Lajme

Vetëm flamuri shqiptar në zyrën e Taravarit, reagojnë portalet maqedonase

Published

9 months ago

July 11, 2024

Admin01

Portalet maqedonase i kanë reaguar kryetarit të ASh-së njëherit edhe Ministër i Shëndetsisë pas publikimit të një fotografie nga kabineti i tij, ku shihet vetëm flamuri shqiptar përskaj flamurit amerikan dhe europian.
Mungesën e flamurit maqedonas në zyrën e Taravarit e kanë vërejtur disa media të vilat i kanë reaguar për ketë.

“Pas koordinimit të parë të ministrave shqiptarë në Qeveri, nuk kishte flamur maqedonas por vetëm flamur shqiptar, tani praktika vazhdon në kabinetet e ministrave.

Sot në njoftimin e Arben Taravarit në rrjetet sociale shihet se në kabinetin e tij ka vend vetëm për flamurin shqiptar, amerikan dhe të BE-së, por flamuri maqedonas nuk gjendet askund.
Përdorimi i flamujve ishte një nga çështjet kryesore që VMRO-DPMNE shpesh e ka ngritur në publik dhe e ka sulmuar LSDM-në. Në skandalin e parë në qeverinë e re, kur nuk u vendos flamuri maqedonas, u shpreh edhe Maksim Dimitrievksi nga ZNAM, i cili kërcënoi se do të largohej nga qeveria nëse incidenti i tillë përsëritet. Por më pas Kasami dhe Taravari reaguan ashpër ndaj tij duke i thënë se fushata zgjedhore kishte mbaruar, gjë për të cilën ZNAM nuk komentoi më.

Tani shtrohet pyetja nëse kjo praktikë, e cila është shumë e qartë se do të përsëritet, do të jetë sërish një rast për turbullira në koalicion. Partitë shqiptare duket se vazhdojnë praktikën e tyre pa u shqetësuar për porositë e partnerëve të koalicionit”.-shkruajnë Lokalno.mk, Info24 dhe fisa media të tjera.

Lajme

Vdiq Papa Françeksu

Published

20 hours ago

April 21, 2025

I N

Vatikani njoftoi të hënën se ka vdekur Papa Françesku, raporton agjencia e lajmeve “Reuters”.

Ai ishte në moshën 88-vjeçare dhe kohëve të fundit kishte probleme shëndetësore.

Lajme

MPB: Ndalohen gjashtë persona, kapen me marihuanë

Published

20 hours ago

April 21, 2025

I N

MPB Maqedoni njofton se dje janë ndaluar pesë persona nga Shkupi dhe një nga Kumanova, të cilët dyshohen për tregti me lëndë narkotike.

“Me datë 20.21.04.2025 në lokacione të ndryshme në Shkup, nëpunës policorë nga SPB Shkup kanë privuar nga liria F.XH. (47), P.R (32), E.I. (39), A.I. (36) dhe I.XH. (40), të gjithë nga Shkupi dhe A.A. (50) nga Kumanova, pasi iu gjet dhe u sekuestrua marihuanë dhe një lëndë e bardhë kokrrizore”.

“Pas dokumentimit të plotë të rasteve, do të pasojnë parashtresat përkatëse”, thonë nga MPB.

Lajme

Jahoski, pronari i “Pucko Petrol” ofron 2 milionë euro garanci për të dalë nga paraburgimi

Published

20 hours ago

April 21, 2025

I N

Pronari i kompanisë “Pucko Petrol” Asmir Jahoski ofron 2 milionë euro garanci për lirim nga paraburgimi, pohojnë burime në sistemin gjyqësor të njohur me rastin, transmeton portali expres.mk

Sipas burimeve të portalit, të enjten, mbrojtja e Jahoskit, i cili është djali i deputetit të BDI-së, Ismail Jahoski, ka ofruar prona në vlerë prej 2 milionë eurosh në përpjekje që gjykata të lejojë që Asmiri të mbrohet nga burgu në rastin me vlerë mbi 160 milionë euro.

Vendimin zyrtarisht nesër do ta marrin tre gjyqtarë nga Gjykata Penale në Shkup, të cilët do të vlerësojnë nëse Jahoski, pasuria e të cilit llogaritet në dhjetëra milionë euro, duhet të lirohet në shtëpi.

Tre gjyqtarët duhet të ofrojnë një analizë të duhur ligjore nëse, pesë javë pasi Asmir Jahoski iu dha paraburgimi për shkak të rrezikut të arratisjes ose ndikimit të dëshmitarëve, ai tani mund të mbrohet nga liria.

Njëri nga 13 të dyshuarit për blerjen e lëndës djegëse toksike për TEC-in e Negotinës, Asmir Jahoski, djali i deputetit të BDI-së, Ismail Jahoski, nesër pritet të lirohet nga paraburgimi.

Burime në Prokurorinë Publike për Krim të Organizuar dhe në Gjykatën Penale të Shkupit pohojnë për expres.mk se për anëtarët e familjes së tij dhe BDI-së kjo është punë e kryer.

Operacioni për daljen nga paraburgimi Jahoski përmes avokatëve të tij e ka nisur katër ditë më parë të enjten e madhe kur në gjykatë është dorëzuar kërkesa për ndërprerje të paraburgimit dhe lirim.

Tani burimet pohojnë se pasi Abazi ka dhënë mendimin e tij se Jahoski duhet të lirohet, Gjykata Penale e Shkupit nesër do të vendosë për lirimin e djalit të deputetit të BDI-së nga burgu i Shutkës.