Kombëtar Mali Sharr, ku pritet të ndodhë edhe ndërrimi im.

Me gjithë respektin e duhur ndaj Qeverisë, si një mundësi e fundit për të vazhduar punën e suksesshme, sot iu drejtova me shkrim Kryeministrit. Letrën po e ndaj me ju në mënyrë të plotë”, ka shkruar Dehari./TV21/

Continue Reading

Lajme

Ibrahim Dehari i “qahet” Mickovskit: Të lutem mos më largo nga pozita e Drejtorit

Published

18 hours ago

on

November 14, 2024

By

Ibrahim Dehari, ish kryetar i Degës BDI-së, funksionar i BDI-së dhe njëherit drejtor i Parkut Kombëtar Mali Sharr, ka drejtuar letër publike drejt kryeministrit Hristijan Mickoski që mos e largoj nga pozita e drejtorit.

Tentativa e Deharit është për të fshehur keqpërdorimet që ka bërë në këtë institucion së bashku me bashkëpuntoren e tij Anela Starevska nga projekte të ndryshme vendore dhe ndërkombëtare.

Letra e plotë e Deharit

Continue Reading

Lajme

Kadriu: VLEN ka marrë shtatë pozita më shumë se sa kur vet BDI-drejtonte spitalin e qytetit të Kumanovës

Published

2 days ago

on

November 13, 2024

By

Shkruan Gëzim Kadriu, Nënkryetar i Aleancës për Shqiptarët

Po i ndjek disa zyrtarë të BDI-së opozitare në qytetin e Kumanovës të cilët po reagojnë me statuse në fb, duke u munduar tê paraqesin në opinion gjendjen e zymtë të përfaqësimit të shqiptarëve në institucionet shëndetësore.

Për fatin e keq të BDI-së dhe për fatin e mirë të shqiptarëve realiteti është me sa vijon:

Në spitalin e Kumanovës VLEN ka arritur marrëveshje me partnerët e koalicionit për shtatë pozita udhëheqëse më shumë se BDI kur ishte në pushtet, që do të udhëhiqen për herë të parë nga kuadro shqiptare, mjek profesionistë, edhe atë:

1.Repartin e Rengenit
2.Repartin e Gjinekologjisë
3.Repartin e Sëmëndjeve Interne
4.Repartin e Neurologjisë
5.Barnatoren e Spitalit
6.Sekretari i përgjithshëm i spitalit
7.Udhëheqësin e sektorit për Punë Juridike.

Continue Reading

TOP Lajme