Arben Taravari i Aleancës për Shqiptarët që doli nga koalicioni i ashtuquajtur VLEN në Maqedoni të Veriut rrëfeu për herë të parë se çka i kishte thënë kryeministri shqiptar, Edi Rama, para se ky koalicion të hynte në qeveri me Hristjan Mickoskin.

Taravari tha se në maj të vitit të kaluar Edi Rama e dinte me siguri se çfarë do t’ju ndodhte në koalicion me Mickoskin – koalicion i cili ishte mbështetur dhe krijuar gjerësisht nga Albin Kurti.

“Po them diçka, besoj që zoti Edi Rama nuk ma merr për të madhe. Menjlherë pas 8 majit kisha njlë takim me Ramën në Tiranë. Dhe, më pyeti: “Hyni në Qeveri? Çfarë pozicionesh keni?” thash Kryetar Parlamentar. “Super”, tha. Më pyeti sa ministra i thash “gjashtë ministri”. Shumë mirë. Veç një porosi.

“Do t’ju përdor Mickoski, do t’ju shfytëzojë dhe do t’ju gjuaj si leckë. Dhe mua kjo më kujtohet. Tha qo ‘do të dilni shumë keq, se jeni katër parti’. Problem për të funksionuar. Ai e ka thënë prej fillimit, tha do harxhoheni, keqpërdoreni, dhe në fund do të mbteni si leckë. Dhe vërtetë, mbetëm ashtu. Nisën të mos na pyesin dhe përfillin dhe vërtetë dukeshim shumë keq”, tha Taravari në TeVe1. (Gazetaexpress)

Editorial nga PressOnline.al

Zgjedhjet lokale të vitit 2025 nuk janë thjesht një përballje personale mes Bujar Osmanit dhe Izet Mexhitit. Në thelb, ato janë një referendum qytetar për të zgjedhur midis dy rrugëve: një politike të konsumuar që mbahet gjallë me retorikë të vjetër dhe strukturë klienteliste – dhe një politike moderne që ka vizion, përvojë shtetërore dhe ide konkrete për të ardhmen.

Izet Mexhiti është mishërimi i modelit të vjetër: një politikë që jeton nga tensionet, nga përçarja, nga e kaluara, nga e ashtuquajtura “fuqi në terren” që më shumë shërben për të ruajtur pozitat e pak njerëzve, sesa për të ndërtuar projekte që ndryshojnë jetën e qytetarëve. Për vite me radhë, qytetarët e kanë parë këtë model: shumë zhurmë, shumë premtime dhe, në fund, pak punë konkrete që mbetet pas.

Çfarë ka ofruar realisht Mexhiti për komunën në këto dekada në politikë? Shumë prej gjërave që përmend si arritje janë ose punë të nisura prej të tjerëve, ose projekte minimale që as nuk e afrojnë komunën me standardet që qytetarët meritojnë. Ai flet për “mbrojtje të interesave shqiptare”, por realisht ofron vetëm mbrojtjen e interesave të rrethit të tij politik.

Përballë këtij modeli të konsumuar, Bujar Osmani përfaqëson një qasje tjetër: një politikë që mbështetet tek profesionalizmi, bashkëpunimi me institucionet dhe hapja ndaj qytetarëve. Ai nuk ka nevojë për tensione dhe as për grupe presioni për të udhëhequr. Përkundrazi, ka ndërtuar karrierën e tij mbi besimin, kompetencën dhe punën konkrete.

Bujar Osmani nuk vjen nga politika e fjalëve të mëdha dhe e kulisave të vogla. Ai vjen nga një përvojë konkrete: ministër i Jashtëm, ministër Shëndetësie, zëvendëskryeministër për eurointegrime – poste ku matet rezultati, jo propaganda.

Komunës nuk i duhen më njerëz që dinë vetëm të bëjnë presion dhe të grumbullojnë vota me retorikë të viteve ‘90. Komunës i duhet një vizion europian: projekte që sjellin investime, infrastrukturë moderne, mbështetje reale për të rinjtë, digjitalizim dhe një administratë që punon për qytetarin, jo për partinë.

Një model i vjetër që rrotullohet në vend dhe që mendon vetëm për betejat e brendshme partiake. Apo një model i ri që e hap komunën ndaj botës, që sjell zhvillim, që vendos rininë dhe qytetarin në qendër.

Viti 2025 është koha për ta mbyllur kapitullin e politikës së vjetër të Izet Mexhitit. Është koha për të zgjedhur punën, jo propagandën; zhvillimin, jo tensionin; të ardhmen, jo të shkuarën. Është koha për të votuar Bujar Osmanin.

Pas publikimit të kandidatëve për kryetar komune nga VLEN, portali TS mëson se në Likovë ka shpërthyer pakënaqësi e madhe brenda strukturave të VLEN-it gjegjësisht në LD.

Sipas informacioneve të TS, Mustafë Veseli ka ardhur nga Zvicra duke besuar në një ndryshim të madh që mund të sillte VLEN dhe LD-ja dhe ka shprehur gatishmëri të kandidojë për komunën e Likovës. Por Mexhiti ia ka lëshuar kandidaturën Arben Fetahut, edhe pse ky i fundit nuk ka parti politike, por ka fituar më shumë komuna.

Kjo ndarje ka krijuar tensione të mëdha në mbledhjen e sotme të LD-së, ku, sipas burimeve të TS, Mustafë Veseli mund të braktisë edhe VLEN-in edhe LD-në.

Portali TS mëson gjithashtu se Alternativa e Zeqirja Ibrahimit është pranë shpërthimit, pasi ndjehen të anashkaluar në ndarjen e kominabe, përballë Arben Fetahut dhe partive tjera.

Alternativa e ka vetëm komunën e Dibrës, dhe atë tashmë thuajse të humbur, ndërsa sipas analizave, fajtor për këtë situatë është marrëveshja mes Mexhitit dhe Kasamit.

I vetmi lider i VLEN që ka përfituar nga ndarja e komunave është Bilall Kasami, duke garuar në tri komuna ku ka gjasa të vogla për fitore, ndërsa Mexhiti në vetëm dy. Alternativa, sipas parashikimeve, mund të zhduket si parti politike pas zgjedhjeve.

Që nga nesër priten zhvillime të reja brenda VLEN-it, ku, sipas burimeve të TS, pakënaqësitë do të shpërthejnë në të gjitha komunat.