Ministri i Shëndetësisë, Arben Taravari, sot në një press konferencë para mediave në Qeveri ka informuar se gjatë javës së kaluar kanë pasur prmovimin e marrëveshjes me sindikatat e mjekëve, ku klithe rritje të pagave të mjekëve por edhe personalit të mesëm mjekësor.

Por siç shtoi Taravari, sot për herë të parë në vendin tonë kemi rritje të kapitacionit për mjekët amë prej 75 në 100 denarë.

“Kjo është rritje prej 25 për qind që nuk ka ndodhur asnjëherë. Kjo nuk është vetëm për mjekët e përgjithshëm, por është edhe për mjekët amë gjinekolog dhe stomatologët. Jemi të vetëdijshëm që një kujdes primar cilësor, është themel i një sistemi shëndetësor stabil, efikas dhe human. Prandaj, investimi dhe kujdesi primar nuk është vetëm një masë financiare, por edhe një mesazh që ne e çmojmë dhe e besojmë në përkushtimin dhe dijen e punonjësve shëndetësor”, tha Taravari.

Ministri Taravari, shtoi se ky është vetëm fillimi i një politike që do të vazhdoj me masa sistemore, me qëllim të përmirësimit të shërbimeve shëndetësore dhe rritjes së vlerësimit të pacienteve por edhe të punonjësve shëndetësor.

Nënkryetari i ASH-Sela ka kaluar në ASH-në e Taravarit kur edhe sot u pa me Arben Taravarin duke shkuar në mbledhjen e ASH-së. Arben Taravari bëri të ditur se Isen Shabani nga sot do të bëhet anëtar i Kuvendit të ASH-së”

Isen Shabani prej sot anëtar i Kuvendit të Aleancës për Shqiptarët, ku do të jetë edhe kandidat i ASH-së për komunën e Vrapçishtit.
Pas mbledhjes së Kryesisë, Taravari foli edhe për kandidatin që do të jetë për kryetar të komunës së Vrapçishtit, që siç tha, me shumë gjasa do të jetë Isen Shabani.
“Me shumë gjasa, kandidat i Aleancës për Shqiptarët edhe pse në fund vendosë Kuvendi, do të jetë Isen Shabani”, tha Taravari.
I pyetur se a do të thotë se mund të pritet ribashkimi i Taravarit me Selën?

Taravari: “Jo, jo, jo! Jo, nuk ka tendenca të atilla, as që diskutohet për atë…”, u përgjigj Taravari.

Kryetari i BDI-së, Ali Ahmeti e quajti VLEN-in organizatë, për këtë, kreu i LD-së, Izet Mexhiti, tha se VLEN-i është koalicion i pesë partive, që përfaqëson shqiptarët në qeveri.
“Sa i përket formulimit të politik, organizatë, parti politike, lëvizje, mendoj që i ka ngatërruar. VLEN-i është një koalicion i pesë partive politike, që përfaqëson shqiptarët në qeveri”, tha Mexhiti.
I pyetur për deklaratat e Ahmetit, i cili tha se VLEN-i po e degradon pozitën e shqiptarëve dhe të arriturat në 22 vitet e fundit, Mexhiti tha:
“Edhe pse kjo qeveri nuk i ka numrat e dy qeverive të kaluara. Dmth ku qeveria ishte në këmbë të qelqit, edhe e Kovaçevskit, edhe e Zaevit, edhe përkundër kësaj, z.Ahmeti nuk e shfrytëzoj këtë për të mirën e shqiptarëve, nuk e shfrytëzoi këtë për të mirën e shqiptarëve, nuk e shfrytëzoi për avancimin e shqiptarëve, nuk e shfrytëzoi as për projekte kapitale infrastrukturore. Këtë po e përmirëson pikërisht kjo qeveri e VLEN-it, ku 1 miliard euro shkojnë për komunat dhe për decentralizimin, dhe me shumë përgjegjësi e them se diku rreth 300 milionë euro shkojnë për 15 komunat tona”, shtoi Mexhiti.