Connect with us

Lajme

Votimi i të burgosurve dhe të sëmurëve po zhvillohet pa probleme, bëjnë të ditur KSHZ

Published

on

Të drejtën e votës sot do të mund ta ushtrojnë 2569 votues në 31 vendvotime në PKV, ku janë regjistruar për të votuar dhe aplikimet e të cilëve janë pranuar nga Komisioni Shtetëror i Zgjedhjeve.

Sot në qendrat e votimit në 14 IEVP do të mund të ushtrojnë të drejtën e votës 2147 zgjedhës. Të gjitha qendrat e votimit në IEVP janë hapur në orën 7:00 të mëngjesit të sotëm dhe votimi atje do të vazhdojë deri në orën 19:00.

Deri në këtë moment votimi po vijon pa problem. Gjatë ditës së sotme dy votues, të cilët identifikohen si të zhvendosur brenda vendit, do të mund të ushtrojnë të drejtën e votës në të vetmen qendër për personat e zhvendosur brenda vendit.

Këshillat zgjedhorë në Republikën e Maqedonisë së Veriut gjatë ditës së sotme do të bëjnë votimin e personave të sëmurë ose të paaftë, të cilët kanë dorëzuar njoftime me dokumentacion përkatës deri te komisionet komunale zgjedhore. Të drejtën e votës në banesat e tyre do ta ushtrojnë 6935 qytetarë të regjistruar si të sëmurë apo të pafuqishëm.

Sot, 534 zgjedhës, të vendosur në 20 qendra të kujdesit jashtëfamiljar, do të kenë mundësinë të ushtrojnë të drejtën e votës në qendrën ku ndodhen. Ekziston një interes i theksuar për vëzhgimin e këtyre zgjedhjeve nga organizata dhe media vendase, të huaja dhe ndërkombëtare. Komisioni Shtetëror i Zgjedhjeve deri më tani ka akredituar për vëzhgim 342 vëzhgues vendas, 517 vëzhgues të huaj dhe ndërkombëtarë, 51 përkthyes dhe 32 gazetarë të huaj. Faqja e KSHZ-së, www.sec.mk, si dhe faqet e rrjeteve sociale “Facebook”, X, “Instagram”, si dhe kanali YouTube janë në dispozicion të të gjithë qytetarëve, ku do të mund të gjeni informacion në kohë dhe të saktë në lidhje me zgjedhjet.

Në listën zgjedhore me të drejtë vote në këto zgjedhje janë regjistruar gjithsej 1.814.317 zgjedhës.

Continue Reading

Lajme

ASH: Ndryshime të reja në propozim ligjin për lojërat e fatit – Mexhiti, mbrojtësi kryesor i oligarkëve të bixhozit

Published

on

By

Skandali me propozim ligjin e ri të lojërave të fatit po merr përmasa edhe më të mëdha. Qeveria ka dorëzuar në Kuvend ndryshime të tjera që parashikojnë organizimin e lojërave të fatit online edhe nga subjekte private, ashtu siç ka qenë edhe më herët.

Neni 7, paragrafi 4, parasheh që: “Për qëllime të organizimit të lojërave të fatit elektronike dhe në internet, shoqëria tregtare ku Republika e Maqedonisë së Veriut është aksionari i vetëm mund të angazhojë subjekte të jashtme juridike përmes thirrjes publike.”

Me këtë dispozitë bie poshtë edhe argumenti i vetëm që VLEN ka përdorur për të mbuluar mashtrimin e saj – gjoja “mbylljen e lojërave të fatit në internet”. E vërteta është se bixhozi nuk largohet as nga shtëpitë, as nga duart e fëmijëve tanë.

Me VLEN-in, bixhozi jo vetëm që nuk u mbyll, por mori fuqinë më të madhe nga vetë shteti.

Kumbari i botës së bixhozit, Izet Mexhiti, as ka fuqi e as dëshirë për të ndaluar lojërat e fatit. Përkundrazi, ai është mbrojtësi dhe përfituesi më i madh i oligarkëve të bixhozit. Arsyeja është e thjeshtë: është bashkëpjesëmarrës në zhvatjen e popullatës përmes kazinove dhe platformave online të bixhozit.

Ky është tradhtim i hapur ndaj premtimeve elektorale dhe një sulm i drejtpërdrejtë ndaj mirëqenies sociale dhe ekonomike të qytetarëve.

Aleanca për Shqiptarët do të përdorë çdo mjet politik dhe institucional për të ndaluar këtë krim të legalizuar ndaj popullit. Qytetarët meritojnë transparencë, jo mashtrim.

Aleanca për Shqiptarët

Continue Reading

Lajme

Alarm i rremë për bombë në Aeroportin e Shkupit

Published

on

By

Sot (16.08.2025), në orën 02:41, në numrin e urgjencës 112 është marrë një njoftim për një bombë të vendosur në një aeroplan që nga “Aeroporti Ndërkombëtar i Shkupit” duhej të nisej për në Turqi. Menjëherë pas marrjes së njoftimit u ndërmorën veprimet e duhura dhe u kryen kontrollet e nevojshme nga njësia antiterror e MPB-së, ku u konstatua se bëhej fjalë për një alarm të rremë dhe se nuk kishte asnjë mjet shpërthyes.

Rreth orës 06:00, aeroporti rifilloi punën e rregullt.

Continue Reading

Lajme

Blerant Ramadani në Radushë: Kërkoj ide që nesër t’i kthej në vepra

Published

on

By

Kandidati për kryetar të Sarajit, Blerant Ramadani ka njoftuar se sot ka qëndruar në Radushë ku ka takuar banorët në këtë fshat, njofton Top24

“Në Radush, në një takim vëllazëror me aktivin politik. Dëgjuam me respekt çdo sugjerim e ide, sepse nesër ato duhet t’i kthejmë në vepra, bashkë. Vetëm të bashkuar , mund ta bëjmë Radushën dhe Sarajin më të fortë, më të bukur dhe më të zhvilluar.

Continue Reading

TOP Lajme