Aleanca për Shqiptarët rikujton se pika e tetë e Platformës Kombëtare e saj përqendrohet te Decentralizimi i Administratës Publike dhe Siguria Publike, si shtylla kryesore për zhvillimin e qëndrueshëm të vendit dhe fuqizimin e komunave shqiptare.

Ne besojmë se fuqizimi i komunave është parakusht për vendimmarrje autonome, zbatim efektiv të projekteve lokale dhe adresim të nevojave reale të qytetarëve. Në këtë drejtim, Aleanca për Shqiptarët angazhohet për:

Transferim të plotë të kompetencave dhe buxheteve te komunat shqiptare.

Forcim të institucioneve lokale përmes transparencës maksimale dhe qeverisjes së drejtë dhe të përgjegjshme.

Riorganizim të administratës komunale mbi bazën e meritokracisë, profesionalizmit dhe etikës, duke eliminuar klientelizmin dhe punësimet politike.

Digjitalizim të shërbimeve komunale, për t’i bërë ato më të shpejta, efikase dhe të qasshme për çdo qytetar.

Në fushën e sigurisë publike, Aleanca për Shqiptarët garanton:

Përfaqësim të barabartë të shqiptarëve në polici dhe zjarrfikës.

Investime të vazhdueshme në ndriçim publik, kamera sigurie dhe rrugë të sigurta.

Bashkëpunim aktiv me strukturat e lagjeve për parandalimin e kriminalitetit dhe përdorimit të substancave të dëmshme, nën konceptin “Lagje e Sigurt”, ku përgjegjësia për sigurinë është e drejtpërdrejtë në çdo njësi lokale.

Aleanca për Shqiptarët thekson se barazia reale dhe përfaqësimi i drejtë në të gjitha nivelet e shtetit janë shtylla mbi të cilat duhet të ndërtohet një pakt i ri politik mes shqiptarëve dhe maqedonasve. Një shtet demokratik nuk mund të funksionojë mbi bazën e margjinalizimit, prandaj një decentralizim i vërtetë në nivel lokal është i domosdoshëm.

Ne i bëjmë thirrje të gjitha partive shqiptare, sektorit civil, intelektualëve dhe të gjitha shtresave shoqërore të përkrahin këtë pakt politik të propozuar, si garanci për një shtet funksional, të barabartë dhe evropian.

Aleanca për Shqiptarët paralajmëron se qeveria aktuale po përgatit një ligj për vetëqeverisje lokale që është centralizim plus, një hap i papranueshëm që e mohon autonominë komunale dhe është një nga arsyet kryesore për të braktisur këtë qeveri antishqiptare dhe tashmë monoetnike.

Aleanca për Shqiptarët qëndron e vendosur për decentralizim të plotë, siguri publike dhe barazi reale për qytetarët shqiptarë në Maqedoninë e Veriut.

Aleancës për Shqiptarët

Para disa ditësh, kryetari i Komunës së Tetovës, Bilall Kasami deklaroi se në muajin tetor, skuadra e Shkëndijës do të zhvillojë ndeshje në stadiumin e ri, duke theksuar se punimet po ecin sipas dinamikës së paraparë.

Portali TS sot ka qenë në vendin e ngjarjes dhe situata në terren tregon një realitet krejt ndryshe – ndërtimi i stadiumit, me këtë ritëm, nuk pritet të përfundojë as për 20 vite, e jo më deri në tetor siç pretendon kryetari i komunës.

Kontrata për ndërtimin e stadiumit është nënshkruar më 18 mars 2024,(Që mund të shihet më poshtë), pra ka kaluar gati 2 vite.

Sipas kontratës së nënshkruar ndërmjet Ndërmarrjes Publike “Tetova-Transport” (në emër të Komunës së Tetovës) dhe kompanisë “EProperty – Ekologu”, dinamika e ndërtimit ishte përcaktuar kështu:

Në vitin e parë duhet të përfundohej 28.66% e punimeve,

Në vitin e dytë 37.22%,

Dhe në vitin e tretë 34.12%.

Tani jemi drejt fundit të vitit të dytë dhe sipas dinamikës është dashur të jetë 65.88% e ndërtimit, sipas pamjeve të publikuara nga vetë Bilall Kasami si dhe videove të portalit TS, është e dukshme se deri më tani janë realizuar vetëm 5-7% e punimeve totale në stadium.

Atëherë shtrohet pyetja: Si do të përfundohet stadiumi brenda muajit tetor, kur kanë mbetur më pak se një muaj, ndërsa punimet janë në vetëm 5%?

Duhet të përfundohen edhe 95% të punimeve që stadiumi të jetë gati për të pritur ndeshje.

Nga ana tjetër, burime të portalit TS bëjnë të ditur se kompania EProperty ka lëshuar fatura në vlerë mbi 1 milionë euro, ndërsa Ndërmarrja “Tetova-Transport” nuk ka paguar ende asnjë shumë.

Nëse vazhdohet me këtë ritëm, sipas “dinamikës” së paraqitur nga Bilall Kasami, stadiumi mund të përfundojë vetëm rreth vitit 2050, dhe vetëm atëherë Shkëndija mund të luajë në fushën e saj të re./TS/

Më poshtë keni VIDEON- Kontratën dhe Dinamikëne punimeve:

Nga Liridon Ramadani

Mbrëmë në Çair u bë hapja e shtabit zgjedhor, dhe për mua ky moment tregoi qartë se Çairi është pika ku përplaset kontradikta e brendshme e VLEN-it, por njëkohësisht shihet edhe frika e tyre nga humbja e thellë. Në Çair, ata nuk mund të thirren në emër të “ndryshimit”. Si mund të flasë për ndryshim Izet Mexhiti, i cili për tri mandate ka qenë kryetar komune, e pastaj edhe përmes Visar Ganiut ka vazhduar ta udhëheqë Çairin edhe dy mandate tjera? Për të mbuluar këtë boshllëk, narrativën e ndryshimit po mundohen ta zëvendësojnë me një narrativë të re atë të “lokalizmit”, sikur kinse tash është koha që Shkupi të udhëheqë politikën shqiptare. Por pikërisht këtu nis kontradikta e madhe: kjo qasje automatikisht e minon rolin e Bilallit brenda VLEN-it, sepse gjithë pesha dhe imazhi po i mvishen Izetit, i cili tashmë perceptohet si lideri i tyre. Dhe kjo është pika që e tregon fytyren e vërtet të Vlenit. Pse? Sepse Izet Mexhiti nuk shihet si figurë e ndryshimit, por si pushtetar 20-vjeçar. Me këtë, jo vetëm që ia mveshin VLEN-it barrën e së kaluarës, por edhe ua heqin nga dora figurave të tjera të cilat tash e humbin arsyen për t’u thirrur në ndryshim. Kështu, Bilalli bie në një pozitë periferike politike: edhe nëse fiton, fitorja e tij do të jetë vetëm plotësuese, por jo vendimtare.
Në anën tjetër, bie në sy mungesa dhe injorimi i Arben Fetait. Ky fakt është mesazh i qartë se roli i tij brenda VLEN-it ka marrë fund. Nga promotor dhe truri i vetëshpallur i ndryshimit, ai sot është lënë jashtë loje, i padukshëm dhe i parëndësishëm.
Dhe e gjitha kjo së shpejti do të sjellë përplasje të brendshme në kampin e VLEN-it. Përplasjet që do t’i nxjerrin në sipërfaqe kontraditat e tyre dhe që do t’i çojnë drejt një humbjeje më të thellë se sa e kanë pritur.