Sekretari i Aleancës për Shqiptarët, Blerant Ramadani, ka reaguar pas pezullimit të Dialogut Strategjik mes Kosovës dhe Shteteve të Bashkuara të Amerikës, duke e cilësuar këtë zhvillim si shqetësues jo vetëm për Kosovën, por edhe për shqiptarët në Maqedoninë e Veriut.

“Ky zhvillim na dhemb edhe neve si shqiptarë në Maqedoninë e Veriut, sepse Kosova është shteti ynë fqinj dhe pjesë e pandashme e kombit tonë,” shkroi Ramadani.

Ai theksoi se marrëdhëniet e Kosovës me SHBA-në janë “pasuri kombëtare dhe garancia më e madhe për paqe e zhvillim në rajon”, duke bërë thirrje për unitet, maturi dhe reflektim në këto momente.

Ramadani shprehu bindjen se partneriteti mes Kosovës dhe SHBA-së do të riforcohet, duke u thelluar në shërbim të qytetarëve dhe stabilitetit rajonal.

Sot në seancën parlamentare deputeti i Aleancës për Shqiptarër Halil Snopçe ka reaguar zëvendëskryeministrit Izet Mexhiti duke ia cituar thënien: “Fshije gishtin tënd përpara se të ma tregosh njollën time”, shkruan Top24

Zoti Mexhiti flet kundër Aleancës për Shqiptarët dhe Taravarin duke na akuzuar për bashkëpunim me BDI-në dhe unë habitem se ku e kanë bërë ekzorcizmin që aq fuqishëm qenkan pastruar nga djalli, respektivisht nga krimi, nga korupcioni, nga nepotizmi. Sipas zotit Mexhiti gjithçka që paska bërë keq BDI-ja e paska bërë pa grupin e z. Mexhiti. Unë e kujtova se BDI-ja në pushtet pa Izet Mexhitin ka qenë vetëm një vit.

E shpreha habinë se si mund të sillen sikur të kenë ardhur në këtë botë në momentin që janë ndarë nga BDI-ja. E çuditshme eshte sjellja e tyre si opozitë e opozitës. Sipas Mexhitit, për gjithçka na paska qenë fajtore opozita.

I thash se në këtë formë ai e bën vetkritikën e vet. Me këtë qasje z. Mexhiti i thotë të tjerëve “mos u bëni si ne”.

Zoti Mexhiti ka një tendencë të bëhet viktimë e krijesës së vet.

E kujtova z. Mexhiti se ai ka qenë më shumë në pushtet se vet Ali Ahmeti. Vetëm një vit ka qenë në opozitë, e nga ana tjetër BDI-ja në opozitë është 1.5 vite. I bie që në total Izet Mexhiti ka qenë gjashtë muaj më shumë në pushtet në krahasim me Ali Ahmetin.

Paradoksalisht edhe për Çairin e akuzojnë opozitën e nga ana tjetër gjithnji e kanë udhëhequr Çairin.

E akuzoni opozitën edhe për regjistrimin e nga ana tjetër ju keni qenë ato që e keni përkrahur regjistrimin. Nuk e çolët gojën për zvoglimin e numrit të këshilltarëve. Asgjë nuk u bë për mbylljen e kazinove. Bile parashtrova pyetjen tani a kemi më shumë apo më pak kazino. Thash se edhe une vet jam mashtruar nga premtimi për mbylljen e kazinove.

https://www.facebook.com/Topp24.mk/videos/1335028908200783/

Ambasada në Prishtinë – Deklaratë për Njoftimin e Ndërprerjes së Dialogut Strategjik me Kosovën

Shtetet e Bashkuara kanë pezulluar në mënyrë të pakufizuar Dialogun e planifikuar Strategjik me Kosovën për shkak të shqetësimeve lidhur me veprimet e qeverisë kujdestare, të cilat kanë rritur tensionet dhe paqëndrueshmërinë, duke kufizuar aftësinë e Shteteve të Bashkuara për të punuar në mënyrë produktive me Kosovën mbi prioritetet e përbashkëta.

Ne mbetemi të përkushtuar për të avancuar interesat e përbashkëta që ndajnë Shtetet e Bashkuara dhe populli i Kosovës. Marrëdhënia jonë me Kosovën bazohet në një qëllim të përbashkët: forcimin e paqes dhe stabilitetit si bazë për prosperitet ekonomik të ndërsjellë. Fatkeqësisht, veprimet dhe deklaratat e fundit të Kryeministrit kujdestar Kurti kanë sjellë sfida për progresin e arritur gjatë shumë viteve.

Dialogu strategjik kishte për qëllim forcimin e lidhjeve ekonomike dhe diplomatike për përfitim të popullit amerikan dhe atij kosovar. Shpresojmë të ndjekim këto përpjekje në të ardhmen, kur të jetë e përshtatshme. Ne e dimë se ky është një qëllim i prioritet i popullit të Kosovës.

https://www.facebook.com/share/p/17GZJkHUJS/?mibextid=wwXIfr