Javën e ardhshme, në seancë qeveritare pritet të miratohet Propozim-Ligji për Përfaqësimin e Drejtë dhe Adekuat në administratën shtetërore dhe publike.

Pas miratimit nga Qeveria, ligji do të dërgohet në Komisionin e Venecias për shqyrtim dhe vlerësim. Sipas praktikave të mëparshme në rastin e Maqedonisë së Veriut, procedura e shqyrtimit në këtë komision ndërkombëtar zgjat zakonisht nga 2 deri në 4 muaj, përcjell INA.

Sipas këtij tajmingu, ligji i tillë pas Venecias mund të hyjë në rend dite dhe të miratohet pas zgjedhjeve lokale.

Pas opinionit të Komisionit të Venecias, propozim-ligji do të procedohet në Kuvend për miratimin përfundimtar.

Ky akt ligjor do të zëvendësojë mekanizmin aktual të njohur si “balancuesi”, i cili deri tani ka qenë instrumenti kryesor për zbatimin e përfaqësimit të drejtë të komuniteteve në institucionet publike.

Megjithatë, mekanizmi i balancuesit ka qenë shpesh objekt debatesh, për shkak të mungesës së efektivitetit dhe zbatimit të njëtrajtshëm në praktikë, duke lënë hapësirë për interpretim të ndryshëm dhe shmangie të qëllimshme në disa raste.

Ky është një hap i rëndësishëm drejt përforcimit të barazisë dhe standardeve demokratike në përfaqësimin institucional të të gjitha komuniteteve në vend./INA/

Popomziteti për një ligj për përfaqësim të drejtë është një tentim i VLEN-it për të defokusuar opinionin rreth premtimit për punësimin e 2500 shqiptarëve. Ky defokusim tani vjen pas publikimit të lajmit në INFOMAX dhe disa media të tjera Maqedonase duke që kryeministri Mickovski u ka ndaluar këtë propagandë dhe një mashtrim që u bëhej qytetarëve për të kaluar në një propozim ligj diskriminues dhe nënçmues që nuk sanksionon mos zbatimin e tij e as askush nuk do ta kontrolloj këtë ligjm shkruan Top24

Ndryshe nga ana tjetër VLEN pati nisur një fushatë të nxehtë folklorike për punësimin e 2500 shqiptarëve që realisht edhe po të ishte premtim serioz një proces të tillë nuk lejojnë afatet ligjore përshkak të shpalljes së zgjedhjeve lokale.

Mesut Bajrami, anëtar i Kryesisë Qendrore të Alternativës, ka reaguar ashpër në rrjetin social Facebook, duke kërkuar përgjegjësi dhe transparencë nga zyrtarët e partisë së tij.

Në statusin e tij publik, Bajrami i drejtohet drejtpërdrejt kryetarit të Alternativës Zeqirija Ibrahimi dhe Bashkim Murtezi, duke kërkuar që ata të dalin dhe të sqarojnë publikisht se kush po përfiton nga tenderët në Shtëpinë e Shëndetit në Kumanovë.

“Zeqirija Ibrahimi dhe Bashkim Murtezi, dilni dhe tregoni kush po vjedh edhe nga tenderët e Shtëpisë së Shëndetit në Kumanovë!” – shkruan Bajrami.

Ky reagim vjen në një kohë kur në opinionin publik janë shtuar zërat për një përplasje mes Afrim Gashit dhe Zeqirja Ibrahimit.

Deri më tani, nuk ka pasur ndonjë reagim zyrtar nga Alternativa ndërkohë që pritet që kjo deklaratë të ngjallë diskutime brenda vetë partisë. / TS/